IND vs SL, Asia Cup Final Highlights: कोलंबोत सिराजचे आले वादळ! भारताने १० गडी राखून उडवला श्रीलंकेचा धुव्वा, आठव्यांदा आशिया चषक घातला खिशात

रविवारी (दि. १७ सप्टेंबर) कोलंबोच्या आर प्रेमदासा स्टेडिअम येथे पार पडणाऱ्या आशिया चषक २०२३ स्पर्धेतील अंतिम सामन्यासाठी भारत आणि श्रीलंका संघ आमनेसामने आले. आशियातील सर्वात मोठ्या स्पर्धेच्या अंतिम सामन्यात मात्र एकतर्फी लढत पाहायला मिळाली. मोहम्मद सिराज याने घेतलेल्या ६ व हार्दिक पंड्या याने घेतलेल्या ३ विकेट्सच्या जोरावर भारतीय संघाने श्रीलंकेचा डाव केवळ ५० धावांवर संपुष्टात आणला. त्यानंतर सलामीवीर शुबमन गिल आणि इशान किशन यांनी फार वेळ न घेता सहा षटकातच सामना जिंकला. भारताने १० गडी आणि ४३.५ षटके राखून श्रीलंकेचा धुव्वा उडवला. टीम इंडियाचा हा सर्वात मोठा विजय आहे. या विजयासह भारताने आठव्यांदा आशिया चषकावर नाव कोरले.

भारत ५१-०

श्रीलंकेचा संपूर्ण संघ ५० धावांवर बाद झाला. भारताविरुद्धच्या एकदिवसीय सामन्यात श्रीलंकेची ही सर्वात कमी धावसंख्या आहे. याआधी, या वर्षी जानेवारीमध्ये भारताने श्रीलंकेला २२ षटकांत ७३ धावांत गुंडाळले होते. इतकंच नाही तर भारताविरुद्धच्या एकदिवसीय सामन्यात कोणत्याही संघाची ही सर्वात कमी धावसंख्या आहे. यापूर्वी बांगलादेशने २०२४ मध्ये मीरपूरमध्ये भारताविरुद्ध ५८ धावा केल्या होत्या. ५० धावा ही कोणत्याही एकदिवसीय अंतिम फेरीतील सर्वात कमी धावसंख्या आहे. याआधी भारतीय संघ २००० मध्ये शारजाहमध्ये श्रीलंकेविरुद्ध ५४ धावांत ऑलआऊट झाला होता. आताही श्रीलंकेने सर्वात कमी धावसंख्या केली आहे. भारताला आशिया चषक विजयासाठी ५१ धावांचे माफक लक्ष्य ठेवले आहे.

https://twitter.com/BCCI/status/1703375191034999123

सिराजने एकदिवसीय सामन्यात पहिल्यांदाच पाच विकेट्स घेतल्या. श्रीलंकेने १२ धावांत सहा विकेट्स गमावल्या होत्या. सहा विकेट्स गमावल्यानंतर वन डेमधली ही तिसरी सर्वात कमी धावसंख्या आहे. त्याचवेळी श्रीलंकेने अवघ्या १२ धावांत पाच विकेट्स गमावल्या होत्या. वन डे फायनलमध्ये पाच विकेट्स गमावल्यानंतरची ही दुसरी सर्वात कमी धावसंख्या आहे.

या दरम्यान, भारताचा स्टार फलंदाज विराट कोहलीला हसू अनावर झाले आहे.

https://twitter.com/mufaddal_vohra/status/1703357101836517704?t=xHU1tynkGUCnr6cOh38rXA&s=08

कोलंबोत आर. प्रेमदासा स्टेडियममध्ये मोहम्मद सिराज नावाच्या वादळापुढे श्रीलंका उडून गेली, असे म्हटले तरी वावगं ठरणार नाही. त्याने १६ चेंडूत ५ विकेट्स घेत लंकेचे कंबरडे मोडले. सिराजने त्याच्या कारकीर्दीतील एकदिवसीय क्रिकेटमधील ५० विकेट्स पूर्ण केल्या आहेत. तसेच, पहिल्यांदाच त्याने वन डेमध्ये पंचक म्हणजे फाइव्ह विकेट हॉल पूर्ण केले आहे. ही त्याची सर्वोतम कामगिरी आहे. शेवटची विकेट त्याने श्रीलंकेचा कर्णधार दासुन शनाकाची घेतली. त्याला त्याने ४ धावांवर त्रिफळाचीत केले.

श्रीलंका १८-६

https://twitter.com/mufaddal_vohra/status/1703362013257494754

भारत आणि श्रीलंका यांच्यातील विजेतेपदाचा सामना सुरू झाला आहे. जसप्रीत बुमराहने पहिल्याच षटकातील तिसऱ्या चेंडूवर त्याने श्रीलंकेला धक्का दिला. कुसल मेंडिस भोपळाही न फोडता तंबूत परतला आहे. त्याला बुमराहने राहुलकरवी झेलबाद केले.

श्रीलंका ६-१

https://twitter.com/BCCI/status/1703351960366371187

पाऊस थांबला आहे. दोन्ही संघ सध्या अजूनही पव्हेलियनमध्ये असून ग्राउंड्समन कव्हर हटवत आहेत. अंपायर्स मैदानाची पाहणी करत आहेत. खेळ दुपारी ३.४० वाजता सुरू होऊ शकतो.

भारताने २०१८ मध्ये क्रिकेटच्या तिन्ही फॉरमॅटमध्ये शेवटचे विजेतेपद पटकावले होते, जेव्हा रोहितच्या संघाने दुबई येथे आशिया कपमध्ये बांगलादेशचा तीन विकेट्स राखून पराभव केला होता. या विजयानंतर भारताला महत्त्वाच्या सामन्यात अटीतटीच्या प्रसंगी वर्चस्व राखण्यात अपयश आले. भारताने २०१९ एकदिवसीय विश्वचषक आणि २०२२ टी२० विश्वचषक स्पर्धेत उपांत्य फेरी गाठली. २०१९ वर्ल्ड टेस्ट चॅम्पियनशिप (WTC) फायनलमध्ये न्यूझीलंडकडून आणि २०२३ WTC फायनलमध्ये ऑस्ट्रेलियाकडून पराभूत झाले . गेल्या वर्षीच्या आशिया चषकातही संघ आपली उपस्थिती जाणवू शकला नाही ज्यामध्ये श्रीलंकेने टी२० फॉर्मेटमध्ये खेळल्या गेलेल्या विजेतेपद पटकावले.

कोलंबोमध्ये सध्या सूर्यप्रकाश आहे. दोन्ही संघांचे खेळाडू सराव करत आहेत. सलग १५ एकदिवसीय सामने जिंकून घरचा संघ जबरदस्त फॉर्मात असल्याने श्रीलंकेचा संघही आत्मविश्वासाने भरलेला आहे. श्रीलंकेचा संघ मुख्य फिरकीपटू महेश तिक्षणा याच्या सेवेशिवाय असेल कारण तो स्नायूंच्या दुखापतीमुळे बाहेर आहे. फलंदाजीत श्रीलंकेकडे कुसल मेंडिस, सदिरा समरविक्रमा, चारिथ असालंका, तर गोलंदाजीत फिरकी गोलंदाज वेलालागे चांगल्या फॉर्मात आहेत.

आशिया कप फायनलमध्ये श्रीलंकेचा कर्णधार दासुन शनाकाने नाणेफेक जिंकून प्रथम फलंदाजी करण्याचा निर्णय घेतला आहे. शनाकाने प्लेइंग-११ मध्ये एक बदल केला आहे. जखमी महेश तिक्षणाच्या जागी हेमंता खेळत आहे. कर्णधार रोहित शर्माने प्लेइंग-११ मध्ये सहा बदल केले आहेत. विराट कोहली, हार्दिक पांड्या, जसप्रीत बुमराह, मोहम्मद सिराज आणि कुलदीप यादवचे पुनरागमन झाले आहे. त्याचबरोबर जखमी अक्षर पटेलच्या जागी अष्टपैलू वॉशिंग्टन सुंदरला संधी मिळाली आहे. सुंदर ऑफ स्पिनर आहे. सूर्यकुमार यादव, तिलक वर्मा, शार्दुल ठाकूर, प्रसिद्ध कृष्णा आणि मोहम्मद शमी यांना वगळण्यात आले आहे.

Accuweatherच्या अहवालानुसार, रविवारी कोलंबोमध्ये ढगाळ वातावरण असेल. म्हणजे ढगाळ वातावरण राहील. सकाळी काही भागात पाऊस झाला तर दुपारनंतरही पाऊस पडण्याची शक्यता आहे. वृत्तानुसार, कोलंबोमध्ये आज पावसाची ९० टक्के शक्यता आहे आणि वादळाची ५४ टक्के शक्यता आहे. स्थानिक वेळेनुसार, सकाळी १०, दुपारी १, ६, ८ आणि रात्री १० वाजता वादळी वाऱ्यासह पावसाची शक्यता आहे. सामना दुपारी ३ वाजता सुरू होणार आहे.

एकदिवसीय आशिया चषक स्पर्धेच्या अंतिम फेरीत भारत आणि श्रीलंका आतापर्यंत ८ वेळा भिडले आहेत, ज्यामध्ये भारताने ५ तर श्रीलंकेने ३ जिंकले आहेत. भारताने १९८४, १९८८, १९८८, १९९०, १९९५ आणि २०१० मध्ये आशिया कप फायनलमध्ये श्रीलंकेचा पराभव करून विजेतेपद पटकावले होते, तर श्रीलंकेने १९९७, २००४, २००८ साली आशिया कप फायनलमध्ये भारताचा पराभव करून विजेतेपद पटकावले होते.

श्रीलंकेच्या सर्वोत्तम प्लेइंग-११ बद्दल बोलायचे तर, संघ आपल्या खेळाडूंच्या दुखापतींशी झगडत आहे. पाकिस्तानविरुद्धच्या मैदानावर तिक्षणाला दुखापत झाली होती, त्यानंतर आज ती फायनलमधून बाहेर पडल्याची बातमी समोर आली आहे. तिक्षणाच्या अनुपस्थितीत, श्रीलंकेकडे लेगस्पिनर दुशान हेमंथाचा सक्षम पर्याय आहे. दुशान हा एक चांगला मनगट फिरकी गोलंदाज आणि खालच्या क्रमाचा चांगला फलंदाज आहे; अशा प्रकारे फलंदाजीची खोली ९ पर्यंत वाढते.

आशिया चषक २०२३ स्पर्धेच्या अंतिम सामन्यात भारत विरुद्ध श्रीलंका संघ आमने- सामने आहेत. रविवारी (दि. १७ सप्टेंबर) कोलंबोच्या आर. प्रेमदासा स्टेडिअम येथे खेलळ्या जाणाऱ्या या सामन्याकडे संपूर्ण क्रिकेटविश्वाचे लक्ष लागले आहे. भारतीय संघ रोहितच्या नेतृत्वाखाली आठव्यांदा ट्रॉफी उंचावण्यासाठी श्रीलंकेशी सज्ज झाला आहे.

https://twitter.com/BCCI/status/1703318899180367928