India vs England ODI Updates, 14 July 2022 : भारत आणि इंग्लंड दरम्यान तीन एकदिवसीय सामन्यांची मालिका खेळवली जात आहे. या मालिकेतील दुसरा सामना आज (१४ जुलै) लंडनमधील ऐतिहासिक लॉर्ड्स क्रिकेट स्टेडियमवरती झाला. हा सामना इंग्लंडने १०० धावांनी जिंकला असून मालिकेत १-१ अशी बरोबरी साधली आहे. इंग्लंडच्या एकट्या रीस टॉपलीने भारताचे सहा फलंदाजांना बाद केले. त्यामुळे भारताचा सर्व संघ १४६ धावांमध्येच गुंडाळला गेला. त्यापूर्वी, भारतीय कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला होता. भारतीय गोलंदाजांनी पुन्हा शानदार कामगिरी करत इंग्लंडला २४६ धावांमध्ये गुंडाळले होते. भारताच्यावतीने युझवेंद्र चहलने सर्वाधिक चार बळी घेतले.
England vs India 2nd ODI Live Update : भारत आणि इंग्लंड यांच्यातील दुसऱ्या एकदिवसीय सामन्याचे सर्व अपडेट्स
रीस टॉपलीने 'फाइव्ह विकेट हॉल' मिळवला आहे. युझवेंद्र चहल हा त्याचा आजच्या सामन्यातील पाचवा बळी ठरला आहे.
मोहम्मद शमी आणि रविंद्र जडेजा एका पाठोपाठ बाद झाल्याने भारताच्या विजयाच्या आशा मावळल्या आहेत.
भारताचा सहावा गडी बाद झाला आहे. मोईन अलीने लिव्हिंगस्टोनकरवी हार्दिक पंड्याला माघारी धाडले. भारताची अवस्था सहा बाद १०१ अशी झाली आहे.
२७व्या षटकामध्ये भारतीय संघाच्या १०० धावा पूर्ण झाल्या.
२५ षटकांमध्ये भारताच्या पाच बाद ९१ धावा झाल्या आहेत. हार्दिक पंड्या आणि रविंद्र जडेजा डाव सावरण्याचा प्रयत्न करत आहेत.
सूर्यकुमार यादवच्या रुपात भारताला पाचवा धक्का बसला आहे. तो रीस टॉपलीच्या गोलंदाजीवर त्रिफळाचित झाला. त्याने २९ चेंडूत २७ धावा केल्या. भारताची अवस्था पाच बाद ७३ अशी झाली आहे.
२०षटकांमध्ये भारताच्या चार बाद धावा झाल्या आहेत. सूर्यकुमार यादव २७ तर पंड्या १६ धावांवर खेळत आहेत.
भारताची सलामीची फळी ढेपाळल्यानंतर सूर्यकुमार यादव आणि हार्दिक पंड्या डाव सावरण्याचा प्रयत्न करत आहेत.
विराट कोहली पुन्हा एकदा मोठी खेळी करण्यात अपयशी ठरला आहे. डेव्हिड विलीच्या गोलंदाजीवर तो बाद झाला. भारताची अवस्था चार बाद ३१ अशी झाली आहे.
कर्णधार रोहित शर्माप्रमाणे यष्टीरक्षक ऋषभ पंत देखील शून्यावर बाद झाला आहे. भारताची अवस्था तीन बाद २९ अशी झाली आहे.
२४७ धावांच्या लक्ष्याचा पाठलाग करण्यासाठी उतरलेल्या भारतीय संघाची सुरुवात फारशी चांगली झाली नाही. १०षटकांमध्ये भारताच्या दोन बाद २८ धावा झाल्या आहेत. ऋषभ पंत आणि विराट कोहली मैदानावर उपस्थित आहेत.
भारताचा दुसरा सलामीवीर शिखर धवन ९ धावा करून बाद झाला आहे. भारताची अवस्था दोन बाद २७ अशी आहे.
भारताने पहिल्या पाच षटकांमध्ये एक बाद १० धावा केल्या आहेत. सलामीवीर शिखर धवन आणि विराट कोहली मैदानावरती उपस्थित आहेत.
भारतीय संघाला डावाच्या सुरुवातीलाच मोठा झटका बसला आहे. कर्णधार रोहित शर्मा शून्यावर माघारी परतला आहे.
इंग्लंडच्या गोलंदाजांनी भारताच्या डावाची सुरुवातीची दोन षटके निर्धाव टाकली आहेत. त्यामुळे दोन षटके होऊनही भारताचे अद्याप खाते उघडलेले नाही.
भारतीय फलंदाजीला सुरुवात झाली असून रोहित शर्मा आणि शिखर धवन सलामीसाठी मैदानात उतरले आहेत.
इंग्लंडने भारताला विजयासाठी २४७ धावांचे लक्ष्य दिले आहे.
इंग्लंडचा नववा गडी बाद झाला आहे. ब्रायडन कार्स दोन धावा करून पायचित झाला.
डेव्हिड विलीच्या रुपात इंग्लंडचा आठवा गडी बाद झाला आहे. इंग्लंडच्या ४७ षटकांमध्ये २३७ धावा झाल्या आहेत.
४५ षटकांमध्ये इंग्लंडच्या संघाने सात गडी गमावून २२२ धावा केल्या आहेत.
खेळपट्टीवर जम बसवलेला मोईन अली बाद झाला आहे. युझवेंद्र चहलने जडेजाकरवीअलीला माघारी धाडले. त्याने ६४ चेंडूंमध्ये ४७ धावा केल्या.
मोईन अली आणि डेव्हिड विली इंग्लंडचा डाव सावरण्याचा प्रयत्न करत आहे. दोघांनी ५० धावांची भागीदारी पूर्ण केली आहे.
३५ षटकांमध्ये इंग्लंडच्या सहा बाद धावा झाल्या आहेत. डेव्हिड विली (८) आणि मोईन अली (२३) मैदानावरती उपस्थित आहेत.
३०षटकांमध्ये इंग्लंडच्या सहा बाद १५१ धावा झाल्या आहेत.
लियाम लिव्हिंगस्टोनच्या रुपात इंग्लंडचा सहावा गडी बाद झाला आहे. हार्दिक पंड्याच्या चेंडूबर बदली क्षेत्ररक्षक आलेल्या श्रेयस अय्यरने त्याचा झेल घेतला.
इंग्लंडच्या डावाची सुरुवात फारच वाईट झाली आहे. सुरुवातीचे पाच फलंदाज बाद झाले असून आता लिव्हिंगस्टोन आणि मोईन अली डाव सावरण्याच्या प्रयत्न करत आहेत. २७ षटकांमध्ये इंग्लंडच्या पाच बाद १२९ धावा झाल्या आहेत.
लॉर्ड्सवर सुरू असलेल्या एकदिवसीय सामन्यात यजमानांचा डाव गडगडला आहे. इंग्लंडचे सुरुवातीचे पाच फलंदाज बाद झाले आहेत. इंग्लंडची अवस्था पाच बाद १०२ अशी झाली आहे.
२१ व्या षटकामध्ये इंग्लंडच्या चार बाद १०० धावा झाल्या आहेत. बेन स्टोक्स आणि लियाम लिव्हिंगस्टोन डाव सावरण्याचा प्रयत्न करत आहेत.
कर्णधार जोस बटलर स्वस्तात बाद झाल्यामुळे इंग्लंडचा संघ अडचणीत आला आहे. इंग्लंडची अवस्था चार बाद ८७ अशी झाली आहे. मोहम्मद शमीने बटलरला चार धावांवर त्रिफळाचित केले.
युझवेंद्र चहलने जो रूटच्या रुपात इंग्लंडला तिसरा झटका दिला आहे. जो रूट ११ धावांच्या वैयक्तिक धावसंख्येवर पायचित झाला. इंग्लंडच्या तीन बाद ८२ धावा झाल्या आहेत.
