चेन्नई सुपरकिंग्ज बद्दल बोलताना महेंद्रसिंह धोनी का झाला भावुक?

स्पॉट फिक्सींग प्रकरणात दोषी आढळल्यानंतर चेन्नई सुपर किंग्ज आणि राजस्थान रॉयल्स या दोन संघांवर दोन वर्षांच्या बंदीची शिक्षा लादण्यात आली होती. या दोन वर्षांच्या कालावधीत धोनी पुणे सुपरजाएंट संघाकडून खेळला होता. या दोन वर्षांमध्ये चेन्नई संघाशी आपलं असणारं नातं याबद्दल बोलत असताना धोनीच्या डोळ्यात अश्रु आले, यावेळी त्याचा सहकारी रैनाने त्याला पाणी देत त्याला आधार दिला.

आयपीएलच्या दहा हंगामामध्ये चेन्नई सुपरकिंग्ज हा संघ सर्वात यशस्वी मानला जातो. धोनीच्या नेतृत्वाखाली आतापर्यंत चेन्नईने २०१० आणि २०११ या वर्षांचं विजेतेपद मिळवलं आहे, याचसोबत ४ हंगामांची उप-विजेतेपद चेन्नईच्या खात्यात जमा आहेत. त्यामुळे मुंबई इंडियन्सविरुद्ध पहिल्या सामन्यात चेन्नईचा संघ कशी कामगिरी करतो याकडे सर्वांचा लक्ष असणार आहे.