दिल्लीविरुद्ध संजू सॅमसनची सिंहगर्जना! सोशल मीडियावर व्हिडिओ व्हायरल

आयपीएल २०२१ मध्ये राजस्थान रॉयल्सचा कर्णधार संजू सॅमसननं आपल्या आक्रमक खेळीमुळे सर्वांचं लक्ष वेधून घेतलं आहे. आक्रमक खेळी करत त्याने या आयपीएल पर्वातलं पहिलं शतकं झळकावलं आहे. त्याने पंजाबविरुद्ध ६३ चेंडूत ११९ धावांची झुंजार खेळी केली. या खेळीमध्ये १२ चौकार आणि ७ षटकारांचा समावेश आहे. त्यामुळे दिल्लीविरुद्धच्या सामन्यात राजस्थानचा कर्णधार संजू सॅमसनकडे सर्वांचं लक्ष लागून आहे. राजस्थाननं आपल्या अधिकृत ट्विटर हँडलवरून संजू सॅमसनचा सिंहगर्जनेतला व्हिडिओ शेअर केला आहे. या व्हिडिओत एक सिंह शिकारीसाठी कसा आक्रमक असतो ते दिसतंय. या व्हिडिओला नेटकरी पसंती देत असून त्याच्या दिल्लीविरुद्धच्या आक्रमक खेळीची वाट बघत आहेत.