U19 WC 2024 : मुशीर खानच्या शतकाच्या जोरावर भारताने उभारला धावांचा डोंगर, न्यूझीलंडसमोर ठेवले २९६ धावांचे लक्ष्य

मुशीर खानचे या स्पर्धेतील हे दुसरे शतक ठरले. न्यूझीलंडविरुद्धच्या सामन्यातील या खेळीसह तो या स्पर्धेत सर्वाधिक धावा करणारा खेळाडूही ठरला. त्याने १०९ चेंडूत १० चौकार आणि एका षटकाराच्या मदतीने आपले शतक पूर्ण केले. त्याने १२६ चेंडूत १३१ धावांची खेळी साकारली आहे. तर, आदर्श सिंगने ५२ धावा केल्या. न्यूझीलंडकडून मेसन क्लार्कने सर्वाधिक चार विकेट्स घेतल्या.

टीम इंडियाची सुरुवात खराब झाली. अर्शिन कुलकर्णी नऊ धावा करून पॅव्हेलियनमध्ये परतला. यानंतर आदर्शने मुशीरसोबत दुसऱ्या विकेटसाठी ७७ चेंडूत ७७ धावांची भागीदारी केली. आदर्श ५८ चेंडूंत सहा चौकारांच्या मदतीने ५२ धावा करून बाद झाला. यानंतर कर्णधार उदय सहारनने मुशीरबरबर ८७ धावांची भागीदारी केली. मोठ्या फटकेबाजीच्या नादात उदयने आपली विकेट गमावली. तो ३४ धावा करून बाद झाला. यानंतर ठराविक अंतराने विकेट पडत राहिल्या. अरावेली अवनीश १७ धावा करून बाद झाला, प्रियांशू मोलिया १० धावा करून बाद झाला, सचिन दास १५ धावा करून बाद झाला.

हेही वाचा – IND vs ENG : ‘तो संघाच्या विजयात…’, सरफराजची टीम इंडियात निवड झाल्यावर त्याचे वडील झाले भावुक

मुशीर खानचे या स्पर्धेतील हे दुसरे शतक ठरले. न्यूझीलंडविरुद्धच्या सामन्यातील या खेळीसह तो या स्पर्धेत सर्वाधिक धावा करणारा खेळाडूही ठरला. त्याने १०९ चेंडूत १० चौकार आणि १ षटकाराच्या मदतीने आपले शतक पूर्ण केले. त्याने १२६ चेंडूत १३१ धावांची खेळी साकारली आहे.दोन शतकांशिवाय मुशीर खानने अर्धशतकही झळकावले आहे. त्याने या स्पर्धेत जवळपास ३०० धावा केल्या आहेत.

हेही वाचा – Deepti Sharma : क्रिकेटपटू दीप्ती शर्माचा गौरव; योगी सरकारकडून पोलीस दलातील ‘हे’ पद बहाल

मुशीरचा भाऊ सरफराज खानची भारतीय संघात निवड –

एकीकडे लहान भाऊ अंडर-१९ विश्वचषकात धुमाकूळ घालत आहे, तर दुसरीकडे रणजी स्टार आणि मुशीरचा मोठा भाऊ सरफराज खानचा कसोटीसाठी भारतीय संघात समावेश करण्यात आला आहे. खरं तर, या दिवसांत इंग्लंडविरुद्ध खेळल्या जाणाऱ्या पाच सामन्यांच्या कसोटी मालिकेतील दुसऱ्या सामन्यासाठी भारतीय संघात सरफराजचा बदली खेळाडू म्हणून समावेश करण्यात आला आहे.