India vs England 4th T20 LIVE Score : हार्दिक पंड्याने ‘नो लूक शॉट्स’ने झळकावले वादळी अर्धशतक, इंग्लंडच्या गोलंदाजांना फोडला घाम

15 षटकांनंतर भारतीय संघाची धावसंख्या

15 षटकांनंतर भारतीय संघाने 5 विकेट गमावून 15 षटकांनंतर भारतीय संघाची धावसंख्या 113 धावा केल्या आहेत. शिवम दुबे 32 आणि हार्दिक पंड्या 14 धावांसह क्रीजवर उपस्थित आहे. भारतीय संघाने दुसऱ्याच षटकातच दोन विकेट गमावल्या होत्या, मात्र यानंतर अभिषेक शर्मा आणि रिंकू सिंगने काही काळ विकेट टिकवून ठेवण्याचा प्रयत्न केला आणि टीम इंडियाला संकटातून वाचवले.

भारताची धावसंख्या शंभरी पार

भारताची धावसंख्या 100 धावांच्या जवळ पोहोचली आहे. संघाने 13 षटकांत 5 गडी गमावून 98 धावा केल्या आहेत. शिवम दुबे 20 धावा करून खेळत आहे. हार्दिक पंड्या 13 धावा करून खेळत आहे. साकिब महमूदने इंग्लंडसाठी घातक गोलंदाजी केली आहे. त्याने 3 विकेट घेतल्या आहेत.

टीम इंडियाला पाचवा धक्का, रिंकू बाद

भारताची पाचवी विकेट रिंकू सिंगच्या रूपाने पडली. 26 चेंडूत 30 धावा करून तो बाद झाला. कार्सने रिंकूला पॅव्हेलियनचा रस्ता दाखवला. इंग्लंडने भारताच्या अडचणी वाढवल्या आहेत. टीम इंडियाने 11 षटकात 5 विकेट गमावून 79 धावा केल्या आहेत. शिवम दुबे 13 धावा करून खेळत आहे. हार्दिक पांड्याला अद्याप खाते उघडता आलेले नाही.

भारताकडून रिंकू-शिवम फलंदाजी करत आहेत –

भारताने 9 षटकांत 4 गडी गमावून 69 धावा केल्या आहेत. रिंकू सिंग 20 चेंडूत 27 धावा करून खेळत आहे. त्याने 4 चौकार आणि 1 षटकार मारला आहे. शिवम दुबे 7धावा करून खेळत आहे.

टीम इंडियाला चौथा धक्का, अभिषेक बाद

भारताची चौथी विकेट अभिषेक शर्माच्या रूपाने पडली. 19 चेंडूत 29 धावा करून तो बाद झाला. त्याने 4 चौकार आणि 1 षटकार मारला. आदिल रशीदने अभिषेकला पॅव्हेलियनचा रस्ता दाखवला.

रिंकू-अभिषेकने सावरला भारताचा डाव, पॉवरप्लेच्या समाप्तीनंतर 3 बाद 47 धावा

पॉवरप्लेमध्ये भारताने तीन विकेट गमावल्या. या मालिकेतील पहिला सामना खेळणाऱ्या साकिब महमूदने दुसऱ्याच षटकात संजू सॅमसन (1), तिलक वर्मा (0) आणि सूर्यकुमार यादव (0) यांना आपला बळी बनवले. यानंतर रिंकू सिंग आणि अभिषेक शर्मा यांनी पदभार स्वीकारला. दोघांमध्ये एक भागीदारी फुलत आहे. पहिल्या सहा षटकांनंतर भारताची धावसंख्या 47/3 आहे.

एकाच षटकात 3 फलंदाज पॅव्हेलियनमध्ये परतले

साकिब महमूदने इंग्लंडसाठी दुसरे षटक टाकले. साकिब महमूदने या षटकात 3 फलंदाज बाद केले. या गोलंदाजाने संजू सॅमसन, तिलक वर्मा आणि कर्णधार सूर्यकुमार यादव यांना 6 चेंडूत बाद केले. मात्र, भारताची धावसंख्या 3 षटकांनंतर 3 बाद 15 धावा आहे. सध्या रिंकू सिंग आणि अभिषेक शर्मा क्रीजवर आहेत. भारताच्या टी-20 क्रिकेटच्या इतिहासात पहिल्यांदाच असं घडलं आहे.

कर्णधार सूर्यकुमार यादव बाद

भारतीय संघाचा कर्णधार सूर्यकुमार यादव अत्यंत खराब फॉर्ममध्ये झगडत असून त्याच्या बॅटमधून धावा येणे कठीण झाले आहे. चौथ्या टी-20 सामन्यात त्याने चार चेंडू खेळले, पण त्याला खातेही उघडता आले नाही. त्याची विकेट साकिब महमूदने घेतली. त्याने हे षटका निर्धाव तीन महत्त्वपूर्ण विकेट्स घेतल्या.

भारताला दुसरा धक्का, तिलक वर्माही बाद

भारताची सलग दुसरी विकेट पडली. तिलक वर्मा शून्यावर बाद झाला. सॅमसननंतर साकिब महमूदनेही तिलकला पॅव्हेलियनचा रस्ता दाखवला. भारताने 1.2 षटकात 2 गडी गमावून 12 धावा केल्या आहेत.

भारताला पहिला धक्का, सॅमसन बाद

भारताला मोठा धक्का बसला आहे. सलामीवीर संजू सॅमसन अवघ्या 1 धावा करून बाद झाला. साकिब महमूदने त्याला पॅव्हेलियनचा रस्ता दाखवला.भारताने 1.1 षटकात एक विकेट गमावून 12 धावा केल्या आहेत.

भारताचे प्लेइंग इलेव्हन: संजू सॅमसन (यष्टीरक्षक), अभिषेक शर्मा, सूर्यकुमार यादव (कर्णधार), तिलक वर्मा, हार्दिक पांड्या, शिवम दुबे, रिंकू सिंग, अक्षर पटेल, अर्शदीप सिंग, रवी बिश्नोई, वरुण चक्रवर्ती.

इंग्लंडची प्लेइंग इलेव्हन : बेन डकेट, फिलिप साल्ट (यष्टीरक्षक), जोस बटलर (कर्णधार), हॅरी ब्रूक, लियाम लिव्हिंगस्टोन, जेकब बेथेल, जेमी ओव्हरटन, ब्रायडन कार्स, जोफ्रा आर्चर, आदिल रशीद, मार्क वूड

इंग्लंडने नाणेफेक जिंकून गोलंदाजी निवडली

https://twitter.com/BCCI/status/1885314267311989093

इंग्लंडने नाणेफेक जिंकून प्रथम गोलंदाजी करण्याचा निर्णय घेतला. भारतीय कर्णधार सूर्यकुमार यादवने सांगितले की, टीम इंडियाने तीन बदलांसह या सामन्यात प्रवेश केला आहे. मोहम्मद शमीच्या जागी अर्शदीप सिंग, ध्रुव जुरेलच्या जागी रिंकू सिंगला संधी मिळाली आहे तर वॉशिंग्टन सुंदरच्या जागी शिवम दुबेला प्लेइंग इलेव्हनमध्ये स्थान देण्यात आले आहे.

रिंकू सिंगचे होऊ शकते पुनरागमन

रिंकू सिंगच्या पाठीच्या समस्येमुळे ध्रुव जुरेलला सातव्या क्रमांकावर संधी दिली असले तरी तो या फॉरमॅटमध्ये फिट बसू शकलेला नाही. रिंकूला पहिल्या दोन सामन्यांसाठी विश्रांती देण्यात आली होती आणि कदाचित चौथ्या सामन्यासाठी तो फिट असेल. मात्र, रिंकूही त्याच्या सर्वोत्तम फॉर्ममध्ये नाही. गंभीर जेव्हा कोलकाता नाईट रायडर्सचा मार्गदर्शक बनला, तेव्हा रिंकूला 2024 च्या आयपीएलमध्ये एकूण 70 चेंडू खेळायला मिळाली होती.

पण त्याला तो T20 विश्वचषक संघात स्थान मिळवू शकला नाही.

पुण्यात कसा आहे टीम इंडियाचा रेकॉर्ड?

पुण्याच्या मैदानावर आतापर्यंत चार T20 आंतरराष्ट्रीय सामने खेळले गेले आहेत, त्यापैकी प्रथम फलंदाजी करणाऱ्या संघाने दोनदा विजय मिळवला आहे तर लक्ष्याचा पाठलाग करणाऱ्या संघाने दोनदा विजय मिळवला आहे. भारतीय संघ इंग्लंडविरुद्ध टी-20 आंतरराष्ट्रीय सामना खेळण्यासाठी दुसऱ्यांदा या मैदानावर येत आहे, ज्यामध्ये 2012 साली खेळलेला यापूर्वीचा सामना टीम इंडियाने 5 विकेटने जिंकला होता. टीम इंडियाने या मैदानावर आतापर्यंत 2 टी-20 सामने जिंकले आहेत, तर 2 मध्ये त्यांना पराभवाचा सामना करावा लागला आहे.

पुण्याची खेळपट्टी फलंदाजीसाठी अनुकूल

एमसीए स्टेडियम पुण्याच्या खेळपट्टीबद्दल बोलायचे झाले तर ती फलंदाजीसाठी अतिशय योग्य मानली जाते. सुरुवातीच्या षटकांमध्ये वेगवान गोलंदाजांना थोडी मदत मिळू शकते, परंतु त्यानंतर फलंदाज आपली जादू दाखवू शकतील. येथे प्रथम फलंदाजीची सरासरी पाहिली तर ती 165 ते 170 धावांच्या आसपास दिसते. सामन्याच्या वेळी तापमान 30 अंश सेल्सिअस असण्याची अपेक्षा आहे, त्यामुळे खेळपट्टी थोडी कोरडी असू शकते आणि अशा परिस्थितीत फिरकीपटूंना जुन्या चेंडूने काही वळण मिळू शकते. मात्र, खेळपट्टीवर काही गवत असेल तर ते फलंदाजांसाठी उपयुक्त ठरू शकते. असे असूनही, खेळ जसजसा पुढे जाईल तसतसा तो थोडा कमी होऊ शकतो, अशा परिस्थितीत नाणेफेक जिंकणारा संघ प्रथम फलंदाजी करण्याचा निर्णय घेऊ शकतो.

चौथ्या सामन्याठी इंग्लंडने जाहीर केली प्लेईंग इलेव्हन

बेन डकेट, फिलिप साल्ट (यष्टीरक्षक), जोस बटलर (कर्णधार), हॅरी ब्रूक, लियाम लिव्हिंगस्टोन, जेकब बेथेल, जेमी ओव्हरटन, ब्रायडन कार्स, जोफ्रा आर्चर, आदिल रशीद, मार्क वूड

भारत सलग पाचवी टी-२० मालिका जिंकण्यासाठी सज्ज

टीम इंडियाने २०१७ पासून इंग्लंडविरुद्ध सलग चार टी-२० मालिका जिंकल्या आहेत. २०१७ मध्ये भारताने इंग्लंडला तीन सामन्यांच्या मालिकेत २-१ ने, २०१८ मध्ये तीन सामन्यांच्या मालिकेत २-१ ने, २०२१ मध्ये पाच सामन्यांच्या मालिकेत ३-२ ने आणि २०२२ मध्ये तीन सामन्यात २-१ ने पराभूत केले आहे. आज पुण्यातील चौथा टी-२० सामना जिंकून सलग पाचवी मालिका जिंकण्याचे लक्ष्य आहे.