World Cup, Points Table: पाकिस्तानला नमवत वर्ल्डकपमधील गुणतालिकेत टीम इंडियाने गाठले अव्वल स्थान; कोणता संघ कुठे आहे? जाणून घ्या

एकदिवसीय विश्वचषक २०२३ मध्ये १२ सामने झाले आहेत. सर्व संघांनी किमान दोन ते तीन सामने खेळले आहेत. पाकिस्तानवर विजय मिळवल्यानंतर भारतीय संघ गुणतालिकेत अव्वल स्थानावर कायम आहे. टीम इंडियाने आत्तापर्यंत तीन सामने खेळले असून त्यातील सर्व जिंकले आहेत. आता यजमान भारतासाठी उपांत्य फेरीचा मार्ग सोपा आहे, कारण भारताने पहिल्या तीन सामन्यांमध्ये दोन मोठ्या संघांना पराभूत केले आहे. भारताशिवाय न्यूझीलंडनेही पहिले तीन सामने जिंकले आहेत. हा संघ दुसऱ्या स्थानावर आहे. या दोघांशिवाय दक्षिण आफ्रिका हा एकमेव संघ आहे ज्याने एकही सामना गमावलेला नाही. हा संघ दोन सामन्यांत दोन विजयांसह गुणतालिकेत तिसऱ्या स्थानावर आहे.

आणखी वाचा

Champions Trophy 2025 : चॅम्पियन्स ट्रॉफीसाठी ‘या’ देशाचा पाकिस्तानला पाठिंबा, BCCI शी पंगा घेणं पडू शकतं महागात

Nana Patole : निकालाआधी राजकीय घडामोडींना वेग; यातच…

पाकिस्तानात चँपियन्स ट्रॉफी खेळण्यासाठी भारताचा नकार का? पाकव्याप्त काश्मीरचा मुद्दा का चर्चेत?

Champions Trophy 2025 : चॅम्पियन्स ट्रॉफी अन्य देशात हलवल्यास पाकिस्तान बोर्डाला कोट्यवधींचा फटका; कसा ते जाणून घ्या

IND vs SA: भारत-दक्षिण आफ्रिका तिसरा टी-२० सामना दुसऱ्या सामन्यापेक्षा उशिराने सुरू होणार, जाणून घ्या काय आहे नेमकी वेळ?

Team India : टीम इंडियाची ऑस्ट्रेलियामध्ये कामगिरी खूपच निराशाजनक, तब्बल ‘इतक्या’ वेळा बॉर्डर-गावस्कर ट्रॉफीत पत्करावा लागलाय पराभव

Champions Trophy: “भारत-पाकिस्तान सामनाच नाही झाला तर…”, टीम इंडिया चॅम्पियन्स ट्रॉफीसाठी येणार नसल्याने BCCI, ICCवर संतापले जावेद मियांदाद

भारताने आतापर्यंत ऑस्ट्रेलिया, अफगाणिस्तान आणि पाकिस्तानला पराभूत केले आहे. त्याचबरोबर न्यूझीलंडने इंग्लंड, नेदरलँड आणि बांगलादेशचा पराभव केला असला तरी किवी संघाला स्पर्धेचा दुसरा टप्पा मोठ्या संघांविरुद्ध खेळायचा आहे. दक्षिण आफ्रिकेने श्रीलंका आणि ऑस्ट्रेलियाचा पराभव केला आहे.

हेही वाचा: IND vs PAK: “…घाई करण्याची काय गरज होती?” गावसकर यांनी रोहित शर्माच्या कोणत्या निर्णयावर नाराजी व्यक्त केली? जाणून घ्या

दोन विजयानंतर पाकिस्तानला भारताविरुद्ध मोठा पराभव पत्करावा लागला आहे. पाकिस्तान चार गुणांसह चौथ्या स्थानावर आहे, पण या संघाचा निव्वळ धावगती आता नकारात्मक झाली आहे. इंग्लंडला दोन सामन्यांत एक विजय आणि एक पराभव मिळाला असून, हा संघ पाचव्या स्थानावर आहे. तीन सामन्यांत एक विजय आणि दोन पराभवांसह बांगलादेश सहाव्या स्थानावर आहे.

हेही वाचा: IND vs PAK: “दिल-दिल पाकिस्तान…”; भारताकडून पराभवानंतर पाक संघ व्यवस्थापक संचालकाचे बेताल वक्तव्य, म्हणाला, “वाटलं हा ICC-BCCI…”

श्रीलंका, नेदरलँड्स, ऑस्ट्रेलिया आणि अफगाणिस्तान हे संघ असे आहेत ज्यांनी प्रत्येकी दोन सामने खेळले आहेत, परंतु त्यांना एकही विजय मिळाला नाही. अफगाणिस्तान आणि नेदरलँड्ससाठी गुणतालिकेत तळाला असणे नवीन नाही, पण ऑस्ट्रेलियन संघ नवव्या स्थानावर आहे, हे आश्चर्यकारक आहे. हा स्पर्धेचा जरी प्रारंभिक टप्पा असला तरी गुणतालिकेत बरेच बदल होणार आहेत. मात्र, इतर संघांपेक्षा इथून पुढे भारत, न्यूझीलंड, दक्षिण आफ्रिका आणि पाकिस्तान यांना उपांत्य फेरी गाठणे सोपे जाईल.