IND vs ENG 5th T20I Highlights : अभिषेकच्या ऐतिहासिक शतकाच्या जोरावर भारताचा मोठा विजय! इंग्लंडचा १५० धावांनी केला दारुण पराभव

भारताने इंग्लंडला पराभूत करून मालिका जिंकली

टीम इंडियाने टी-20 मालिकेतील पाचव्या सामन्यात इंग्लंडचा 150 धावांनी पराभव केला. या विजयासह भारताने मालिकेवर कब्जा केला आहे. भारताने ही मालिका 4-1 ने जिंकली. मुंबईत प्रथम फलंदाजी करताना भारताने 247 धावा केल्या होत्या. प्रत्युत्तरात इंग्लंडचा संघ अवघ्या 97 धावांवर ऑलआऊट झाला. भारताकडून अभिषेक शर्माने 135 धावांची खेळी केली. त्याने 2 विकेट्सही घेतल्या. इंग्लंडकडून फिलिप सॉल्टने अर्धशतक झळकावले.

या मालिकेतील पहिला सामना भारताने 7 विकेटने जिंकला होता. यानंतर दुसरा सामना 2 गडी राखून जिंकला. इंग्लंडने तिसऱ्या सामन्यात दमदार पुनरागमन करत 26 धावांनी विजय मिळवला. पण भारताने पुन्हा सलग दोन सामने जिंकले. टीम इंडियाने ही मालिका जिंकली आहे.

इंग्लंडला नववा धक्का बसला

इंग्लंडची नववी विकेट पडली. आदिल रशीद 6 धावा करून बाद झाला. त्याला मोहम्मद शमीने पॅव्हेलियनचा रस्ता दाखवला. इंग्लंडने 10.2 षटकात 97 धावा केल्या आहेत. संघाने 9 विकेट गमावल्या आहेत.

इंग्लंडला आठवा धक्का, दुबेने घेतली विकेट

इंग्लंडची आठवी विकेट पडली. जेकब बेथेल 10 धावा करून बाद झाला. शिवम दुबेने त्याला पॅव्हेलियनचा रस्ता दाखवला. इंग्लंडने 9.1 षटकांत 8 गडी गमावून 91धावा केल्या आहेत. जोफ्रा आर्चरला अद्याप खाते उघडता आलेले नाही.

एकाच षटकात अभिषेक शर्माने दुसरी विकेट घेतली

त्याच षटकात अभिषेक शर्माने दुसरी विकेट घेतली. त्याने जेमी ओव्हरटनला पॅव्हेलियनचा रस्ता दाखवला. अवघ्या 1 धावा करून तो बाद झाला. इंग्लंडने 8.5 षटकात 90 धावा केल्या आहेत. संघाने 7 विकेट गमावल्या आहेत.

इंग्लंडला सहावा धक्का, अभिषेकने घेतली विकेट

टीम इंडियाकडून अभिषेक शर्माला एक विकेट मिळाली. कार्स 3 धावा करून बाद झाला. इंग्लंडने 8.1 षटकात 6 गडी गमावून 87 धावा केल्या आहेत. जेकब बेथेल 9 धावा करून खेळत आहे.

शिवम दुबेने भारताला मिळवून दिली मोठी विकेट, सॉल्टला केले बाद

इंग्लंडला मोठा धक्का बसला आहे. फिलिप सॉल्ट अर्धशतकानंतर बाद झाला. शिवम दुबेने त्याला पॅव्हेलियनचा रस्ता दाखवला. सॉल्टने 55 धावांची खेळी खेळली. इंग्लंडने 7.2 षटकात 83 धावा केल्या आहेत. संघाने पाच विकेट गमावल्या आहेत.

इंग्लंडला चौथा धक्का बसला

वरुण चक्रवर्तीने भारताला आणखी एक विकेट मिळवून दिली. लिव्हिंगस्टन 9 धावा करून पॅव्हेलियनमध्ये परतला. रिंकू सिंगने त्याचा झेल पकडला. या सामन्यातील वरुणची ही दुसरी विकेट होती. इंग्लंडने 6.1 षटकात 4 गडी गमावून 68 धावा केल्या आहेत. फिलिप सॉल्ट 48 धावा करून खेळत आहे.

इंग्लंडला तिसरा धक्का, ब्रुक आऊट

इंग्लंडची तिसरी विकेट हॅरी ब्रूकच्या रूपाने पडली. रवी बिश्नोईने त्याला पॅव्हेलियनचा रस्ता दाखवला. ब्रूक अवघ्या 2 धावा करून बाद झाला. इंग्लंडने 5.2 षटकात 3 गडी गमावून 59 धावा केल्या आहेत.

इंग्लंडला दुसरा धक्का, बटलर बाद

इंग्लंडची दुसरी विकेट जॉस बटलरच्या रूपाने पडली. तो 7 धावा करून बाद झाला. वरुण चक्रवर्तीने त्याला पॅव्हेलियनचा रस्ता दाखवला. तत्पूर्वी इंग्लंडने 4 षटकात 1 गडी गमावून 48 धावा केल्या आहेत. फिलिप सॉल्ट 39 धावा करून खेळत आहे. त्याने 5 चौकार आणि 2 षटकार मारले आहेत.

मोठ्या प्रतिक्षेनंतर मैदानावर पुनरागमन केलेल्या शमीने पहिली विकेट मिळवली आहे. शमीने त्याच्या स्पेलमधील दुसऱ्या षटकातील पहिल्याच चेंडूवर बेन डकेटला झेलबाद केले. डकेट गोल्डन डकवर बाद झाला.

भारताने दिलेल्या २४८ धावांच्या लक्ष्याचा पाठलाग करण्यासाठी उतरलेल्या इंग्लंडने चांगली सुरूवात केली. फिल सॉल्टने मोहम्मद शमीच्या पहिल्याच षटकात १७ धावा केल्या. दोन चौकार आणि एका षटकारासह त्याने धावा करायला सुरूवात केली.

भारताने इंग्लंडला 248 धावांचे लक्ष्य दिले

भारताने इंग्लंडला विजयासाठी 248 धावांचे लक्ष्य दिले आहे. टीम इंडियाने प्रथम फलंदाजी करताना 20 षटकांत 9 गडी गमावून 247 धावा केल्या. यादरम्यान अभिषेक शर्माने धमाकेदार शतक झळकावले. अभिषेक शर्माने 54 चेंडूंचा सामना करत 135 धावा केल्या. त्याने 13 षटकार आणि 7 चौकार मारले. शिवम दुबेने 13 चेंडूत 30 धावा केल्या. टिळक वर्माने २४ धावांची खेळी केली. संजू सॅमसनने 16 धावा केल्या. सूर्यकुमार यादव 2 धावा करून बाद झाला. हार्दिक पंड्या 9 धावा करून बाद झाला.

स्फोटक खेळीनंतर अभिषेक बाद

अभिषेक शर्मा 135 धावा करून बाद झाला. त्यांनी इतिहास रचला आहे. अभिषेकने भारताकडून फलंदाजी करताना टी-20 आंतरराष्ट्रीय क्रिकेटमध्ये सर्वोच्च धावसंख्या उभारली.

अभिषेकने 54 चेंडूंचा सामना करत 135 धावा केल्या आहेत. त्याने 13 षटकार आणि 7 चौकार मारले आहेत. भारताने 18 षटकांत 7 गडी गमावून 237 धावा केल्या आहेत.

टीम इंडियाला सहावा धक्का, रिंकू बाद

टीम इंडियाच्या धावसंख्येने 200 धावा पार केल्या आहेत. पण सहावी विकेटही पडली. रिंकू सिंग 9 धावा करून पॅव्हेलियनमध्ये परतला. त्याला जोफ्रा आर्चरने बाद केले. भारताने 16 षटकांत 6 गडी गमावून 202 धावा केल्या आहेत. आता अक्षर पटेल फलंदाजीला आला आहे.

भारताला पाचवा धक्का, पंड्या बाद

भारताची पाचवी विकेट हार्दिक पांड्याच्या रूपाने पडली. 6 चेंडूत 9 धावा करून तो बाद झाला. मार्क वुडने पंड्याला पॅव्हेलियनचा रस्ता दाखवला. भारताने 14.4 षटकात 193 धावा केल्या आहेत. अभिषेक शर्मा 108 धावा करून खेळत आहे.

भारताला चौथा धक्का बसला

भारताची चौथी विकेट शिवम दुबेच्या रूपाने पडली. 13 चेंडूत 30 धावा करून तो बाद झाला. कार्सने शिवम दुबेला पॅव्हेलियनचा रस्ता दाखवला. कार्सने आतापर्यंत तीन विकेट्स घेतल्या आहेत. भारताने 14 षटकानंतर 4 बाद 184 धावा केल्या आहेत. अभिषेक शर्मा 107 धावांवर खेळत आहे.

टीम इंडियाला तिसरा झटका, सूर्या बाद

भारताची तिसरी विकेट कर्णधार सूर्यकुमार यादवच्या रूपाने पडली. 3 चेंडूत 2 धावा करून तो बाद झाला. कार्सने सूर्याला पॅव्हेलियनचा रस्ता दाखवला. भारताने 11 षटकात 3 गडी गमावून 148 धावा केल्या आहेत. सध्या शिवम दुबे अभिषेक शर्मासह फलंदाजी करत आहे.

अभिषेक शर्माचे धमाकेदार शतक

युवा फलंदाज अभिषेक शर्माने 37 चेंडूत आपले शतक पूर्ण केले. भारतासाठी सर्वात जलद शतक झळकावणारा तो दुसरा फलंदाज ठरला. याआदी रोहित शर्माने 35 चेंडूत ही कामगिरी केली आहे. तिसऱ्या स्थानावर संजू सॅमसन आहे, ज्याने 40 चेंडूत शतक पूर्ण केले. अभिषेकच्या कारकिर्दीतील हे दुसरे शतक आहे.

भारताची तिसरी विकेट कर्णधार सूर्यकुमार यादवच्या रूपाने पडली. 3 चेंडूत 2 धावा करून तो बाद झाला. कारने सूर्याला पॅव्हेलियनचा रस्ता दाखवला.

भारताला दुसरा धक्का, तिलक बाद

भारताची दुसरी विकेट पडली. तिलक वर्मा 15 चेंडूत 24 धावा करून बाद झाला. त्याने 3 चौकार आणि 1 षटकार मारला. तिलकला कार्सने बाद केले. भारताने 9 षटकांत 2 गडी गमावून 136 धावा केल्या आहेत.

भारताची धावसंख्या शंभरी पार

भारताच्या धावसंख्येने 100 धावांचा टप्पा ओलांडला आहे. संघाने 7 षटकांत 1 गडी गमावून 111 धावा केल्या आहेत. अभिषेक शर्मा 72 धावा करून खेळत आहे. तिलक वर्मा 21 धावा करून खेळत आहे.

भारताची धावसंख्या 100 धावांच्या जवळ

भारताने 6 षटकांत 1 गडी गमावून 95 धावा केल्या आहेत. अभिषेक शर्मा 58 धावा करून खेळत आहे. तिलक वर्मा 19 धावा करून खेळत आहे. टीम इंडियाची धावसंख्या 100 धावांच्या जवळ पोहोचली आहे. विशेष म्हणजे ही भारताची पॉवरप्लेमधील सर्वोच्च धावसंख्या ठरली आहे.

भारताकडून टी२० मध्ये सर्वाधिक पॉवरप्ले धावा

९५/१ विरुद्ध इंग्लंड, वानखेडे २०२५

८२/२ विरुद्ध स्कॉटलंड, दुबई २०२१

८२/१ विरुद्ध बांगलादेश, हैदराबाद २०२४

७८/२ विरुद्ध दक्षिण आफ्रिका जोबर्ग २०१८

अभिषेकचे धमाकेदार अर्धशतक

अभिषेक शर्माने स्फोटक फलंदाजी करताना भारतासाठी झंझावाती अर्धशतक झळकावले. त्याने 17 चेंडूत अर्धशतक केले. या खेळीत अभिषेकने 5 षटकार आणि 3 चौकार लगावले.

भारताची धावसंख्या 50 धावा पार

भारताची धावसंख्या 50 धावांच्या पुढे गेली आहे. अभिषेक शर्मा 15 चेंडूत 38 धावा करून खेळत आहे. त्याने 3 चौकार आणि 3 षटकार मारले आहेत. टिळक वर्मा 1 धावा करून खेळत आहे. भारताने 4 षटकात 1 गडी गमावून 55 धावा केल्या आहेत.

अभिषेक शर्माने चौकार-षटकारांच्या फटकेबाजीच्या जोरावर अवघ्या १६ चेंडूत अर्धशतक पूर्ण केलं आहे. अशारितीने भारताने ५ षटकांत ८० धावांचा टप्पा गाठला आहे. अभिषेकने ३ चौकार आणि ५ षटकारांसह हे जलद अर्धशतक झळकावलं आहे.

टीम इंडियाला पहिला धक्का, सॅमसन बाद

टीम इंडियाला पहिला धक्का बसला. संजू सॅमसन 16 धावा करून बाद झाला. मार्क वुडने त्याला पॅव्हेलियनचा रस्ता दाखवला. आता टिळक वर्मा फलंदाजीला आले आहेत. अभिषेक शर्मा 5 धावा करून खेळत आहे. भारताने 2 षटकात 1 गडी गमावून 21 धावा केल्या आहेत.

टीम इंडियाची वादळी सुरुवात, सॅमसनने आर्चरची केली धुलाई

टीम इंडियाने आक्रमक सुरुवात केली आहे. संजू सॅमसनने पहिल्या षटकात जोफ्रा आर्चरला दोन षटकार आणि एक चौकार मारला. त्यामुळे भारताची धावसंख्या बिनबाद १४ धावा आहे. अभिषेक शर्माने अजून खाते उघडले नाही.

नाणेफेकीनंतर जोस बटलर काय म्हणाला?

आम्ही काही वेळा चांगले क्रिकेट खेळलो. पण आम्हाला ते अधिक चांगल्या प्रकारे खेळायला हवे होते. खेळातील खास क्षणांचा आनंद घेण्याची गरज आहे. संघात चांगला उत्साह आहे, हे एक चांगले ठिकाण आहे जिथे खूप प्रेक्षक आहेत. त्याचबरोबर खेळपट्टी देखील उत्तम आहे. या सामन्यासाठी मार्क वूड संघात परतला आहे. दोन्ही संघ उच्च दर्जाचे आहेत. आमच्या संघात चार इम्पॅक्ट सब खेळाडू आहेत.

पाचव्या सामन्यासाठी कशी आहे दोन्ही संघांची प्लेइंग इलेव्हन?

भारत (प्लेइंग इलेव्हन): संजू सॅमसन (विकेटकीपर), अभिषेक शर्मा, तिलक वर्मा, सूर्यकुमार यादव (कर्णधार), रिंकू सिंग, शिवम दुबे, हार्दिक पंड्या, अक्षर पटेल, रवी बिश्नोई, मोहम्मद शमी, वरुण चक्रवर्ती

इंग्लंड (प्लेइंग इलेव्हन): फिलिप साल्ट (विकेटकीपर), बेन डकेट, जोस बटलर (कर्णधार), हॅरी ब्रूक, लियाम लिव्हिंगस्टोन, जेकब बेथेल, ब्रायडन कार्स, जेमी ओव्हरटन, जोफ्रा आर्चर, आदिल रशीद, मार्क वूड

इंग्लंडने नाणेफेक जिंकून गोलंदाजी निवडली

इंग्लंडने पुन्हा एकदा नाणेफेक जिंकून प्रथम गोलंदाजी करण्याचा निर्णय घेतला. भारताने एका बदलासह या सामन्यात प्रवेश केला आहे. अर्शदीप सिंगच्या जागी मोहम्मद शमीचा संघात समावेश करण्यात आला आहे. त्याच वेळी, मार्क वुड इंग्लंडच्या प्लेइंग 11 मध्ये परतला आहे. साकिब महमूदच्या जागी त्याला संधी मिळाली आहे.

हर्षितबाबत संघ व्यवस्थापन काय निर्णय घेणार?

शिवमचा कनक्शन सबस्टिट्यूट म्हणून मैदानात उतरलेला हर्षित राणा पदार्पणातच छाप पाडण्यात यशस्वी ठरला. भारताने आतापर्यंत दोन विशेषज्ञ वेगवान गोलंदाजांसह या मालिकेत प्रवेश केला आहे. हार्दिक प्लेइंग इलेव्हनचा भाग असेल यात शंका नाही, पण संघ हर्षित आणि अर्शदीप सिंग यापैकी एकालाच संधी देऊ शकतो. अर्शदीप हा इंग्लंडविरुद्धच्या तीन सामन्यांच्या वनडे आणि त्यानंतर चॅम्पियन्स ट्रॉफीसाठी भारतीय संघाचा भाग आहे. त्यामुळे संघ व्यवस्थापन अर्शदीपला विश्रांती देऊ शकते आणि हर्षितला संधी देऊ शकते.