IPL 2021: बेन स्टोक्सला राजस्थान संघाकडून भावनिक निरोप

निरोपावेळी राजस्थान रॉयल्समधील खेळाडूंचं प्रेम बघून बेन स्टोक्स भावुक झाला. ‘इथून अशा पद्धतीनं जाणं खरंच दु:ख वाटतं. पण मी काहीच करू शकत नाही’, असे बेन स्टोक्स याने सांगितलं. तर राजस्थान रॉयल्सच्या टीमनं लवकर बरा हो आणि संघात परत ये असं भावनिक ट्वीट केलं आहे. या व्हिडिओत स्टोक्सनं टीमसोबत घालवलेले क्षण दाखवण्यात आले आहेत. नेटकरीही या व्हिडिओला गेट वेल सून अशा कमेंट्स देत आहेत.

पंजाब किंग्जविरुद्ध झालेल्या सामन्यादरम्यान क्षेत्ररक्षण करताना बेन स्टोक्सच्या बोटाला गंभीर दुखापत झाली होती. ख्रिस गेलचा कॅच पकडताना बेन स्टोक्सला दुखापत झाली होती. याच सामन्यात त्याने गोलंदाजीही केली होती. एक षटक टाकत त्याने १२ धावा दिल्या होत्या. तर फलंदाजी करताना बेन स्टोक्स शून्यावर बाद झाला होता. मोहम्मद शमीच्या गोलंदाजीवर शमीने त्याचा झेल पकडला होता.