India vs England T20 Highlights : टीम इंडियाची हुकली हॅट्ट्रिक! राजकोटमध्ये इंग्लंडने मिळवला विजय, बेन डकेटने झळकावले अर्धशतक

राजकोटमध्ये आतापर्यंत पाच टी-२० सामने खेळले गेले आहेत

राजकोटच्या मैदानावर आतापर्यंत पाच टी-२० आंतरराष्ट्रीय सामने खेळले गेले आहेत, त्यापैकी प्रथम फलंदाजी करणाऱ्या संघाने ३ सामने जिंकले आहेत, तर लक्ष्याचा पाठलाग करणाऱ्या संघाने २ सामन्यांमध्ये विजय मिळवला आहे.

राजकोटची खेळपट्टी फलंदाजीसाठी ठरु शकते फायदेशीर –

राजकोटच्या निरंजन शाह स्टेडियमची खेळपट्टी चांगली उसळी आणि वेगासह फलंदाजांसाठी अनुकूल म्हणून ओळखली जाते. त्यामुळे संघांना मोठी धावसंख्या उभारणे सोपे जाते. प्रथम फलंदाजी करणाऱ्या संघांना अनेकदा फायदा होतो. कारण ते आव्हानात्मक धावसंख्या बनवू शकतात आणि विरोधी संघावर दबाव आणू शकतात. या मैदानावर लक्ष्याचा पाठलाग करणे कठीण होऊ शकते, कारण खेळ पुढे जात असताना परिस्थिती कठीण होत जाते.

राजकोटमध्ये १८ धावा करताच जोस बटलर इतिहास घडवणार

https://twitter.com/BCCI/status/1884125350894133352

या सामन्यात जोस बटलर १८ धावा करण्यात यशस्वी ठरला, तर तो भारतीय भूमीवर आंतरराष्ट्रीय टी-२० मध्ये सर्वाधिक धावा करणारा फलंदाज ठरेल. हा विक्रम सध्या अफगाणिस्तानचा अनुभवी खेळाडू मोहम्मद नबीच्या नावावर आहे, ज्याने २५टी-२० सामन्यांमध्ये २५.२७ च्या सरासरीने आणि १६४.४९ च्या स्ट्राईक रेटने ५५६ धावा केल्या आहेत. यामध्ये तीन अर्धशतकांचा समावेश आहे आणि या कालावधीत त्याची सर्वोच्च धावसंख्या ८९ धावा आहे.

टीम इंडियासमोर जोस बटलरला रोखण्याचे आव्हान –

आतापर्यंतच्या दोन्ही सामन्यांमध्ये इंग्लंडचा कर्णधार जोस बटलर भारतासाठी धोकादायक ठरला आहे. बटलरने पहिल्या सामन्यात अर्धशतक झळकावले होते आणि त्यानंतर दुसऱ्या सामन्यातही त्याने शानदार खेळी केली होती. चेन्नईत बटलरचे अर्धशतक झळकावता आले नाही, तरीही त्याच्या खेळीच्या बळावरच संघाला लढाऊ धावसंख्या गाठण्यात यश आले. आतापर्यंत केवळ कर्णधार जोस बटलरला इंग्लंडकडून फलंदाजीत चांगली कामगिरी करता आली आहे. फिरकी गोलंदाजीसमोर धावा काढण्यासाठी त्यांच्या इतर फलंदाजांना संघर्ष करावा लागला आहे. बटलरला रोखण्याचे आव्हान भारतीय गोलंदाजांसमोर असेल.

तिसऱ्या सामन्याठी इंग्लंडने जाहीर केली प्लेईंग इलेव्हन:

बेन डकेट, फिलिप साल्ट (यष्टीरक्षक), जोस बटलर (कर्णधार), हॅरी ब्रूक, लियाम लिव्हिंगस्टोन, जेमी स्मिथ, जेमी ओव्हरटन, ब्रायडन कार्स, जोफ्रा आर्चर, आदिल रशीद, मार्क वूड.

भारत सलग पाचवी टी-२० मालिका जिंकण्यासाठी सज्ज

टीम इंडियाने २०१७ पासून इंग्लंडविरुद्ध सलग चार टी-२० मालिका जिंकल्या आहेत. २०१७ मध्ये भारताने इंग्लंडला तीन सामन्यांच्या मालिकेत २-१ ने, २०१८ मध्ये तीन सामन्यांच्या मालिकेत २-१ ने, २०२१ मध्ये पाच सामन्यांच्या मालिकेत ३-२ ने आणि २०२२ मध्ये तीन सामन्यात २-१ ने पराभूत केले आहे. आता सलग पाचवी मालिका जिंकण्याचे लक्ष्य आहे.