IPL 2023 RCB vs KKR: 'आम्ही हरण्यास पात्र होतो...', केकेआरविरुद्धच्या पराभवानंतर विराट कोहलीचे मोठे वक्तव्यAfter the loss against KKR Virat Kohli said we deserved to lose

Virat Kohli On RCB Loss: आयपीएल २०२३ मध्ये ३६वा सामना केकेआर विरुद्ध आरसीबी संघात खेळला गेला. या सामन्यात केकेआरने आरसीबीचा २१ धावांनी पराभव केला. या सामन्यानंतर विराट कोहलीने आरसीबीच्या पराभवाचे महत्त्वाचे कारण सांगितले.

विराट कोहली (फोटो-ट्विटर)

KKR beat RCB by 21 runs: आयपीएल २०२३ मधील ३६ व्या सामन्यात रॉयल चॅलेंजर्स बंगलोरला घरच्या मैदानावर दारूण पराभवाला सामोरे जावे लागले. कोलकाता नाईट रायडर्सने प्रथम खेळताना २० षटकांत ५ गडी गमावून २०० धावा केल्या. ज्याचा पाठलाग करताना आरसीबी संघ २० षटकात केवळ १७९ धावा करू शकला. त्यामुळे त्यांनी हा सामना २१ धावांनी गमावला. या सामन्यात आरसीबीचे फलंदाज अपयशी ठरले. केवळ विराट कोहलीलाच अर्धशतक करता आले. या पराभवानंतर विराट कोहलीने पराभवाचे कारण सांगताना एक मोठे वक्तव्य केले.

आम्ही हरण्यास पात्र होतो –

सामन्यानंतर बोलताना विराट कोहली म्हणाला, “खरे सांगायचे तर आम्ही सामना त्याच्यांकडे सोपवला होता. आम्ही मैदानावर व्यावसायिकता दाखवली नाही म्हणून आम्ही हरण्यास पात्र होतो. साहजिकच आम्ही दर्जेदार खेळ करत नव्हतो आणि हे मान्य करण्यात अजिबात संकोच नसावा. जर तुम्ही सामन्यावर नजर टाकली, तर आम्ही आमच्या संधीचा फायदा घेतला नाही. आम्ही काही संधी गमावल्या, ज्यामुळे आम्हाला २५-३० अधिक धावा द्याव्या लागल्या. क्षेत्ररक्षणातही आम्ही काही संधी गमावल्या, ज्याची किंमत आम्हाला सामना गमावून चुकवावी लागली.”

आणखी वाचा

Sanju Samson broke Yusuf Pathan's 15-year-old record

IND vs SA : संजू सॅमसनने सलग दोन शतकांनंतर केला नकोसा विक्रम, ‘या’ बाबतीत युसूफ-रोहितला टाकले मागे

sneha chavan marathi actress got married for second time

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

Sanjay Singh: आपचे राष्ट्रीय प्रवक्ते संजय सिंह म्हणतात, “हम ना बटेंगे ना कटेंगे; हम भाजप को लपेटेंगे”

harris rauf celebrating wicket of glen maxwell

Pak vs Aus: भारताविरूद्धची तयारी पडली कांगारुंना भारी; पाकिस्तानने उडवला १४० धावात खुर्दा

‘एमआयएम’वर उद्धव ठाकरेंपेक्षा देवेंद्र फडणवीस यांची अधिक प्रखर टीका

Sharad Pawar claims that the grand alliance plans are possible but people want change print politics news

महायुतीच्या योजनांचा परिणाम शक्य पण लोकांना बदल हवाच! शरद पवार यांचा दावा

Australia A beat India A by 6 Wickets in in 2nd unofficial Test

IND A vs AUS A : बॉर्डर-गावस्कर ट्रॉफीपूर्वी भारताची उडाली दाणादाण, दुसऱ्या सराव सामन्यातही हार

amit shah slams uddhav thackeray in karad public meeting

बाळासाहेबांनी कमावलेले सर्व उद्धव ठाकरेंनी गमावले; अमित शहा यांचा हल्लाबोल

A happy captain after a delightful away victory ?

Post-match MOOD ft. @KKRiders skipper @NitishRana_27 ?#TATAIPL | #RCBvKKR pic.twitter.com/YL2LUnjFoE
— IndianPremierLeague (@IPL) April 26, 2023

आम्ही खेळात टिकून राहण्यापासून एक भागीदारी दूर होतो –

पराभवाचे कारण सांगताना कोहली पुढे म्हणाला, “आम्ही अशा चेंडूंवर विकेट गमावल्या, ज्यावर क्षेत्ररक्षकांनी सहज बाद केले. लक्ष्याचा पाठलाग करताना विकेट गमावल्यानंतरही आम्ही खेळात टिकून राहण्यापासून एक भागीदारी दूर होतो.” कोहली पुढे म्हणाला की, “मला वाटते की, आम्ही एक सामना जिंकतो आणि दुसरा हरतो. याची आम्हाला काळजी वाटली पाहिजे. स्पर्धेच्या नंतरच्या टप्प्यात चांगल्या स्थितीत राहण्यासाठी आम्हाला काही सामने जिंकण्याची गरज आहे.”

हेही वाचा – WTC Final: योग्य सलामीवीर निवडण्याबाबत मायकल वॉनचा टीम इंडियाला सल्ला! म्हणाला, “इतिहासाची पुनरावृत्ती होईल असे गृहित…”

या सामन्यात विराट कोहली व्यतिरिक्त इतर फलंदाज सपशेल अपयशी ठरले. कोहलीने ३७ चेंडूत ५४ धावा केल्या. तर फॅफने १७, शाहबाज २, मॅक्सवेल ५, लोमरोर ३४ आणि दिनेश कार्तिक केवळ २२ धावा करू शकले. आरसीबीचा एकही फलंदाज संघाला विजयाच्या उंबरठ्यावर नेऊ शकला नाही. त्यांनी क्षेत्ररक्षण करतानाही अनेक सोपे झेल सोडले. या पराभवानंतर कर्णधार विराट कोहलीने मोठे वक्तव्य केले आहे.

First published on: 27-04-2023 at 09:49 IST

Web Title: After the loss against kkr virat kohli said we deserved to lose vbm

IPL 2023 RCB vs KKR: ‘आम्ही हरण्यास पात्र होतो…’, केकेआरविरुद्धच्या पराभवानंतर विराट कोहलीचे मोठे वक्तव्य

आम्ही हरण्यास पात्र होतो –

आम्ही खेळात टिकून राहण्यापासून एक भागीदारी दूर होतो –