IND vs BAN: भारताचा बांगलादेशवर मोठा विजय, कसोटीनंतर टी-२० मध्येही बांगलादेशवर एकतर्फी मालिका विजय

भारताने बांगलादेशवर १३३ धावांनी मोठा विजय मिळवत ३-० च्या फरकाने मालिका जिंकली आहे. भारताकडून रवी बिश्नोईने सर्वाधिक ३ विकेट्स घेतले तर फलंदाजीत संजू सॅमसन, सूर्यकुमार यादव आणि हार्दिक पंड्या यांनी चमकदार कामगिरी केली.

१८व्या षटकातील दुसऱ्या चेंडूवर रवी बिश्नोईने रिशाद हुसैनला सीमारेषजवळ अभिषेक शर्माने झेलबाद केले. यासह रवी बिश्नोईने त्याच्या स्पेलमधील ३ षटकांत ३ विकेट घेतल्या आहेत.

१५व्या षटकातील पहिल्याच चेंडूवर महमुदुल्लाहने चौकार लगावला तर दुसऱ्या चेंडूवर मोठा फटका मारायला गेला अन् सीमारेषेजवळ रियान परागने त्याला झेलबाद केले. यासह महमुदुल्लाहने अखेरचा टी-२० सामना खेळला आहे. त्याने भारताविरूद्ध दुसऱ्या टी-२० सामन्यापूर्वी निवृत्ती घेणार असल्याचे जाहीर केले होते.

बांगलादेशने १० षटकांत ३ बाद ९४ धावा केल्या आहेत. तौहिद १९ धावा तर लिटन दास ३७ धावांवर खेळत आहे. बांगलादेशला विजयासाठी ६० चेंडूत २०४ धावांची गरज आहे.

लिटन दासने नितीश रेड्डीच्या षटकात ५ चौकार लगावले. यासह बांगलादेशला थोडा दिलासा मिळाला आहे. यासह बांगलादेशची धावसंख्या २ बाद ५९ धावा आहे.

मयंक यादवने पहिल्याच चेंडूवर बांगलादेशचा सलामीवीर परवेजला बाद केले. रियान परागने उत्कृष्ट झेल टिपत पहिली विकेट मिळवून दिली. बांगलादेशने पहिल्या षटकात १ बाद ५ धावा केल्या आहेत. तर बांगलादेशने परवेजबरोबर तन्झीद हसनला सलामीसाठी पाठवले होते. तर परवेज बाद झाल्यानंतर लिटन दास फलंदाजीसाठी आला आहे. पहिल्याच चेंडूवर विकेट घेणाऱ्या भारतीय गोलंदाजांच्या यादीत तो सामील झाला आहे. ज्यामध्ये भुवनेश्वर कुमार, अर्शदीप सिंग, हार्दिक पंड्या हे गोलंदाज आहेत.

भारताने टी-२० क्रिकेटच्या इतिहासातील सर्वात मोठी धावसंख्या उभारली आहे. भारताने बांगलादेशविरूद्ध प्रथम फलंदाजी करताना २० षटकांत ६ बाद २९७ धावा केल्या आहेत. सूर्यकुमार यादवने ७५ धावा तर संजू सॅमसनने १११ धावा केल्या. या दोघांनीही सर्वात मोठी भागीदारी रचत भारताच्या नावे हा विक्रम नोंदवला आहे. तर सूर्या-संजूनंतर हार्दिकने १७ चेंडूत ४७ धावा करत बाद झाला. भारताने यापूर्वी श्रीलंकेविरूद्ध ५ बाद २६० धावा केल्या होत्या.

तस्कीन अहमदच्या १९व्या षटकातील चौथ्या चेंडूवर १३ चेंडूत ३४ धावा करत बाद झाला. रियान आणि हार्दिकला एकेकदा जीवदान मिळालं तर भारताची तुफानी फटकेबाजी पाहून बांगलादेशचे गोलंदाजही बिथरले.

सूर्यकुमार यादव आणि संजू सॅमसनच्या विक्रमी १७३ धावांच्या भागीदारीसह भारताने १५ षटकांत ३ बाद २१३ धावांचा टप्पा गाठला आहे. सध्या मैदानात रियान पराग आणि हार्दिक पंड्याची जोडी मैदानात आहे.

१४व्या षटकातील चौथ्या चेंडूवर संजू सॅमसनच्या वादळी फलंदाजीला ब्रेक लागला आहे. संजूने ४७ चेंडूत ११ चौकार आणि ६ षटकारांसह १११ धावा करत बाद झाला.

संजू सॅमसन आणि सूर्यकुमार यादवने आतापर्यंत ५९ चेंडूत १५९ धावांची भागीदारी रचली आहे. भारताकडून कोणत्याही संघाविरूद्ध केलेली ही सर्वात मोठी भागीदारी आहे.

संजू सॅमसनने १० व्या षटकात सलग पाच षटकार लगावत आपला क्लास दाखवून दिला आहे. संजूने अवघ्या ३५ चेंडूत ९२ धावांचा टप्पा गाठला आहे. संजू सॅमसनने वादळी फलंदाजी करत बांगलादेशच्या गोलंदाजांची बेदम धुलाई केली आहे.

भारतीय संघाने पॉवरप्लेमध्ये १ बाद ८२ धावा केल्या आहेत. भारताच्या टी-२० मधील पॉवरप्लेमधील सर्वाधिक धावा आहेत. संजूने १३ चेंडूत ३५ धावा तर सूर्या १९ चेंडूत ३७ धावांवर खेळत आहे.

भारताला तिसऱ्या षटकातील पहिल्याच चेंडूवर पहिला धक्का बसला. तन्झीमच्या षटकातील पहिल्याच चेंडूवर मोठा फटका खेळताना अभिषेक शर्मा पुन्हा एकदा बाद झाला आहे. या मालिकेत अभिषेक शर्माला मोठी खेळी करता आलेली नाही आणि पुन्हा एकदा सारख्याच पद्धतीने बाद झाला. यासह भारताने पहिल्या विकेटनंतर चांगलं पुनरागमन केलं आणि सूर्याने येताच षटकाराने आपलं खातं उघडलं.

परवेझ हुसेन इमॉन, लिटन दास (यष्टीरक्षक), नजमुल हुसेन शांतो (कर्णधार), तन्झिद हसन, तौहिद हृदयॉय, महमुदुल्ला, महेदी हसन, तस्किन अहमद, रिशाद हुसेन, मुस्तफिजुर रहमान, तन्झिम हसन साकिब