जोहान्सबर्ग कसोटी मालिका ६३ धावांनी जिंकल्यानंतर बीसीसीआयने दक्षिण आफ्रिकेविरुद्धी टी-२० मालिकेसाठी भारतीय संघाची घोषणा केली आहे. वन-डे मालिकेनंतर भारतीय संघ आफ्रिकेविरुद्ध ३ टी-२० सामन्यांची मालिका खेळणार आहे. १६ जणांच्या भारतीय संघांमध्ये सुरेश रैनाने पुनरागमन केलं आहे. सय्यद मुश्ताक अली टी-२० स्पर्धेत केलेली चांगली कामगिरी त्यांच्या पुनरागमनासाठी महत्वाचं कारण ठरलेली आहे.
अवश्य वाचा – मालिकेचा अखेर विजयाने, जोहान्सबर्ग कसोटीत भारत ६३ धावांनी विजयी
वर्षभरापूर्वी सुरेश रैना फेब्रुवारी महिन्यात इंग्लंडविरुद्ध अखेरचा टी-२० सामना खेळला होता. यानंतर जवळपास वर्षभर सुरेश रैना भारतीय संघाच्या बाहेर होता. याव्यतिरीक्त शार्दुल ठाकूर, जयदेव उनाडकट यांनाही टी-२० संघात जागा मिळाली आहे. महेंद्रसिंह धोनीवर यष्टीरक्षणाची जबाबदारी सोपवण्यात आलेली असून दिनेश कार्तिकला राखिव यष्टीरक्षक म्हणून संघात जागा मिळालेली आहे.
टी-२० मालिकेसाठी असा असेल भारतीय संघ –
विराट कोहली (कर्णधार), रोहित शर्मा (उप-कर्णधार), शिखर धवन, लोकेश राहुल, सुरेश रैना, महेंद्रसिंह धोनी (यष्टीरक्षक), दिनेश कार्तिक, हार्दिक पांड्या, मनिष पांडे, अक्षर पटेल, युझवेंद्र चहल, कुलदीप यादव, भुवनेश्वर कुमार, जसप्रीत बुमराह, जयदेव उनाडकट आणि शार्दुल ठाकूर
