टीम इंडियाला यावर्षी ऑस्ट्रेलियात टी-२० वर्ल्ड कप खेळणार आहे. यासाठी निवड समिती आयपीएलमध्ये चांगली कामगिरी करणाऱ्या अनेक खेळाडूंचा समावेश करू शकते. पंजाब किंग्जच्या एका खेळाडूने केकेआरविरुद्ध जबरदस्त खेळ दाखवला. अशा परिस्थितीत हा खेळाडू टीम इंडियात पुनरागमन करू शकतो.
‘या’ खेळाडूने सर्वांची जिंकली मनं
टीम इंडियाचा जादुई गोलंदाज राहुल चहर आयपीएलमध्ये आपल्या गोलंदाजीने सर्वांची मनं जिंकत आहे. आयपीएल २०२२ मध्ये केकेआर विरुद्ध पंजाब किंग्जचा सामना हरला असला तरी या सामन्यात राहुल चहरने घातक गोलंदाजी केली. त्याने चार षटकांच्या कोट्यात १३ धावांत २ बळी घेतले, ज्यात एक मेडन ओव्हरचा समावेश होता. भारतीय खेळपट्ट्या नेहमीच फिरकीपटूंना साथ देतात. या खेळपट्ट्यांवर राहुल चहर अतिशय उत्तम गोलंदाजी करतो.
(हे ही वाचा: On This Day: एमएस धोनीचा ‘तो’ जोरदार षटकार आणि आजच्याच दिवशी भारताला मिळालेला दुसरा विश्वचषक!)
टीम इंडियातून बाहेर आहे राहुल
राहुल चहर सहा महिन्यांपासून टीम इंडियातून बाहेर आहे. २०२१ च्या टी२० विश्वचषकात तो संघाचा शेवटचा भाग होता. आता त्याचा खेळ पाहता रोहित शर्माच्या नेतृत्वाखाली त्याला आणखी एक संधी मिळू शकते. रोहित शर्मा आणि राहुल चहर हे देखील मुंबई इंडियन्सकडून एकत्र खेळले आहेत. राहुल चहर फलंदाजांना मोकळेपणाने खेळण्याची संधी देत नाही.
(हे ही वाचा: “आम्हाला सचिन तेंडुलकरसाठी विश्वचषक जिंकायचा होता” युवराज सिंगने विजयाच्या आठवणीत शेअर केली भावनिक पोस्ट)
पदार्पणाच्या सामन्यात अप्रतिम कामगिरी
राहुल चहरला श्रीलंकेविरुद्धच्या एकदिवसीय मालिकेत फक्त एक सामना खेळण्याची संधी मिळाली आणि २२ वर्षीय फिरकीपटूने त्याच्या वनडे पदार्पणातच ३ विकेट घेतल्या. राहुलने भारताकडून खेळताना सहा T20I सामन्यांमध्ये २३.८५ च्या सरासरीने सात विकेट घेतल्या आहेत. त्याच्या चेंडूवर खेळणे कोणालाही सोपे नसते. त्याच्या जादुई गोलंदाजीसमोर मोठे फलंदाज झुंजताना दिसले आहेत. राहुल चहरने आयपीएलच्या ४४ सामन्यांत ४६ विकेट घेतल्या आहेत.