IND vs WI 3rd ODI Live, 27 July 2022 : भारत आणि वेस्ट इंडीज दरम्यान सुरू असलेली तीन एकदिवसीय सामन्यांची मालिका भारताने ३-० अशी जिंकली आहे. बुधवारी झालेला या मालिकेतील तिसरा आणि शेवटचा सामना भारताने जिंकला. मागील दोन सामन्यांप्रमाणे तिसरा सामनाही पोर्ट ऑफ स्पेनमधील क्वीन्स पार्क ओव्हल क्रिकेट स्टेडियममध्ये झाला. या सामन्यात भारताने यजमानांचा ११९ धावांनी पराभव केला. भारतीय कर्णधार शिखर धवनने नाणेफेक जिंकून प्रथम फलंदाजी करण्याचा निर्णय घेतला होता. पावसाच्या व्यत्ययामुळे भारतीय संघाला ३६ षटकांमध्ये तीन बाद २२५ धावा करता आल्या. डकवर्थ-लुईस नियमाप्रमाणे वेस्ट इंडीजला ३५ षटकांमध्ये २५७ धावांचे लक्ष्य मिळाले होते.
India vs West Indies 3rd ODI Live Updates : भारत विरुद्ध वेस्ट इंडीज तिसऱ्या एकदिवसीय सामन्याचे सर्व अपडेट्स
हेडन वॉल्शच्या रुपात वेस्ट इंडीजचा नववा गडी बाद झाला. भारतीय संघाचा विजय दृष्टीपथात आला आहे.
किमो पॉल शून्यावर बाद झाला. वेस्ट इंडीजची अवस्था आठ बाद १२४ अशी झाली आहे.
वेस्ट इंडीजचा कर्णधार निकोलस पूरन ४२ धावा करून बाद झाला आहे. शिखर धवनने त्याचा झेल टिपला.
केसी कार्टीच्या रुपात विंडीजचा पाचवा गडी बाद झाला आहे. विजयासाठी त्यांना आणखी १५४ धावांची आवश्यकता आहे.
वेस्ट इंडीजचा चौथा गडी बाद झाला आहे. ब्रँडन किंग ४२ धावा करून बाद झाला.
शाय होपच्या रुपात वेस्ट इंडीजचा तिसरा गडी बाद झाला आहे. यजमानांची अवस्था दहा षटकांमध्ये तीन बाद ४८ झाली आहे.
वेस्ट इंडीजच्या डावाची सुरुवात चांगली झाली नाही. पाच षटकांमध्ये विंडीजच्या दोन बाद १९ धावा झाल्या आहेत.
मोहम्मद सिराजला सलग दुसरा बळी मिळाला आहे. त्याने सलामीवीर शामराह ब्रूक्सला शून्यावर बाद केले. विंडीजची अवस्था दोन बाद शून्य अशी झाली आहे.
विंडीजचा सलामीवीर कायले मेयर्स शून्यावर बाद झाल आहे. मोहम्मद सिराजने त्याला त्रिफळाचित केले.
वेस्ट इंडीजला ३५ षटकांमध्ये २५७ धावांचे आव्हान मिळाले आहे. विंडीज फलंदाज मैदानात उतरले आहेत.
३६ षटकानंतर पावसाला पुन्हा सुरुवात झाली आहे. खेळ थांबला तेव्हा भारताच्या तीन बाद २२५ धावा झाल्या आहेत.
सूर्यकुमार यादव आठ धावा करून बाद झाला आहे. भारताच्या ३४ षटकांमध्ये तीन बाद २१२ धावा झाल्या आहेत.
श्रेयस अय्यरच्या रुपात भारताचा दुसरा गडी बाद झाला आहे. त्याने ३४ चेंडूत ४४ धावा केल्या.
३० षटकांमध्ये भारताच्या एक बाद १७९ धावा झाल्या आहेत. भारतीय फलंदाजांकडे आणखी १० षटके बाकी आहेत.
शुबमन गिल आणि श्रेयस अय्यरने फटकेबाजी सुरू केली आहे. २६ षटकांमध्ये भारताच्या एक बाद १४६ धावा झाल्या आहेत.
पोर्ट ऑफ स्पेनमध्ये पाऊस थांबला असून खेळाला पुन्हा सुरुवात झाली आहे. दोन्ही संघातील खेळाडू मैदानावरती आले आहेत.
पावसाच्या व्यत्ययामुळे दोन्ही संघाच्या डावातील प्रत्येकी १० षटके कमी करण्यात आली आहेत.
क्वीन्स पार्क ओव्हलमध्ये पावसाला सुरुवात झाली आहे. त्यामुळे खेळ थांबवण्यात आला आहे.
कर्णधार शिखर धवन अर्धशतक करून बाद झाला आहे. त्याने ७४ चेंडूत ५८ धावा केल्या. २३ षटकांमध्ये भारताच्या एक बाद ११३ धावा झाल्या आहेत.
भारतीय सलामीवीर शुबमन गिलने एकदिवसीय कारकिर्दीतील दुसरे अर्धशतक ठोकले. त्याने ६० चेंडूंमध्ये ५० धावा केल्या.
२० व्या षटकामध्ये भारताचा धावफलक शंभरीपार गेला आहे. शिखर धवन आणि शुबमन गिल यांनी भारताला दमदार सुरुवात करून दिली आहे.
कर्णधार शिखर धवनने अर्धशतक पूर्ण केले. त्याने ६२ चेंडूमध्ये ५० धावा केल्या.
१५ षटकांमध्ये भारताच्या बिनबाद ७६ धावा झाल्या आहेत. शिखर धवन ४० आणि शुबमन गिल ३३ धावांवर खेळत आहेत.
पावर प्लेची षटके सुरू असूनही भारतीय सलामीवीर सावध खेळ करत आहेत. पहिल्या १० षटकांमध्ये भारताच्या बिनबाद ४५ धावा झाल्या आहेत.
आठ षटकांमध्ये भारताच्या बिनबाद ३७ धावा झाल्या आहेत. शिखर धवन २० आणि शुबमन गिल १६ धावांवर खेळत आहेत.
भारतीय सलामीवीरांनी सावध सुरुवात केली आहे. पाच षटकांमध्ये भारताच्या बिनबाद १७ धावा झाल्या आहेत.
पहिल्या दोन षटकांमध्ये भारताच्या बिनबाद १० धावा झाल्या आहेत. शुबमन गिलने चौकारासह आपले खाते उघडले.
भारताच्या फलंदाजीला सुरुवात झाली आहे. सलामीवीर शिखर धवन आणि शुबमन गिल मैदानात उतरले आहेत.
वेस्ट इंडीज संघ : शाय होप (यष्टीरक्षक), कायले मेयर्स, शमारह ब्रूक्स, ब्रँडन किंग, निकोलस पूरन (कर्णधार), अकिल होसेन, जेडेन सील्स, हेडन वॉल्श, कीमो पॉल, जेसन होल्डर, केसी कार्टी.
भारतीय संघ : शिखर धवन (कर्णधार), शुबमन गिल, श्रेयस अय्यर, सूर्यकुमार यादव, संजू सॅमसन (यष्टीरक्षक), दीपक हुडा, अक्षर पटेल, शार्दुल ठाकूर, मोहम्मद सिराज, युझवेंद्र चहल, प्रसिद्ध कृष्णा
