Delhi Capitals vs Chennai Super Kings Score Today, 20 May 2023: आयपीएलच्या ६७व्या सामन्यात चेन्नई सुपर किंग्जचा सामना दिल्ली कॅपिटल्सशी संपन्न झाला. प्लेऑफमध्ये आपले तिकीट निश्चित करण्यासाठी चेन्नईला हा सामना कोणत्याही किंमतीत जिंकावा लागणार होता आणि थालाने आपल्या संघाला मार्गदर्शन करत चेन्नईला प्ले ऑफमध्ये पोचवले. धोनीच्या जादूपुढे दिल्ली कॅपिटल्स अपयशी ठरली. चेन्नई सुपर किंग्सने तब्बल ७७ धावांनी शानदार विजय मिळवत प्ले ऑफमध्ये दिमाखात एन्ट्री केली.
गेल्या सामन्यात त्यांना कोलकात्याकडून पराभवाचा सामना करावा लागला होता. ऋतुराज गायकवाड आणि डेव्हिड कॉनवेच्या शानदार सलामी भागीदारीच्या जोरावर दिल्ली या सामन्यात खूप मागे पडली होती आणि तिथेच चेन्नई सामना जिंकणार असे वाटत होते. परंतु नेहमीप्रमाणे दिल्लीचा कर्णधार डेव्हिड वॉर्नरने एकहाती झुंज देत ५८ चेंडूत ८६ धावा करून बाद झाला. मथिशा पाथीरानाने त्याला ऋतुराज गायकवाडकरवी झेलबाद केले. वॉर्नरने आपल्या खेळीत सात चौकार आणि पाच षटकार मारले. शनिवारच्या पहिल्या डबल हेडर सामन्यात चेन्नई सुपर किंग्सने कॅपिटल्ससमोर २२४ धावांचे डोंगराएवढे लक्ष्य ठेवले होते आणि पाठलाग करताना २० षटकात दिल्लीने ९ बाद १४६ धावा केल्या.
चेन्नई सुपर किंग्जने दिल्ली कॅपिटल्सचा ७७ धावांनी पराभव केला आहे. प्रथम फलंदाजी करताना चेन्नई संघाने तीन विकेट गमावत २२३ धावा केल्या होत्या. डेव्हॉन कॉनवेने ८७ आणि ऋतुराज गायकवाडने ७९ धावा केल्या. याला प्रत्युत्तर देताना दिल्लीचा संघ केवळ १४६ धावाच करू शकला. चेन्नईकडून दीपक चहरने बॉलसह तीन बळी घेतले. मथिशा पाथिराना आणि महेश तिक्ष्णाने प्रत्येकी दोन गडी बाद केले. कर्णधार वॉर्नरने ८६ धावा केल्या. या विजयासह चेन्नई प्लेऑफमध्ये पोहोचणारा दुसरा संघ ठरला आहे. चेन्नईचे लीग टप्प्यात १७ गुण झाले आहेत.
आता हा संघ दुसऱ्या किंवा तिसऱ्या स्थानावर राहून प्लेऑफमधील पुढील सामना खेळेल. आता चेन्नईचे खेळाडू लखनऊचा शेवटचा सामना हरावा अशी प्रार्थना करतील. या स्थितीत चेन्नई दुसऱ्या स्थानावर राहून पहिला क्वालिफायर खेळणार असून या संघाला अंतिम फेरी गाठण्याच्या दोन संधी मिळतील. याच पार्श्वभूमीवर ऋतुराज गायकवाड आणि डेव्हॉन कॉनवे यांनी सीएसकेला जोरदार सुरुवात मिळवून दिली. पहिल्या विकेटसाठी या दोघांमध्ये १४१ धावांची भागीदारी केली. या दोघांनी आयपीएल इतिहासात १००० धावांची भागीदारीही पूर्ण केली. १००० धावा करण्यासाठी ऋतुराज आणि गायकवाड या सलामीवीर जोडीला आयपीएलमध्ये २० डावांमध्ये खेळाव्या लागल्या.
दोन्ही संघातील ११ खेळडू
चेन्नई सुपर किंग्ज: ऋतुराज गायकवाड, डेव्हॉन कॉनवे, अजिंक्य रहाणे, अंबाती रायुडू, शिवम दुबे, मोईन अली, रवींद्र जडेजा, एमएस धोनी (विकेटकीपर/कर्णधार), दीपक चहर, तुषार देशपांडे, महेश तिक्षना.
इम्पॅक्ट खेळाडू: मथिशा पाथिराना, मिचेल सॅन्टनर, शुभ्रांशू सेनापती, शेख रशीद, आकाश सिंग.
दिल्ली कॅपिटल्स: डेव्हिड वॉर्नर (कर्णधार), फिलिप सॉल्ट (विकेटकीपर), रिले रुसो, यश धुल, अमन हकीम खान, अक्षर पटेल, ललित यादव, कुलदीप यादव, चेतन साकारिया, खलील अहमद, एनरिच नॉर्टजे.
इम्पॅक्ट खेळाडू: पृथ्वी शॉ, मुकेश कुमार, प्रवीण दुबे, रिपल पटेल, अभिषेक पोरेल.
