“मी लवकरच परत येईन!” दुखापतीनंतर श्रेयस अय्यरची चाहत्यांसाठी भावनिक पोस्ट!

काय म्हणाला श्रेयस ट्वीटमध्ये?

श्रेयस अय्यरनं केलेल्या ट्वीटमध्ये चाहत्यांचे आभार मानले आहेत. “मी तुम्हा सगळ्यांचे मेसेज वाचतोय. तुमचं प्रेम आणि पाठिंब्यासाठी मी मनापासून आपला आभारी आहे. पण तुम्हाला माहितीये, जेवढा जोरदार झटका, तेवढंच ताकदीनं पुनरागमन (द ग्रेटर द सेटबॅक, द स्ट्राँगर द कमबॅक). मी लवकरच परत येईन!” असं श्रेयसनं या ट्वीटमध्ये म्हटलं आहे. क्षेत्ररक्षण करताना श्रेयस अय्यरला डाव्या खांद्याला दुखापत झाली आहे.

I’ve been reading your messages and have been overwhelmed by all the outpouring of love and support. Thank you from the bottom of my heart to everyone. You know what they say, the greater the setback, the stronger the comeback. I shall be back soon pic.twitter.com/RjZTBAnTMX

— Shreyas Iyer (@ShreyasIyer15) March 25, 2021

श्रेयस अय्यरच्या दुखापतीचा टीम इंडियासोबतच त्याची आयपीएल टीम दिल्ली कॅपिटल्सला देखील फटका बसला आहे. गेल्या आयपीएलमध्ये श्रेयस अय्यरच्या नेतृत्वाखालीच दिल्ली कॅपिटल्सनं झोकात आयपीएल फायनलपर्यंत धडक मारली होती. यामध्ये १७ सामन्यांमध्ये श्रेयसनं तब्बल ५१९ धावा कुटल्या होत्या. त्यामुळे आता दिल्लीच्या १० एप्रिलला होणाऱ्या आयपीएलमधील पहिल्या सामन्यामध्ये चेन्नई सुपर किंग्जचा सामना कसा करायचा, याची वेगळी रणनीती दिल्ली कॅपिटल्सला आखावी लागणार आहे.

Ind vs Eng: दणदणीत विजयानंतर टीम इंडियाला मोठा धक्का, दोन महत्त्वाचे खेळाडू झाले जायबंदी