IPL 2025 Franchises want 2 Year Ban On Foreign Players Who Pull Out After Auction IPL 2025 : 'या' खेळाडूंवर आयपीएलमध्ये दोन वर्षांची बंदी, सर्वच संघ चिंतेत! नेमकं कारण काय? जाणून घ्या

IPL 2025 Updates : बुधवारी आयपीएल गव्हर्निंग काऊंसिलसह झालेल्या बैठकीत सर्व १० फ्रँचायझींच्या संघमालकांनी परदेशी खेळाडूंच्या दोन मुद्यांवर आपली संमती दर्शवली आहे. त्यामुळे परदेशी खेळाडूंबद्दल ते दोन मुद्धे कोणते आहेत? जाणून घेऊया.

आयपीएल फ्रँचायझींची मागणी (फोटो-आयपीएल)

IPL 2025 Franchises Want 2 Year Ban On Foreign Players : आयपीएल २०२५ च्या पार्श्वभूमीवर फ्रँचायझींचे संघमालक आणि बीसीसीआय यांच्यात झालेल्या बैठकीत अनेक मुद्यांवर चर्चा पाहायला मिळाली. या बैठकीत संघमालकांनी परदेशी खेळाडूंबाबत बीसीसीआयच्या आयपीएल गव्हर्निंग काऊंसिलकडे एक मोठी मागणी केली आहे. लिलावात विकत घेतल्यावर कोणत्याही ठोस कारणाशिवाय हंगामासाठी अनुपलब्ध होणाऱ्या परदेशी खेळाडूंवर दोन वर्षांची बंदी घालावी, कारण अशा खेळाडूंमुळे फ्रँचायझींचे मोठे नुकसान होते.

परदेशी खेळाडूंवर दोन वर्षांची बंदी घालावी –

ईएसपीएन क्रिकइन्फोच्या माहितीनुसार, बुधवारी झालेल्या बैठकीत सर्व १० फ्रँचायझींनी दोन्ही मुद्यांवर आपली संमती दिली आहे. त्याबरोबर आयपीएल गव्हर्निंग काऊंसिलने मोठ्या लिलावासाठी परदेशी खेळाडूंना नोंदणी करणे बंधनकारक करावे, अशी मागणी त्यांनी केली आहे. जेणेकरून या खेळाडूंना त्यांच्या सोयीनुसार मोठी रक्कम मिळण्याच्या आशेने छोट्या लिलावात सहभागी होता येणार नाही. त्याचबरोबर हंगाम सुरू होण्यापूर्वी वैयक्तिक कारणांमुळे परदेशी खेळाडूंना अनुपलब्ध केल्याने आयपीएल फ्रँचायझी खूश नाहीत. फ्रँचायझींनी सांगितले की याचा त्यांच्या कामगिरीवरही परिणाम होतो. कारण संघाची रणनीती त्या परदेशी खेळाडूंना लक्षात घेऊन बनवली जाते.

आणखी वाचा

Champions Trophy 2025 Updates ECB Came in Support of PCB

Champions Trophy 2025 : चॅम्पियन्स ट्रॉफीसाठी ‘या’ देशाचा पाकिस्तानला पाठिंबा, BCCI शी पंगा घेणं पडू शकतं महागात

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

IPL 2025 Mega Auction Jofra and Archer Cameron Green not shortlisted

IPL 2025 : जोफ्रा आर्चर-बेन स्टोक्ससह ‘या’ पाच दिग्गज खेळाडूंवर महालिलावात लागणार नाही बोली, जाणून घ्या कारण

IPL 2025 player auction list announced 574 cricketers set to feature with 204 slots available See Full List in Marathi

IPL 2025 Players Auction List: आयपीएल २०२५ च्या लिलावासाठी खेळाडूंची यादी जाहीर, २०४ जागांसाठी ५०० हून अधिक खेळाडूंवर लागणार बोली

Champions Trophy 2025 : चॅम्पियन्स ट्रॉफी अन्य देशात हलवल्यास पाकिस्तान बोर्डाला कोट्यवधींचा फटका; कसा ते जाणून घ्या

IPL 2025 Mega Auction Most Expensive Foreigner Player

IPL 2025 : जोस बटलर किंवा मिचेल स्टार्क नव्हे तर… दक्षिण आफ्रिकेचा ‘हा’ युवा अष्टपैलू ठरु शकतो सर्वात महागडा परदेशी खेळाडू

IND vs AUS Border Gavaskar Trophy Mike Hussey on Gautam Gambhir

IND vs AUS : ‘ते पहिल्याच सामन्यात कळेल…’, गंभीरने पॉन्टिंगची बोलती बंद केल्यानंतर माईक हसीचे मोठे वक्तव्य; म्हणाला, ‘भारताला त्रास होईल…’

Mumbai Indians will buy five of their old players for IPL 2025

Mumbai Indians : मुंबई इंडियन्स विक्रमी सहाव्यांदा जेतेपद पटकावण्यासाठी ‘या’ पाच जुन्या शिलेदारांवर लावणार बोली, जाणून घ्या कोण आहेत?

लिलावाच्या वेळी खेळाडूंच्या अनुपलब्धतेबद्दल माहिती मिळावी –

आयपीएल फ्रँचायझींनी सांगितले की, जर बोर्डाने खेळाडूंना आंतरराष्ट्रीय क्रिकेट खेळण्यास सांगितले किंवा ते जखमी झाले किंवा काही कौटुंबिक कामामुळे ते संघात सहभागी होऊ शकले नाहीत, तर अशा परिस्थितीत ते खेळाडूंना परवानगी देतील. पण लिलावाच्या वेळी खेळाडूंच्या अनुपलब्धतेबद्दल त्यांना माहिती असल्यास बरे होईल. फ्रँचायझींना ही समस्या भेडसावत आहे की अनेक वेळा मूळ किमतीत खरेदी केलेले खेळाडू लिलावानंतर त्यांची नावे माघारी घेतात. त्यांनी एका खेळाडूचे उदाहरणही दिले, ज्यामध्ये खेळाडूच्या मॅनेजरने अशी अट ठेवली होती की अधिक पैसे दिल्यास, तो खेळाडू त्या फ्रेंचायझीसाठी खेळण्यास तयार असेल.

हेही वाचा – IND vs SL: ‘IPL वाला रुल है क्या…’, केएल राहुलने वनडे सामन्यात रोहितला विचारला भलताच प्रश्न, VIDEO व्हायरल

फ्रँचायझींनी आयपीएल गव्हर्निंग काऊंसिलला असेही सांगितले की गेल्या दोन लिलावाच्या (२०१८-२४) दरम्यान अशा अनेक घटना घडल्या आहेत. जेव्हा काही परदेशी खेळाडूं छोट्या लिलावात जास्त पैसा मिळवण्यासाठी मोठ्या लिलावात उपलब्ध राहिले नव्हते. यानंतर त्यांनी छोट्या लिलावांमध्ये मोठी रक्कम मिळवली होती. २०२२ च्या मोठ्या लिलावात इशान किशनसाठी सर्वाधिक बोली लावली गेली होती, मुंबई इंडियन्सने त्याला १५.२५ कोटी रुपयांना विकत घेतले. यानंतर २०२४ साठी झालेल्या छोट्या लिलावात मिचेल स्टार्कला केकेआरने २४.७५ कोटी रुपयांना तर पॅट कमिन्सला एसआरएचने २०.५० कोटी रुपयांना विकत घेतले गेले.

हेही वाचा – IPL 2025 : रिटेन्शनच्या मुद्यावरून शाहरुख खान आणि नेस वाडियांमध्ये मतभेद; दिल्लीला नको इम्पॅक्ट प्लेयर

यातील काही खेळाडू आणि त्यांचे मॅनेजर या प्रणालीचा फायदा घेण्याचा प्रयत्न करतात. त्यामुळे याला आळा घालण्यासाठी काही तरतुदी करण्याची गरज असल्याचे फ्रँचायझींनी सांगितले. फ्रँचायझींनी सांगितले की, एखाद्या नवीन खेळाडूने छोट्या लिलावासाठी नोंदणी केली, तर ते समजू शकतात परंतु मोठे खेळाडू मोठ्या लिलावासाठी उपलब्ध असले पाहिजेत. जर ते विकले गेले नाहीत तर अशा परिस्थितीत ते पुढील लिलावासाठी स्वतःची नोंदणी करू शकतात. आता या विविध मागण्यांवर आयपीएल गव्हर्निंग काऊंसिल काय निर्णय घेते याची प्रतिक्षा करावी लागेल.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ipl 2025 franchises want 2 year ban on foreign players who pull out after auction vbm

IPL 2025 : ‘या’ खेळाडूंवर आयपीएलमध्ये दोन वर्षांची बंदी? सर्वच संघ चिंतेत! नेमकं कारण काय? जाणून घ्या

परदेशी खेळाडूंवर दोन वर्षांची बंदी घालावी –

लिलावाच्या वेळी खेळाडूंच्या अनुपलब्धतेबद्दल माहिती मिळावी –