घरच्या मैदानावर ‘सर जाडेजा’ चमकले, झळकावलं कसोटी क्रिकेटमधलं पहिलं शतक

भारताचा अष्टपैलू खेळाडू रविंद्र जाडेजाने वेस्ट इंडिजविरुद्ध कसोटी सामन्यात, आपलं पहिलं वहिलं शतक झळकावलं आहे. ५ चौकार आणि ५ षटकारांच्या सहाय्याने नाबाद १०० धावांची खेळी केली. दुसऱ्या दिवसाच्या खेळात विराट कोहली माघारी परतल्यानंतर, जाडेजाने तळातल्या फलंदाजांना सोबतीला घेऊन शतकी खेळी केली. रविंद्र जाडेजाचं शतक झाल्यानंतर भारतीय संघाचा कर्णधार विराट कोहलीने संघाचा पहिला डाव घोषित केला.