India vs Bangladesh Live Telecast, Cricket World Cup 2023: आयसीसी विश्वचषक २०२३ चा १७ वा सामना भारत आणि बांगलादेश यांच्यात होणार आहे. भारताने या स्पर्धेत आतापर्यंत ३ सामने खेळले असून तिन्ही जिंकले आहेत. बांगलादेशने ३ पैकी फक्त एकच सामना जिंकला आहे. त्यांनी आपली शेवटचे दोन्ही सामने गमावले आहेत. एकदिवसीय सामन्यांमध्ये बांगलादेशचा भारताविरुद्धचा विक्रम चांगला नाही. दोन्ही एकमेकाविरुद्धची आकडेवारी कशी आहे आणि हा सामना कधी, कुठे विनामूल्य पाहता येणार जाणून घेऊया.
दोन्ही संघात आतापर्यंत ४० सामने खेळले गेले आहेत.यापैकी भारताने ३१ जिंकले आहेत, तर ८ गमावले आहेत. एक सामना अनिर्णित राहिला. एवढेच नाही तर बांगलादेश संघाला वनडे फॉरमॅटमध्ये कधीही भारताला मायदेशात हरवता आलेले नाही. टीम इंडिया आणि बांगलादेश यांच्यात आतापर्यंत ३ सामने भारतात झाले असून तिन्ही सामने जिंकले आहेत.
२५ डिसेंबर १९९० रोजी दोघांमधील पहिला एकदिवसीय सामना खेळला गेला होता. तो सामना भारताने ९ विकेटने जिंकला होता. भारताने १४ मे १९९८ रोजी घरच्या मैदानावर बांगलादेश विरुद्ध दुसरा एकदिवसीय सामना खेळला आणि ५ गडी राखून जिंकला होता. भारताने २५ मे १९९८ रोजी घरच्या मैदानावर बांगलादेशविरुद्ध शेवटचा एकदिवसीय सामना खेळला होका. भारतीय संघाने हा सामना ५ विकेटने जिंकला.
हेही वाचा – IND vs BAN: ‘बांगलादेशने भारताला हरवले तर…’, पाकिस्तानी अभिनेत्रीने बांगलादेशी खेळाडूंना दिली खास ऑफर
आता १९ ऑक्टोबरला भारतीय क्रिकेट संघ घरच्या मैदानावर बांगलादेशशी २५ वर्षांनी एकदिवसीय फॉर्मेटमध्ये सामना करणार आहे, तेव्हा ते आपला विजयी विक्रम ४-० ने सुधारण्याचा प्रयत्न करण्याचा निर्धाराने मैदानात उतरतील. हा सामना कधी आणि कुठे पाहता येणार जाणून घेऊया.
भारत विरुद्ध बांगलादेश यांच्यातील आयसीसी विश्वचषक २०२३ मधील सामना कोणत्या तारखेला आहे?
भारत आणि बांगलादेश यांच्यात विश्वचषकातील सामना १९ ऑक्टोबर रोजी होणार आहे.
भारत विरुद्ध बांगलादेश यांच्यातील विश्वचषकातील सामना किती वाजता सुरू होईल?
भारत विरुद्ध बांगलादेश यांच्यातील विश्वचषकातील सामना भारतीय वेळेनुसार दुपारी ०२:०० वाजता सुरू होईल.
भारत विरुद्ध बांगलादेश यांच्यातील विश्वचषकातील सामना कोणत्या मैदानावर खेळवला जाईल?
भारत आणि बांगलादेश यांच्यातील विश्वचषकातील सामना पुण्यातील महाराष्ट्र क्रिकेट असोसिएशन स्टेडियमवर होणार आहे.
हेही वाचा – IND vs BAN: सराव सत्रात पावसाची हजेरी, सामन्यात ठरणार का अडथळा? जाणून घ्या हवामान आणि खेळपट्टीचा अहवाल
भारत विरुद्ध बांगलादेश यांच्यातील सामना कोणत्या टीव्ही चॅनेलवर प्रसारित केला जाईल?
भारत विरुद्ध बांगलादेश यांच्यातील आयसीसी विश्वचषक २०२३ च्या सामन्याचे थेट प्रक्षेपण स्टार स्पोर्ट्स १, स्टार स्पोर्ट्स १ एचडी आणि स्टार स्पोर्ट्स १ हिंदीवर केले जाईल.
भारत विरुद्ध बांगलादेश यांच्यातील सामन्याचे लाइव्ह स्ट्रीमिंग कोठे उपलब्ध असेल?
भारत विरुद्ध बांगलादेश यांच्यातील आयसीसी विश्वचषक २०२३ सामन्याचे लाइव्ह स्ट्रीमिंग डिज्नी प्लस हॉटस्टार अॅप आणि वेबसाइटवर उपलब्ध असेल.
भारत विरुद्ध बांगलादेश सामना भारतात विनामूल्य कुठे पाहता येणार?
चाहते डिज्नी प्लस हॉटस्टार अॅप आणि वेबसाइटवर भारत विरुद्ध बांगलादेश सामना विनामूल्य लाइव्ह पाहू शकतात.
परदेशात भारत विरुद्ध बांगलादेश सामन्याचे थेट प्रक्षेपण कसे पहावे?
भारत: डिज्नी प्लस हॉटस्टार अॅप आणि वेबसाइट
पाकिस्तान: पीटीव्ही स्पोर्ट्स
ऑस्ट्रेलिया: 9 नाऊ आणि फॉक्स स्पोर्ट्स
यूएस आणि कॅनडा: इएसपीएन प्लस
यूके: स्काय स्पोर्ट्स आणि माय5
न्यूझीलंड: स्काय स्पोर्ट्स आणि स्काय गो
