पुण्याच्या अनन्या पाणिग्रहीचा समावेश
इस्रायलमध्ये होणाऱ्या १८ वर्षांखालील गटाच्या आंतरराष्ट्रीय जलतरण स्पर्धेसाठी भारताच्या २४ खेळाडूंची निवड येथे करण्यात आली. त्यामध्ये पुण्याच्या अनन्या पाणिग्रही हिचा समावेश आहे. ही स्पर्धा ७ ते १२ एप्रिल या कालावधीत होणार आहे.
शिवछत्रपती क्रीडानगरीत झालेल्या निवड चाचणी स्पर्धेतील कामगिरीच्या आधारे भारताच्या मुले व मुली गटाकरिता प्रत्येकी दोन संघांची निवड करण्यात आली आहे. भारत ‘अ’ संघात निवड करण्यात आलेल्या खेळाडूंचा खर्च शासनातर्फे केला जाणार आहे तर ‘ब’ संघात निवडलेले खेळाडू स्वखर्चाने या स्पर्धेत सहभागी होतील. निवड समितीत अखिल भारतीय शालेय क्रीडा महासंघ, महाराष्ट्र राज्य क्रीडा संचालनालय, पुणे जिल्हा हौशी जलतरण संघटना, भारतीय क्रीडा प्राधिकरण यांच्या प्रतिनिधींचा समावेश होता. जे खेळाडू निवड चाचणीत सहभागी झाले नाहीत, त्यांचा निवडीबाबत विचार करण्यात आला नाही असे निवड समितीकडून सांगण्यात आले. भारतीय संघाबरोबर प्रशिक्षक म्हणून दिनकर सावंत व बालाजी केंद्रे यांची नियुक्ती करण्यात आली आहे.
मुली ‘अ’ संघ-मोनिक गांधी, ऋजुता भट, अनन्या पाणिग्रही, आकांक्षा व्होरा, एम.डी.शेर्लीन, दीक्षा रमेश. ‘ब’ संघ-एच.तुलसी, एम.सिमरन, अंतरा अगरवाल, अंजली नायर, अर्चित भारद्वाज, श्रीशा मेहता.
मुले ‘अ’ संघ-नील कॉन्ट्रॅक्टर, एस.पी.निकित, रोहित इमोलिया, रक्षित शेट्टी, अरविंद मणी, मितेश कुंटे. ‘ब’ संघ-टी.सेतुमणी, राहुल शर्मा, महंमद याकुब, राहुल रजानी, बॉबी राणा, के.मुकुंदन.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
