Bhanuka Rajapaksa of Punjab Kings got injured: पंजाब किंग्ज (पीबीकेएस) आणि राजस्थान रॉयल्स (आरआर) संघात गुवाहाटी येथे सामना खेळला गेला. या सामन्यात पंजाबने प्रथम फलंदाजी केली. परंतु या डावात शिखर धवनच्या नेतृत्वाखालील संघाला मोठा धक्का बसला. पंजाब किंग्जचा फलंदाज भानुका राजपक्षे जखमी झाला. यानंतर भानुका राजपक्षेला मैदान सोडावे लागले.
जखमी भानुका राजपक्षेला रिटायर हर्ट व्हावे लागले –
आर अश्विनच्या चेंडूवर शिखर धवनने धारदार शॉट खेळला, पण तो चेंडू नॉन स्ट्राइकवर उभ्या असलेल्या भानुका राजपक्षेला लागला. यानंतर पंजाब किंग्ज संघाच्या फिजिओला मैदानात यावे लागले, परंतु दुखापतग्रस्त भानुका राजपक्षेला दुखापत झाल्याने रिटायर हर्ट व्हावे लागले. भानुका राजपक्षे फिजिओसह पॅव्हेलियनमध्ये परतला. मात्र, भानुका राजपक्षे यांची दुखापत किती गंभीर आहे, हे अहवालानंतर स्पष्ट होईल, मात्र भानुका राजपक्षेने ज्या पद्धतीने मैदान सोडले, ती पंजाब किंग्जसाठी चांगली बातमी नाही.
सामन्याबद्दल बोलायचे, तर प्रथम फलंदाजी करताना पंजाब किंग्जने चार गड्यांच्या मोबदल्यात १९७ धावा केल्या. पंजाबकडून प्रभसिमरन सिंगने शानदार सुरुवात करत ६० धावा केल्या. त्याच्याशिवाय शिखर धवनने नाबाद ८६ धावा केल्या. जितेश शर्मानेही २७ धावांची खेळी केली. त्यानंतर आलेला सिकंदर रझा मात्र फार काळ खेळपट्टीवर टिकू शकला नाही. तो फक्त एक धाव काढून बाद झाला. तसेच शाहरुख खान देखील ११ धावांचे योगदान देऊन बाद झाला.राजस्थानकडून जेसन होल्डरने दोन विकेट घेतल्या. चहल आणि अश्विनला प्रत्येकी एक विकेट मिळाली.
युजवेंद्र चहल आयपीएलमध्ये सर्वाधिक विकेट्स घेणरा दुसरा गोलंदाज –
पंजाब किंग्ज विरुद्ध राजस्थान रॉयल्स सामन्यातील १६व्या षटकातील चौथ्या चेंडूवर जितेश शर्माला बाद करत युजवेंद्र चहलने विक्रम रचला. या विकेटच्या जोरावर त्याने लसिथ मलिंगाचा विक्रम मोडला. लसिथ मलिंगाच्या नावार १७० विकेट्सची नोंद आहे. परंतु आता युजवेंद्र चहलने १७१ विकेट्सची नोंद करत मलिंगाला मागे टाकले आहे. या यादीत ड्वेन ब्राव्हो पहिल्या क्रमांकावर आहे. त्याने १६१ सामन्यात १८३ विकेट्स घेतल्या आहेत.
