IND vs WI 3rd ODI Highlights : डकवर्थ-लुईसचा विंडीजला फटका; तिसऱ्या सामन्यासह मालिकाही गमावली

IND vs WI 3rd ODI Live, 27 July 2022 : भारत आणि वेस्ट इंडीज दरम्यान सुरू असलेली तीन एकदिवसीय सामन्यांची मालिका भारताने ३-० अशी जिंकली आहे. बुधवारी झालेला या मालिकेतील तिसरा आणि शेवटचा सामना भारताने जिंकला. मागील दोन सामन्यांप्रमाणे तिसरा सामनाही पोर्ट ऑफ स्पेनमधील क्वीन्स पार्क ओव्हल क्रिकेट स्टेडियममध्ये झाला. या सामन्यात भारताने यजमानांचा ११९ धावांनी पराभव केला. भारतीय कर्णधार शिखर धवनने नाणेफेक जिंकून प्रथम फलंदाजी करण्याचा निर्णय घेतला होता. पावसाच्या व्यत्ययामुळे भारतीय संघाला ३६ षटकांमध्ये तीन बाद २२५ धावा करता आल्या. डकवर्थ-लुईस नियमाप्रमाणे वेस्ट इंडीजला ३५ षटकांमध्ये २५७ धावांचे लक्ष्य मिळाले होते.