India vs England ICC Cricket World Cup 2023 Match Updates: भारतीय क्रिकेट संघाचा कर्णधार रोहित शर्मा २९ ऑक्टोबर रोजी एकाना क्रिकेट स्टेडियमवर इंग्लंड विरुद्ध सामन्यात कर्णधार म्हणून १००व्यांदा संघाचे नेतृत्व करताना दिसणार आहे. एक शानदार फलंदाज असण्याबरोबरचं भारतीय संघाचा कर्णधार म्हणून हिटमॅनचा विक्रमही शानदार आहे. रोहित शर्माचा क्रिकेटच्या तिन्ही प्रकारामध्ये त्याच्या कर्णधारपदाखाली ७०% पेक्षा जास्त टीम इंडियाने विजयाचा विक्रम आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

सध्या सुरू असलेल्या आयसीसी विश्वचषकात भारताचा इंग्लंडविरुद्ध सामना होत असताना रोहित शर्मा १००व्यांदा टीम इंडियाचा कर्णधार म्हणून सामन्यात उतरणार आहे. खेळाच्या सर्वात लहान फॉरमॅट म्हणजेच जर टी२० बद्दल बोलायचे तर, रोहित शर्माने एकूण ५१ वेळा संघाचे नेतृत्व केले आहे. यापैकी हिटमॅनच्या नेतृत्वाखाली टीम इंडियाने ३९ सामने जिंकले असून १२ सामने गमावले आहेत. त्यांचा टी२० मध्ये विजयाचा विक्रम ७६.४७% आहे.

आणखी वाचा

भारतीय संघाने एकाना येथे जरी खूप सामने खेळले नसले तरी जे काही खेळले आहेत त्यात कर्णधार म्हणून रोहितचे या स्टेडियमशी खास नाते निर्माण झाले आहे. शेवटचा जेव्हा या मैदानात सामना झाला होता तेव्हा त्याने वेस्ट इंडिजविरुद्धच्या टी२० सामन्यात अप्रतिम शतक झळकावले होते. या लखनऊमधील मैदानावर आंतरराष्ट्रीय शतक झळकावणारा एकमेव भारतीय संघाचा खेळाडू हिटमॅन आज या मैदानावर आणखी एक शतक करू शकतो.

हेही वाचा: IND vs ENG WC Live Score: विजयी षटकार मारण्यासाठी रोहित ब्रिगेड सज्ज! टीम इंडिया करणार इंग्लंडशी दोन हात

सध्याचा कसोटी कर्णधार रोहित शर्माने एकूण ९ सामन्यांमध्ये भारतीय संघाचे नेतृत्व केले आहे. रोहितच्या नेतृत्वाखाली टीम इंडियाने ५ विजय, २ पराभव आणि २ सामने अनिर्णीत राखण्यात यश मिळवले आहे. रोहित शर्माची वन डेतील कामगिरीही तितकीच चमकदार आहे. त्याने ३८ वेळा मेन इन ब्लूचे नेतृत्व केले असून त्यात २८ वेळा जिंकले आहे आणि ९ सामने हरले आहेत तर एका सामन्याचा निकाल लागला नाही. अशा प्रकारे, रोहितच्या नेतृत्त्वाखाली भारतीय संघाची विजयाची सरासरी ७३.६८% आहे.

लखनऊच्या मैदानाचा काय इतिहास?

लखनऊमध्ये हा विश्वचषकातील चौथा सामना असेल. आतापर्यंत येथे तीन सामने खेळले गेले आहेत. लक्ष्याचा पाठलाग करणारा संघ तीनपैकी दोन सामने जिंकतो. आतापर्यंत ४७ विकेट्स पडल्या आहेत. त्यापैकी २६ विकेट्स वेगवान गोलंदाजांनी घेतल्या आहेत. त्याचबरोबर १५ विकेट्स फिरकी गोलंदाजांच्याही गेल्या आहेत. इंग्लंडविरुद्धच्या सामन्यादरम्यान ही खेळपट्टी फिरकी गोलंदाजांना मदत करेल, असे मानले जात आहे.

हेही वाचा: IND vs ENG WC Live Score: मागील विश्वचषकातील पराभवाचा बदला घेण्यासाठी भारतीय संघ करणार इंग्लंडशी दोन हात, थोड्याच वेळात होणार नाणेफेक

टीम इंडिया २० वर्षांनंतर इंग्लंडला हरवण्याचा प्रयत्न करणार आहे

भारताने १९८३, १९९९ आणि २००३ मध्ये विश्वचषक जिंकला आहे. तर, इंग्लंडने १९७५, १९८७, १९९२ आणि २०१९ मध्ये विजय मिळवला आहे. २०११ मध्ये दोन्ही संघांमधील सामना बरोबरीत सुटला होता. अशा परिस्थितीत टीम इंडियाला २० वर्षांनंतर पुन्हा एकदा एकदिवसीय विश्वचषकात इंग्लंडला हरवायचे आहे.