IPL 2018 – आयपीएलच्या स्वागत सोहळ्याच्या तारखेत बदल, प्रशासकीय समितीकडून खर्चात कपात

आयपीएलच्या अकराव्या हंगामाआधी आयोजित करण्यात आलेल्या स्वागत सोहळ्याच्या तारखांमध्ये बीसीसीआयच्या क्रिकेट प्रशासकीय समितीने बदल केले आहेत. हा सोहळा आता ६ एप्रिल ऐवजी ७ एप्रिल रोजी होणार आहे. या सोहळ्यासाठी बीसीसीआय आणि आयपीएल गव्हर्निंग काऊन्सीलतर्फे तब्बल ५० कोटी रुपयांचा निधी देण्यात आला होता. मात्र प्रशासकीय समितीने या निधीमध्येही कपात केल्याचं कळतंय. याचसोबत मुंबईच्या क्रिकेट क्लब ऑफ इंडियाच्या मैदानात रंगणारा हा स्वागत सोहळा आता सामन्याच्या काही तास आधी वानखेडे मैदानावर रंगणार आहे.