IND vs PAK, Highlights WC 2023: इंडिया जोमात, पाकिस्तान कोमात! रोहितचे तुफानी अर्धशतक, सात विकेट्सने दणदणीत विजय

भारतीय कर्णधार रोहित शर्माने नाणेफेक जिंकली आहे. त्याने पाकिस्तानविरुद्ध प्रथम गोलंदाजी करण्याचा निर्णय घेतला आहे. या सामन्यात शुबमन गिलचे पुनरागमन झाल्याचे रोहित शर्माने सांगितले. इशान किशनला बाहेर बसावे लागले. बाबर म्हणाला की, त्यालाही आधी गोलंदाजी करायची होती.

भारत-पाकिस्तान सामन्याआधी पाकिस्तानचा कर्णधार बाबर आझमने मोठे विधान केले आहे. बाबर म्हणाला की, “इतिहासात मागे काय झाले, याचा आम्ही फारसा विचार करत नाही. सध्या आम्ही आजच्या सामन्यावर लक्ष केंद्रित करू इच्छितो. विक्रम हे नेहमी तोडण्यासाठी असतात आणि आज तो आम्ही मोडण्याचा प्रयत्न करू.”

पाकिस्तान क्रिकेट संघाचे चाहते मानले जाणारे बशीर चाचा पाकिस्तान संघाचे सामने पाहण्यासाठी जगभरात संघासोबत फिरतात. मात्र, यावेळी ते भारतीय संघाला पाठिंबा देताना दिसत आहेत. भारत-पाकिस्तान सामन्यादरम्यान 'चाचा' एकच जर्सी घालतात, त्या जर्सीच्या अर्ध्या भागावर भारताचा तिरंगा आणि दुसऱ्या अर्ध्यावर पाकिस्तानचा ध्वज असतो. पाकिस्तानी चाहत्याचा पोशाख पाहून टीम इंडियाचे चाहतेही त्यांना खूप प्रेम देताना दिसत आहेत.

See more

Ind vs Pak: लाखभराचं तिकीट, मेडिकल टूरिझम आणि दारुसाठी झुंबड

भारत आणि पाकिस्तानचे दोन्ही संघ आजच्या सामन्यासाठी नरेंद्र मोदी स्टेडियममध्ये पोहचले. बाबर आझम आणि रोहित शर्माच्या नेतृत्त्वात उभय संघ आज भिडणार असून विश्वचषकातील तिसरा विजय नोंदवण्यासाठी सज्ज आहेत.

भारत-पाकिस्तान सामना पाहण्यासाठी अनुष्का शर्मा अहमदाबादमध्ये पोहोचली, सचिन तेंडुलकर-दिनेश कार्तिकही एकत्र दिसले.

IND vs PAK: भारत-पाकिस्तान सामना पाहण्यासाठी सचिन तेंडुलकर-अनुष्का शर्मा दिसले एकत्र, टीम इंडियाला पाठिंबा देण्यसाठी पोहचले अहमदाबादला

अहमदाबादमधील नरेंद्र मोदी स्टेडियमची खेळपट्टी फलंदाजीसाठी खूपच चांगली मानली जाते. येथे बॅटवर चेंडू स्कीट होऊन येतो, त्यामुळे या मैदानवर मोठी धावसंख्या पाहायला मिळू शकते. क्रिकेट चाहत्यांना आज चौकार-षटकारांची आतिषबाजी पाहायला मिळू शकते. पण नवीन चेंडूवर वेगवान गोलंदाज मदत मिळू शकते.

येथे आतापर्यंत एकूण २९ एकदिवसीय सामने खेळले गेले आहेत, ज्यामध्ये पहिल्या डावातील सरासरी धावसंख्या २३७ धावांची आहे. येथे प्रथम फलंदाजी करणाऱ्या संघाने १६ सामने जिंकले आहेत. मात्र, विश्वचषकातील न्यूझीलंड-इंग्लंड सामन्यात न्यूझीलंडने प्रथम गोलंदाजी करत सामना मोठ्या फरकाने जिंकला होता.

IND vs PAK: भारत-पाकिस्तान सामना पाहण्यासाठी अमिताभ-रजनीकांत अन् सचिन राहणार उपस्थित; अहमदाबादमध्ये रंगणार रंगारंग सोहळा

IND vs PAK: पाकिस्तानच्या सामन्यात प्रिन्स येतोय! अफगाणिस्तान सामन्यानंतर इशान किशनने दिले संकेत; म्हणाला, “शुबमन बरा असून पुढच्या…”

भारत विरुद्ध पाकिस्तान आयसीसी क्रिकेट विश्वचषक सामन्यापूर्वी आज अहमदाबादमधील नरेंद्र मोदी स्टेडियमबाहेर सुरक्षा व्यवस्था वाढवण्यात आली आहे. ११ हजारांहून अधिक सुरक्षा कर्मचारी सज्ज आहेत.

अहमदाबादच्या नरेंद्र मोदी स्टेडियमवर आज एक लाखाहून अधिक प्रेक्षक सामना पाहणार आहेत. स्टेडियमबाहेर प्रेक्षकांची मोठी गर्दी दिसत आहे. संपूर्ण शहरात मोठ्या प्रमाणात क्रिकेट चाहते टीम इंडियाचा जयघोष पाहायला मिळत आहे.

IND vs PAK: “तुम्ही चेंडू टाकणार तर कुठे अन्…?” रोहित शर्माच्या जबरदस्त फॉर्मवर पाकिस्तानच्या माजी खेळाडूने व्यक्त केली चिंता

नरेंद्र मोदी स्टेडियमवर आज भारत आणि पाकिस्तान यांच्यातील ५०वा आंतरराष्ट्रीय सामना होणार आहे. त्यामुळे ही क्रिकेट रसिकांसाठी एक पर्वणी असणार आहे.

अहमदाबादेत क्रिकेटोत्सव!

अखेर शोएब अख्तर भेटला त्याच्या महिला व्हर्जनला; व्हिडीओ शेअर करत चाहत्यांना म्हणाला, “शेवटी मी…”

IND vs PAK, World Cup 2023: भारत-पाकिस्तान हाय व्होल्टेज सामन्यासाठी दोन्ही संघांचे चाहतेही सज्ज; तयारी करतानाचा VIDEO व्हायरल

IND vs PAK, World Cup 2023: भारत-पाक संघात रंगणार विश्वचषकातील सर्वात मोठा सामना, जाणून घ्या दोन्ही संघांची संभाव्य प्लेइंग इलेव्हन

IND vs PAK, World Cup 2023: चाहत्यांसाठी वाईट बातमी! भारत-पाकिस्तान सामन्यावर पावसाचे सावट, हवामान खात्याने दिली माहिती

IND vs PAK, World Cup 2023: पाकिस्तानविरुद्धच्या सामन्यापूर्वी भारतासाठी आनंदाची बातमी, रोहित शर्माने शुबमनबद्दल दिली मोठी अपडेट

सध्याच्या एकदिवसीय विश्वचषकात दोन्ही संघांचा फॉर्म चांगला आहे. भारताने ऑस्ट्रेलिया आणि अफगाणिस्तानविरुद्ध विजय मिळवला आहे. त्याचवेळी पाकिस्तानने नेदरलँड आणि श्रीलंकेचा पराभव केला होता. आता रोहित शर्मा आणि बाबर आझम यांच्या नजरा विजयाची हॅट्ट्रिक करण्यावर असतील.

एकदिवसीय विश्वचषक स्पर्धेत भारतीय संघ पाकिस्तानविरुद्ध एकही सामना गमावलेला नाही. टीम इंडियाने १९९२, १९९६, १९९९, २००३, २०११, २०१५ आणि २०१९ मध्ये पाकिस्तानचा पराभव केला आहे. भारतीय संघाला ही विजयी मालिका सुरू ठेवायची आहे. टीम इंडिया तिसर्‍यांदा विश्वचषकात पाकिस्तानविरुद्ध त्याच्या घरच्या मैदानावर खेळणार आहे. भारताने १९९६ (बंगळुरू) आणि २०११ (मोहाली) मध्ये विजय मिळवला होता.

भारतीय संघ १८ वर्षांनंतर अहमदाबादमध्ये पाकिस्तानविरुद्ध एकदिवसीय सामना खेळणार आहे. शेवटच्या वेळी २००५ मध्ये दोन्ही संघ येथे आमनेसामने आले होते, तेव्हा पाकिस्तानने तीन विकेट्सने विजय मिळवला होता. भारतीय संघालाही त्या पराभवाचा बदला घ्यायला आवडेल. यावेळी एक लाखाहून अधिक प्रेक्षक हा सामना पाहण्यासाठी अहमदाबादच्या स्टेडियमवर पोहोचतील.