शंभराव्या सामन्यात धडाकेबाज शतकी खेळी, भारताच्या ‘गब्बर’चा अनोखा विक्रम

मालिकेत तीन वेळा शतकाची संधी हुकल्यानंतर धवनने अखेर शतकाला गवसणी घातली आहे. पहिल्या ३ सामन्यांपैकी दोन सामन्यात शिखरने अर्धशतकी खेळी केली होती. यामुळे चौथ्या सामन्यात शतक झळकावल्यानंतर शिखर धवनने आपल्या नेहमीच्या शैलीत दोन्ही हात पॅव्हेलियनकडे उंचावत आपल्या सहकाऱ्यांना अभिवादन केलं. वादळ आणि विजांचं संकट टळून गेल्यानंतर शिखर धवन आधीच्या धावसंख्येत अवघ्या २ धावांची भर घालून माघारी परतला.

१०० वन-डे सामने खेळल्यानंतर भारताकडून सर्वाधिक धावा पटकावण्याचा बहुमानही शिखर धवनने पटकावला आहे. या यादीमध्ये आफ्रिकेचा हाशिम आमला शिखर धवनच्या पुढे आहे. नाणेफेक जिंकून प्रथम फलंदाजी करणाऱ्या भारताने रोहित शर्माला लवकर गमावलं, मात्र त्यानंतर कर्णधार विराट कोहली आणि शिखर धवन यांनी शतकी भागीदारी करत भारताचा डाव सावरला.