DC vs KKR Highlights: करो या मरो सामन्यात केकेआरचा दिल्लीवर विजय, घरच्या मैदानावर कॅपिटल्सचा सलग दुसरा पराभव

केकेआरने दिल्लीवर १४ धावांनी विजय मिळवला आहे. करो या मरो सामन्यातील केकेआरसाठी हा विजय प्लेऑफच्या दृष्टीने महत्त्वाचा होता आणि संघाने अखेरीस विजय मिळवला. केकेआरने दिल्लीला विजयासाठी २०५ धावांचे लक्ष्य दिले होते. पण केकेआरचा संघ २० षटकांत १९० धावाच करू शकला. फाफ डू प्लेसिस ६२ धावा तर अक्षर पटेलने ४३ धावांची खेळी केली. विपराज निगमने १९ चेंडूत ३८ धावांची झटपट खेळी केली. पण संघ विजय मात्र मिळवू शकला नाही. यासह केकेआरने विजयासह प्लेऑफ गाठण्याच्या त्यांच्या आशा जिवंत ठेवल्या आहेत.

१६व्या षटकातील दुसऱ्याच चेंडूवर सुनील नरेनने फाफ डू प्लेसिसला झेलबाद करवत संघासाठी मोठी विकेट मिळवून दिली आहे. दिल्ली कॅपिटल्सला २८ चेंडूत ५९ धावांची गरज आहे.

अजिंक्य रहाणेला फिल्डिंग करताना चेंडू उडवताना दुखापत झाली. अजिंक्य दुखापतीमुळे मैदानाबाहेर झाला आहे. त्याच्या हातातून रक्तही येत आहे. तर अक्षर पटेललाही सामन्यात फिल्डिंग करताना दुखापत झाली होती. पण तरीही तो फलंदाजीला उतरला.

अनुकूल सातवं षटक टाकण्यासाठी आला, त्याच्या षटकातील तिसऱ्या चेंडूवर एक धाव घेताना चुकीच्या कॉलमुळे राहुल धावबाद झाला, नरेनचा परफेक्ट थ्रो जो स्टंप्सवर जाऊन आदळला. दिल्लीसाठी हा मोठा धक्का आहे.

अखेरच्या षटकात मिचेल स्टार्क गोलंदाजीला आला. पहिल्या चेंडूवर रसेलने षटकार लगावला. दुसऱ्या चेंडूवर वाईडसाठी रिव्ह्यू घेण्यात आला, पण निर्णय बदलण्यात आला नाही. तिसऱ्या चेंडूवर परत दिल्लीने वाईडसाठी रिव्ह्यू घेतला पण तो संघाच्या बाजूने लागला आणि वाईड रद्द झाला. यानंतर तिसऱ्या चेंडूवर पॉवेलने पायचीत झाल्याने रिव्ह्यू घेतला पण हा निर्णय देखील दिल्लीच्या बाजूने लागला. पाचव्या चेंडूवर रसेल धावबाद झाला. पण झेलबादसाठी स्टार्कने रिव्ह्यू घेण्यासाठी कर्णधाराला मनवलं आणि एका षटकात चौथा रिव्ह्यू घेतला गेला. शेवटी अखेरच्या चेंडूवर वरूणने एक धाव घेतली आणि संघाला २०४ धावांपर्यंत पोहोचवलं. यासह केकेआरने दिल्लीला विजयासाठी २०५ धावांचं आव्हान दिलं आहे.

झटपट ३ विकेट्स गमावल्यानंतर रिंकू सिंग आणि अंगक्रिश रघुवंशीने संघाचा डाव सावरला. हे दोन्ही खेळाडू अर्धशतकी भागीदारी करत मैदानावर कायम आहेत. त्यांनी १६ षटकांत ३ बाद १६८ धावांची भागीदारी केली आहे.

पॉवरप्लेनंतर सातव्या षटकात विपराज निगमने सुनील नरेनला पायचीत केलं. नरेन १६ चेंडूत २ चौकार आणि २ षटकारांसह २७ धावा करत बाद झाला. तर आठव्या षटकात अक्षर पटेलने येताच दुसऱ्या चेंडूवर अजिंक्य रहाणेला पायचीत करत झेलबाद झाला. रहाणे १४ चेंडूत ४ चौकार आणि एका षटकारासह २६ धावा करत बाद झाला.

रहमानुल्ला गुरबाज आणि सुनील नरेन यांनी दुसऱ्या आणि तिसऱ्या षटकात वादळी फटकेबाजी करत संघाला चांगली सुरूवात करून दिली. चमीराच्या दुसऱ्या षटकात चौकार-षटकारांसह २५ धावा कुटल्या. तर तिसऱ्या षटकात १५ धावा कुटल्या, पण गुरबाजच्या रूपात संघाला एक धक्काही बसला. स्टार्कच्या गोलंदाजीवर गुरबाज झेलबाद झाला.

रहमानउल्ला गुरबाज(विकेटकिपर), सुनील नरेन, अजिंक्य रहाणे(कर्णधार), व्यंकटेश अय्यर, रिंकू सिंग, अंगक्रिश रघुवंशी, आंद्रे रसेल, रोवमन पॉवेल, हर्षित राणा, अनुकुल रॉय, वरुण चक्रवर्ती

दिल्ली कॅपिटल्स वि. कोलकाता नाईट रायडर्स सामन्याची नाणेफेक झाली असून संघाने दिल्लीने नाणेफेक जिंकत प्रथम गोलंदाजीचा निर्णय घेतला आहे. तर केकेआरचा संघ प्रथम फलंदाजी करताना दिसणार आहे. केकेआरच्या ताफ्यात एक मोठा बदल झाला आहे. फिरकीपटू अनुकूल रॉय प्लेईंग इलेव्हन सामील झाला आहे. तर दिल्लीचा संघ सारख्याच प्लेईंग इलेव्हनसह उतरेल.

अक्षर पटेल (कर्णधार), करुण नायर, हॅरी ब्रूक, जॅक फ्रेझर मॅकगर्क, फाफ डू प्लेसिस, डोनोव्हन फेरेरिया, केएल राहुल, समीर रिझवी, आशुतोष शर्मा, दर्शन नळकांडे, अजय मंडल, विपराज निगम, मनवंत कुमार, त्रिपुराण विजय, माधव तिवारी, दुष्मंथ चमेरा, मोहित शर्मा, टी. नटराजन, मुकेश कुमार, अक्षर पटेल, ट्रिस्टन स्टब्स, अभिषेक पोरेल, कुलदीप यादव