India vs Australia Highlights: भारताची चॅम्पियन्स ट्रॉफीच्या अंतिम फेरीत धडक, कांगारूंवर नोंदवला मोठा विजय

भारताचा ऑस्ट्रेलियावर दणदणीत विजय - वाचा संपूर्ण बातमी

हार्दिक पंड्याने एका षटकात दोन षटकार लगावत भारताचा विजय निश्चित केला. पण पंड्या २८ धावा करत बाद झाला. यानंतर राहुलने संघाला विजय मिळवून दिला.

विराट कोहली आणि केएल राहुलने संघाचा डाव सावरला असून भारताला सामन्यात कायम ठेवलं आहे. भारताने ४० षटकांत २०० धावा केल्या आहेत. यासह भारताला विजयासाठी ६० चेंडूत ६५ धावांची गरज आहे. विराट कोहली ८० तर राहुल १० धावा करत खेळत आहे.

विराट कोहली अक्षर पटेलने तिसऱ्या विकेटनंतर पुन्हा एकदा भारताचा डाव सावरला आहे. या दोघांच्या भागीदारीसह भारताने ३४ षटकांत ३ बाद १७५ धावा केल्या आहेत. विराट ६६ धावा तर अक्षर पटेलने २६ धावा करत खेळत आहेत. यासह ९६ चेंडूत भारताला विजयासाठी ९० धावांची गरज आहे.

चेसमास्टर विराट कोहलीने श्रेयस अय्यरच्या साथीने भारताचा डाव सावरला. यासह विराटने चौकारासह ५४ चेंडूत ५० धावा करत वनडेमधील चौथे अर्धशतक झळकावले आहे. यासह भारताने २५ षटकांत २ बाद १३२ धावा केल्या आहेत.

https://twitter.com/BCCI/status/1896931218421420091

गिलनंतर भारतीय संघाला रोहित शर्माच्या रूपात सर्वात मोठा धक्का बसला आहे. ऑस्ट्रेलियाचा नवा फिरकी गोलंदाज कुपर कोनॉलीने विराट कोहलीला पायचीत केले आहे. फलंदाजीत चमकदार कामगिरी केली नसली तरी कोनॉलीने पहिली आंतरराष्ट्रीय विकेट रोहित शर्माच्या रूपात मिळाली आहे. यासह भारताने ८ षटकांत २ बाद ४३ धावा केल्या आहेत.

भारतीय संघ ऑस्ट्रेलियाने दिलेल्या २६५ धावांच्या लक्ष्याचा पाठलाग करण्यासाठी उतरला आहे. रोहित शर्मा आणि शुबमन गिलची जोडी मैदानात उतरली आहे. रोहितने दुसऱ्या चेंडूवर चौकार लगावत चांगली सुरूवात केली. तर भारताने पहिल्या षटकात ७ धावा करत सुरूवात केली.

शमीच्या ४९व्या षटकातील अखेरच्या चेंडूवर नॅथन एलिस षटकार मारून विराटकरवी झेलबाद झाला. तर अखेरच्या षटकातील तिसऱ्या चेंडूवर झाम्पा क्लीन बोल्ड झाला. यासह भारताने ऑस्ट्रेलियाचा डाव २६४ धावांत आटोपला आहे.

वरूण चक्रवर्तीने कॅरी आणि ड्वारशुईसची भागीदारी तोडत भारताला सातवी विकेट मिळवून दिली आहे. श्रेयस अय्यरने एक चांगला झेल टिपला असून ऑस्ट्रेलियाने आता ४६ षटकांत ७ बाद २४२ धावा केल्या आहेत. मैदानावर अॅलेक्स कॅरी आणि झाम्पाची जोडी आहे. यासह ऑस्ट्रेलियाने ८ बाद २४८ धावा केल्या आहेत.

स्टीव्ह स्मिथच्या विकेटनंतर अक्षर पटेलने मॅक्सवेलचा त्रिफळा उडवला. ३८व्या षटकात दुसऱ्या चेंडूवर मॅक्सवेलने येताच दणदणीत षटकार लगावला. तर तिसऱ्या चेंडूवर मॅक्सवेल फटका खेळण्यासाठी चुकला आणि चेंडू जाऊन थेट विकेट्सवर आदळला. यासह ३८ षटकांत ऑस्ट्रेलियाने ६ विकेट्स गमावत २०६ धावा केल्या.

सामन्यातील २७व्या षटकातील अखेरच्या चेंडूवर जोस इंग्लिस फटका खेळण्यासाठी गेला आणि कव्हर्सवर विराट कोहलीकरवी झेलबाद झाला. यासह ऑस्ट्रेलियाने २७ षटकांत ४ बाद १४४ धावा केल्या आहेत.

सामन्यातील २३व्या षटकातील तिसऱ्या चेंडूवर लबुशेन पायचीत झाला आणि भारताला तिसरी विकेट मिळाली. यासह स्मिख-लबुशेनची चांगली भागीदारी तोडली. यासह लबुशेन ३६ चेंडूत एक षटकार आणि २ चौकारासह २९ धावा केल्या.

सुरूवातीच्या षटकांमध्ये धावा न काढलेल्या ट्रॅव्हिस हेडने मधल्या षटकांमध्ये मोठी फटकेबाजी केली आणि ३३ धावा केल्या. अखेर रोहितने वरूण चक्रवर्तीला गोलंदाजीला बोलावत त्याने ९व्या षटकातील दुसऱ्या चेंडूवर भारताला ट्रॅव्हिस हेडची मोठी विकेट मिळवून दिली. वरूणच्या गोलंदाजीवर गिलने सीमारेषेजवळ उत्कृष्ट झेल टिपला.

ट्रॅव्हिस हेडने मोहम्मद शमीच्या पाचव्या षटकात सलग तीन चौकार लगावत चौकारांची हॅटट्रिक लगावली आहे. ट्रॅव्हिस हेड ३ वेळा बाद होता होता वाचला, पहिल्या षटकात शमीकडून झेल सुटला, त्यानंतर जडेजाच्या थ्रोवर धावबाद होता होता वाचला, तर शमीच्या षटकात स्टंपला चेंडू लागता लागता वाचून चौकार गेला. यासह ऑस्ट्रेलियाने ५ षटकांत १ बाद ३१ धावा केल्या आहेत.

भारत-ऑस्ट्रेलिया सामन्याला सुरूवात झाली असून ऑस्ट्रेलियाकडून ट्रॅव्हिस हेड आणि नवा सलामीवीर कुपर कोनॉली ही जोडी उतरली आहे. तर भारताकडून मोहम्मद शमीने गोलंदाजीला सुरूवात केली. यासह पहिलाच चेंडू वाईड टाकला आणि त्यानंतर पहिल्याच चेंडूवर हेड झेलबाद होऊ शकला असता पण लगेच समोरच्या दिशेने मारलेला चेंडू शमीच्या हाताला लागून गेला पण जर झेल टिपला असता तर हेड पहिल्याच चेंडूवर बाद झाला असता.