IND vs ZIM Highlights: भारताने तिसऱ्या टी-२० सामन्यात झिम्बाब्वेचा २५ धावांनी पराभव केला. कर्णधार शुभमन गिलच्या (६६) अर्धशतकी खेळीच्या जोरावर आणि ऋतुराज गायकवाडच्या ४९ धावांसह भारतीय संघाने १८२ धावा केल्या. प्रत्युत्तरात झिम्बाब्वेने २० षटकांत ६ गडी गमावून १५९ धावा केल्या. यजमान झिम्बाब्वेकडून डिऑन मायर्सने (नाबाद ६५) अर्धशतक झळकावले. क्लाइव्ह मदांडेने ३७ धावांची खेळी केली. मदांडे आणि मेयर्सने चांगली भागीदारी करत मोठी धावसंख्या उभारत संघाला विजयापर्यंत नेले पण संघाला विजय मिळवून देण्यात अपयशी ठरले. भारताकडून अष्टपैलू वॉशिंग्टन सुंदरने चमकदार गोलंदाजी केली. त्याने चार षटकांत १५ धावा देऊन तीन विकेट घेतले. तर आवेश खानने २ मोठे विकेट घेतले. या सामन्यातील विजयासह टीम इंडियाने आता या मालिकेत २-१ अशी आघाडी घेतली आहे. आता दोन्ही संघांमधील मालिकेतील चौथा सामना याच मैदानावर १३ जुलैला होणार आहे.