वाढदिवशी ऋषभनं केली धोनीशी मस्करी; पंतनं आपल्या गुरुचा हात…

नाणेफेकीवेळी दोन्ही संघाचे कर्णधार मैदानात उतरले, तेव्हा एका धोनीच्या हातातील घड्याळाने ऋषभ पंत लक्ष वेधलं. तेव्हा क्षणाचाही विचार न करता महेंद्रसिंह धोनीचा हात हातात घेत त्याने घड्याळ निरखून पाहिलं. यावेळी महेंद्रसिंह धोनीने आपल्या हातातील घड्याळ ऋषभला दाखवलं. पंतने धोनीकडे बर्थडे गिफ्ट म्हणून घड्याळ मागितलं का, अशी चर्चाही फोटो पाहून चाहत्यांमध्ये रंगली.

दुसरीकडे, भारतीय क्रिकेट संघाचा यष्टीरक्षक फलंदाज ऋषभ पंत आज आपला २४ वा वाढदिवस साजरा करत आहे. ऋषभ पंतला भारतीय संघाचा भावी कर्णधार असा उल्लेख करत युवराज सिंगने वाढदिवसाच्या शुभेच्छा दिल्या. युवराज सिंगने इन्स्टाग्रामवर पोस्ट करत ऋषभ पंतचा भावी कर्णधार असा उल्लेख केला आहे. त्याचबरोबर आयपीएल आणि टी २० विश्वचषकासाठी शुभेच्छा दिल्या आहेत. नुकतंच विराट कोहलीने टी २० विश्वचषकानंतर टी २० आणि आरसीबीचं कर्णधारपद सोडण्याची घोषणा केली आहे. त्यामुळे युवराज सिंगच्या पोस्टमुळे चर्चांना उधाण आलं आहे.