भारत-इंग्लंड एकदिवसीय मालिका : झुलनला निर्भेळ यशाची भेट!; तिसऱ्या सामन्यात भारतीय महिला संघाचा इंग्लंडवर १६ धावांनी विजय

लंडन : क्रिकेटची पंढरी अशी ख्याती असलेल्या लॉर्ड्स मैदानावर भारतीय महिला संघाने शनिवारी वेगवान गोलंदाज झुलन गोस्वामीला निर्भेळ यशाची भेट दिली. तिसऱ्या व अखेरच्या एकदिवसीय सामन्यात भारताने इंग्लंडला १६ धावांनी पराभूत केले. यासह भारताने मालिका ३-० अशी जिंकली. प्रथम फलंदाजी करणाऱ्या भारतीय महिला संघाचा डाव ४५.४ षटकांत १६९ धावांत आटोपला होता. स्मृती मानधना (५०), दिप्ती शर्मा (नाबाद ६८) व पूजा वस्त्राकार (२२) या तीन भारतीय फलंदाजांनाच दोन आकडी मजल मारता आली.