भारत विरुद्ध इंग्लंड यांच्यात सुरु होणाऱ्या कसोटी मालिकेआधी भारतीय संघाला धक्का बसला आहे. फिरकीपटू रविचंद्रन आश्विनच्या हाताला दुखापत झाल्यामुळे त्याने Essex विरुद्धच्या सराव सामन्यात सहभाग घेतला नाही. सरावादरम्यान नेट्समध्ये गोलंदाजी करत असताना आश्विनच्या उजव्या हातावर चेंडूचा जोरदार फटका बसला आहे. यानंतर खबरदारीचा उपाय म्हणून आश्विनने गोलंदाजी करणं टाळलं आहे. सध्या भारतीय संघाचे डॉक्टर आणि फिजीओथेरपिस्ट आश्विनच्या दुखापतीवर लक्ष ठेऊन आहेत. १ ऑगस्टपासून बर्मिंगहॅमच्या मैदानावर भारत आणि इंग्लंड यांच्यातील कसोटी मालिकेला सुरुवात होणार आहे. या मालिकेआधी आश्विनची दुखापत बरी होते की नाही याकडे सर्वांचं लक्ष असणार आहे.
आर्काइव्हमधील सर्व बातम्या मोफत वाचण्यासाठी कृपया रजिस्टर करा
Already have a account? Sign in
First published on: 27-07-2018 at 11:54 IST
मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: India vs england r ashwin suffers minor injury ahead of first test