IPL 2025 Retention Royal Challengers Bengaluru Team Players: रॉयल चॅलेंजर्स बंगळुरू संघ नव्याने संघ उभारणी करण्याची शक्यता आहे. दक्षिण आफ्रिकेच्या फाफ डू प्लेसिसने संघाचं नेतृत्व सांभाळलं आहे. त्याचा फिटनेस उत्तम आहे. फॉर्मही चांगला आहे मात्र तो चाळिशीत आला आहे. तो आणखी किती वर्ष आयपीएलसारखी दोन महिने चालणारी स्पर्धा खेळू शकतो याबाबत साशंकता आहे. त्यामुळे रॉयल चॅलेंजर्स बंगळुरू पुन्हा एकदा विराट कोहलीकडे नेतृत्वाची धुरा सोपवण्याची शक्यता आहे.
बंगळुरूकडे ग्लेन मॅक्सवेलसारखा मोहरा आहे. फलंदाजी, गोलंदाजी आणि क्षेत्ररक्षण तसंच कर्णधारपद अशा सगळ्या आघाड्या मॅक्सवेल समर्थपणे सांभाळू शकतो. पण त्याच्या खेळात सातत्य नसतं. मॅक्सवेलव्यतिरिक्त रजत पाटीदार, अष्टपैलू कॅमेरुन ग्रीन, वेगवान गोलंदाज मोहम्मद सिराज आणि आकाश दीप यांच्यापैकी काहीजणांना बंगळुरू ताफ्यात ठेऊ शकतात.
