IND vs PAK Highlights, Asia Cup 2023: पाकिस्तानने भारतासमोर टेकले गुडघे, बाबर-रिझवानसह सारेच फ्लॉप; टीम इंडियाने २२८ धावांनी उडवला धुव्वा

पाचव्या क्रमांकावर कोणाचा दावा जास्त?

राहुल आणि इशान किशन यांच्यात निवड करण्याच्या पेचप्रसंगावर तोडगा काढणे भारतीय संघ व्यवस्थापनासाठी महत्त्वाचे ठरणार आहे. गेल्या महिनाभरात इशानने आपल्या कामगिरीने सर्वांना प्रभावित केले आहे. त्याचबरोबर पाचव्या क्रमांकावरील राहुलची सरासरीही उत्कृष्ट आहे. इशानने त्याच्या वन डे कारकिर्दीत फक्त एकदाच पाचव्या क्रमांकावर फलंदाजी केली आहे आणि तीही पाकिस्तानविरुद्धच्या शेवटच्या सामन्यात, जिथे त्याने ८२ धावा केल्या होत्या. त्याच वेळी, राहुलने वनडेमध्ये पाचव्या क्रमांकावर १८ डाव खेळले आहेत, ज्यामध्ये त्याने ५३च्या सरासरीने ७४२धावा केल्या आहेत. यामध्ये एक शतक आणि सात अर्धशतकांचा समावेश आहे.

भारत आणि पाकिस्तान यांच्यात आज होणाऱ्या सामन्यात पावसाची शक्यता आहे. सामन्यादरम्यान पावसाची ४९ ते ६९ टक्के शक्यता आहे. दुपारी ३ वाजता सामना सुरू होईल. उद्याचा दिवस राखीव दिवस म्हणून ठेवण्यात आला आहे. सामना पूर्ण करण्यासाठी दोन्ही डावात २०-२० षटके खेळणे आवश्यक आहे.

भारताने शेवटच्या सामन्यात नेपाळचा १० गडी राखून पराभव केला होता. पावसाने व्यत्यय आणलेल्या त्या सामन्यात नेपाळने प्रथम फलंदाजी करताना २३० धावा केल्या होत्या. यानंतर पावसामुळे डकवर्थ लुईस नियमानुसार भारताला २३ षटकांत १४५ धावांचे लक्ष्य मिळाले, जे टीम इंडियाने २०.१ षटकांत १० गडी राखून पूर्ण केले.

कोलंबो येथे रविवारी आशिया चषक सुपर-4 सामन्यात भारत आणि पाकिस्तानचे संघ आमनेसामने येणार आहेत. याच स्पर्धेत या दोन संघांमध्ये २ सप्टेंबर रोजी झालेला गट सामना पावसामुळे वाहून गेला होता. भारत-पाकिस्तान सुपर-४ सामन्यावरही पावसाचा धोका आहे, मात्र या सामन्यासाठी राखीव दिवस ठेवण्यात आला आहे.

रविवारी पाऊस पडल्यास खेळ थांबवून सोमवारी तेथून सुरू होईल. यापूर्वी भारत-पाकिस्तान यांच्यातील गट सामन्यातही पावसामुळे अडथळा निर्माण झाला होता. त्या सामन्यात भारतीय संघाने आपला डाव खेळला, पण पाकिस्तानला आपला डाव खेळता आला नाही.

आज कोलंबोतील आर. प्रेमदासा स्टेडियमवर भारत आणि पाकिस्तान यांच्यात सुपर फोरचा सामना रंगणार आहे. या सामन्यावर पावसाची छाया पसरली आहे. मात्र, त्यासाठी उद्याचा राखीव दिवसही ठेवण्यात आला आहे. या दोघांमधील गटातील सामना अनिर्णित राहिला. पाऊस न पडल्यास दोन्ही संघांमध्ये चुरशीची स्पर्धा होऊ शकते.