CSK vs GT Qualifier 1: “मी खूप त्रासदायक …”; अंतिम फेरीत धडक मारल्यानंतर एमएस धोनीने दिली प्रतिक्रिया, पाहा VIDEO

सामन्यानंतरच्या सादरीकरणादरम्यान, “जेव्हा धोनीला विचारण्यात आले की सीएसके पाचवे विजेतेपद जिंकत आहे का? यावर तो म्हणाला की ‘आयपीएल स्पर्धा इतकी मोठी आहे आणि ही आणखी एक फायनल आहे. पूर्वी ८ संघ असायचे, आता ते १० झाले आहेत. मी असे म्हणणार नाही की ही आणखी एक फायनल आहे. हे दोन महिन्यांची कठोर मेहनत आहे. सर्वांनी योगदान दिले आहे. होय, मधल्या फळीला पुरेशा संधी मिळालेल्या नाहीत. जीटी हा एक उत्तम संघ आहे आणि त्यांनी खूप चांगल्या प्रकारे पाठलाग केला. म्हणूनच त्यांना शेवटपर्यंत घेऊन जाण्याचा विचार केला. पण नाणेफेक हारणे चांगलेच झाले.”

अशा खेळपट्टीवर जड्डूला फटकेबाजी करणे अवघड –

चेपॉकच्या खेळपट्टीबाबत महेंद्रसिंग धोनी म्हणाला की, “जड्डूला अशी परिस्थिती मिळाली, तर त्याला मदत होते. त्याच्या विरुद्ध फटकेबाजी करणे फार कठीण आहे. त्याच्या गोलंदाजीने खेळ बदलला. मोईनसोबतची त्याची भागीदारी विसरता कामा नये. आम्ही वातावरण तयार करण्याचा प्रयत्न करतो आणि वेगवान गोलंदाजाची ताकद काय आहे हे शोधण्याचा प्रयत्न करतो. आम्ही त्यांना आत्मविश्वास देण्याचा प्रयत्न करतो. त्यांना सांगते की, ‘तुमची गोलंदाजी एक्सप्लोर करण्याचा प्रयत्न करा’. आम्ही त्यांना शक्य तितके प्रेरित करण्याचा प्रयत्न करतो.”

मी खूप त्रासदायक कर्णधार आहे –

मैदानावरील त्याच्या भूमिकेबद्दल एमएस धोनी म्हणाला की, “मी खूप त्रासदायक कर्णधार आहे असे काही जणांना वाटू शकते कारण, सामन्यादरम्यान फिल्डिंग लावताना त्यात सतत मागे-पुढे बदल करत राहतो. क्षेत्ररक्षकांना माझी एकच विनंती असते की, माझ्यावर इशाऱ्यांवर लक्ष ठेवा. जर एखादा झेल सोडला तर कोणतीही प्रतिक्रिया माझ्याकडून येणार नाही, फक्त मी काय सांगतो त्याकडे लक्ष ठेवा.”

हेही वाचा – GT vs CSK Qualifier 1: धोनी-जडेजाच्या रणनीतीपुढे गुजरात फेल! १५ धावांनी शानदार विजय मिळवत चेन्नई फायनलमध्ये दाखल

पुढचा सीझन खेळण्यावर धोनी काय म्हणाला?

पुढील हंगामात खेळण्याच्या प्रश्नावर एमएस धोनी म्हणाला की, “मी आयपीएल खेळणार की नाही, मला माहित नाही. हा निर्णय घेण्यासाठी माझ्याकडे आणखी ८-९ महिने आहेत. मग त्याचा विचार आतापासून का करायचा? मी खेळेन किंवा नाही याबाबत आत्ताच सांगू शकत नाही. मात्र, नेहमीच सीएसकेसाठी उपस्थित राहीन.”