Asian Games 2018 : भारतीय हॉकी संघाचा ऐतिहासिक विजय, १७-०ने उडवला इंडोनेशियाच्या धुव्वा

भारतीय संघाने सामना सुरु झाल्यापासूनच इंडोनेशियाच्या संघावर दबाव ठेवला होता. भारताकडून सतत होणारी आक्रमणे इंडोनेशियाला परतवता आली नाही. सामन्याच्या पहिल्या आणि दुसऱ्या मिनिटाला गोल करून रुपिंदरने भारताला २-० अशी आघाडी मिळवून दिली. त्यानंतर लगेच दिलप्रीतने ६ व्या आणि ९ व्या मिनिटाला गोल करत ४-०अशी आघाडी वाढवली. त्याने सामन्याच्या ३२व्या मिनिटालाही एक गोल केला. या दरम्यान सिम्रनजीतने १३व्या, ३८व्या आणि ५३व्या मिनिटाला तर मनदीपने २९व्या, ४४व्या आणि ४९व्या मिनिटाला गोल केला. आकाशदीपने १०व्या आणि ४४व्या मिनिटाला तर सुनील (२५), विवेक (२६), अमित (५४), हरमनप्रीत (३१) यांनी १-१ गोल केला.