आयपीएल २०२१ स्पर्धेत दिल्लीने हैदराबादवर ८ गडी राखत दणदणीत विजय मिळवला आहे. हैदराबादनं दिलेलं १३५ धावांचं आव्हान दिल्लीने १७.५ षटकात पूर्ण केलं. आघाडीला आलेल्या पृथ्वी शॉ आणि शिखर धवन जोडीनं दिल्लीला चांगली सुरुवात करून दिली. आक्रमक खेळी खेळणाच्या नादात पृथ्वी शॉ बाद झाला. हैदराबादचा कर्णधार केन विलियमसननं त्याचा अप्रतिम झेल घेतल तंबूचा रस्ता दाखवला. त्यानंतर शिखर धवन आणि श्रेयस अय्यर जोडीने संघाला चांगली धावसंख्या उभारून दिली. संघाची धावसंख्या ७२ असताना उंच फटका मारण्याच्या नादात धवन बाद झाला. राशीद खानच्या गोलंदाजीवर अब्दुल समादनं त्याचा झेल घेतला. त्यानंतर कर्णधार ऋषभ पंतने आक्रमक खेळी करत संघाला विजय मिळवून दिला. श्रेयस अय्यर ४७ तर ऋषभ पंत ३५ या धावसंख्येवर नाबाद राहिले. या विजयासह दिल्लीचा संघ आयपीएल गुणतालिकेत पहिल्या स्थानावर पोहोचला आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
