Sachin Tendulkar and Shubman Gill Photo Viral: आयपीएल २०२३ मधील दुसरा क्वालिफायर सामना नरेंद्र मोदी स्टेडियम अहमदाबाद येथे पार पडला. या सामन्यात गुजरातने मुंबईचा ६२ धावांनी पराभव केला. या विजयानंतर गुजरात टायटन्सने अंतिम फेरीत धडक मारली आहे. त्याचबरोबर मुंबई इंडियन्स प्लेऑफमधून बाहेर पडला आहे. दुसऱ्या क्वालिफायर सामन्यानंतर सचिन तेंडुलकर आणि शुबमन गिलचा एक फोटो सोशल मीडियावर व्हायरल होत आहे, ज्यामध्ये दोन्ही खेळाडू एकमेकांशी चर्चा करताना दिसत आहेत.
भारतीय क्रिकेटचा पुढचा सुपरस्टार खेळाडू म्हणून शुबमन गिलने आपली पावले पुढे टाकण्यास सुरुवात केली आहे. आयपीएलच्या १६व्या हंगामात गिलने आपल्या बॅटने तो पराक्रम करून दाखवला, जो रोहित शर्मालाही आजतागायत करता आलेला नाही. विराट कोहलीनंतर गिल एका मोसमात सर्वाधिक शतके करणारा दुसरा भारतीय खेळाडू ठरला आहे. या मोसमात आतापर्यंत शुबमन गिलच्या बॅटने ३ शतकी खेळी केली आहेत.
मुंबई विरुद्धच्या दुस-या क्वालिफायर सामन्यात, १२९ धावांच्या शानदार खेळीनंतर गिल मुंबई इंडियन्स संघाचा मार्गदर्शक सचिन तेंडुलकरशी बोलताना दिसला. गिल आणि सचिन यांच्यातील या संवादाचे फोटो सोशल मीडियावर चांगलेच व्हायरल होत आहेत. यावर चाहते वेगवेगळ्या प्रतिक्रिया देताना दिसत आहेत.
आयपीएल प्लेऑफमधील सर्वोच्च धावसंख्या –
१२९ धावा – गिल विरुद्ध एमआय
१२२ धावा – सेहवाग विरुद्ध सीएसके
११७* धावा – वॉटसन विरुद्ध एसआरएच
११५* धावा – साहा विरुद्ध केकेआर
आयपीएलच्या एका मोसमात ८०० हून अधिक धावा –
विराट कोहली (२०१६)
डेव्हिड वॉर्नर (२०१६)
जोस बटलर (२०२२)
शुबमन गिल (२०२३)
आयपीएलच्या एका मोसमात सर्वाधिक धावा –
९७३ धावा – विराट कोहली (आरसीबी, २०१६)
८६३ धावा – जोस बटलर (आरआर, २०२२)
८५१ धावा – शुबमन गिल (जीटी, २०२३)
८४८ धावा – डेव्हिड वॉर्नर (एसआरएच, २०१६)
७३५ धावा – केन विल्यमसन (एसआरएच, २०१८)
आयपीएल प्लेऑफमध्ये एकाच सामन्यात सर्वाधिक षटकार –
१० – शुबमन गिल (जीटी) विरुद्ध एआय, अहमदाबाद, २०२३ क्वालिफायर-२
८ – वृद्धीमान साहा (पीबीकेएस) विरुद्ध केकेआर, बंगळुरू, २०१४ फायनल
८ – ख्रिस गेल (आरसीबी) विरुद्ध एसआरएच, बंगळुरू, २०१६ फायनल
८ – वीरेंद्र सेहवाग (पीबीकेएस) विरुद्ध सीएसके, मुंबई , २०१४ क्वालिफायर -२
८ – शेन वॉटसन (सीएसके) विरुद्ध एसआरएच, मुंबई , २०१८ फायनल
