इंडोनेशिया बॅडमिंटन स्पर्धा : प्रणॉयची लक्ष्यवर मात

पुरुष एकेरीच्या ३४ मिनिटे चाललेल्या सामन्यात लक्ष्यने प्रणॉयकडून १०-२१, ९-२१ असा पराभव पत्करला. यंदाच्या हंगामात २० वर्षीय लक्ष्यने ‘सुपर ५००’ दर्जाचे जेतेपद, प्रतिष्ठेच्या ऑल इंग्लंड स्पर्धेची अंतिम फेरी आणि थॉमस चषक स्पर्धेचे सांघिक विजेतेपद अशी सातत्यपूर्ण कामगिरी केली आहे. प्रणॉयने लक्ष्यविरुद्धच्या तिसऱ्या लढतीत प्रथमच विजय मिळवला आहे.

पुरुष दुहेरीत एमआर अर्जुन आणि ध्रुव कपिला जोडीने जपानच्या केलिचिरो मात्सुई आणि योशिनोरी ताकेउन्शी जोडीला २७-२५, १८-२५, २१-१९ असे नामोहरम केले. महिला दुहेरीत अश्विनी भट आणि शिखा गौतम जोडीने चीनच्या झँग शू शिआन आणि झेंग यू जोडीकडून २८ मिनिटांत ९-२१, १०-२१ अशी हार पत्करली.