DC vs RCB Highlights: आरसीबीने बदला घेत मिळवला दिल्लीवर थरारक विजय, कृणाल-विराट ठरले विजयाचे हिरो

टीम डेव्हिडने १९ व्या षटकात १७ धावा करत आरसीबीला दिल्लीवर विजय मिळवू दिला आहे. आरसीबीने दिल्लीचा त्यांच्या घरच्या मैदानावर ६ विकेट्सने मोठा पराभव केला आहे. टीम डेव्हिडने पहिल्या चेंडूवर षटकार खेचला, यानंतर दुसऱ्या चेंडूवर चौकार अन् तो नो बॉल ठरला. फ्री हिटवरही डेव्हिडने चौकार लगावला. तर तिसऱ्या चेंडूवर डेव्हिडने चौकार लगावत संघाचा विजय एक षटक राखून निश्चित केला. या विजयासह आरसीबीचा संघ गुणतालिकेत १४ गुणांसह पहिल्या स्थानी पोहोचला आहे.

विराट कोहलीचं आयपीएल २०२५ मध्ये सलग तिसरं अर्धशतक झळकावलं आहे. चेस मास्टर विराटने परिस्थितीप्रमाणे खेळी करत ४५ चेंडूत अर्धशतक पूर्ण केलं. या खेळीदरम्यान कोहलीने ४ चौकार लगावले.

आरसीबीने कृणाल पंड्या आणि विराट कोहलीच्या अर्धशतकी भागीदारीच्या जोरावर १२ षटकांत ३ बाद ७८ धावा केल्या आहेत. आता आरसीबीला विजयासाठी ४८ चेंडूत ८५ धावांची गरज आहे. याआधी आरसीबी दिल्ली एकमेकांसमोर आले होते, तेव्हा राहुलने अखेरच्या षटकांमध्ये वादळी खेळी करत संघाला चिन्नास्वामीच्या मैदानावर विजय मिळवून देत अनोखं सेलिब्रेशन केलं होतं, पण आता विराटही हिच कामगिरी करणार का यावर सर्वांच्या नजरा आहेत.

ट्रिस्टन स्टब्स आणि विपराज निगमने १९व्या षटकात १९ धावा करत धावसंख्येत भर घातली होती. पण भुवनेश्वरच्या षटकात दुसऱ्या चेंडूवर विपराज निगम दुसरी धाव घेण्याच्या प्रयत्नात धावबाद झाला. तर पाचव्या चेंडूवर स्टब्सला झेलबाद करत मोठी विकेट मिळवली. यासह दिल्लीने चांगलं कमबॅक करत २० षटकांत ८ बाद १६२ धावा केल्या आहेत. १७ व्या षटकापर्यंत दिल्लीची धावसंख्या १२० होती. तर दिल्लीने १८व्या षटकात १७ आणि १९व्या षटकात १९ धावा करत मोठी धावसंख्या रचली. यासह दिल्लीने आरसीबीला विजयासाठी १६३ धावांचे आव्हान दिले आहे.

टाईमआऊटनंतर १७व्या षटकात भुवनेश्वर कुमारने दुसऱ्याच चेंडूवर विकेट मिळवली. केएल राहुल मोठा फटका खेळण्याच्या नादात झेलबाद झाला. राहुल ३९ चेंडूत ३ चौकारांसह ४१ धावा करत आऊट झाला.

दुखापतीनंतर परतल्यानंतर फाफ डू प्लेसिस मोठा फटका खेळण्याच्या प्रयत्नात कृणाल पंड्याच्या गोलंदाजीवर झेलबाद झाला. प्लेसिस २२ चेंडूत २ चौकारांसह २६ धावा करत बाद झाला. यासह दिल्लीने १० षटकांत ३ बाद ७२ धावा केल्या आहेत. आरसीबीच्या फिरकीपटूंनी मधल्या षटकांमध्ये चांगली गोलंदाजी केली.

हेझलवूड चौथ्या षटकात गोलंदाजीला आला आणि त्याने विकेट मिळवून दिली. हेझलवूडच्या षटकातील चौथ्या चेंडूवर विकेटच्या मागे झेलबाद झाला. यासह आरसीबीला पहिला ब्रेकथ्रू मिळाला.

फाफ डू प्लेसिस, अभिषेक पोरेल, करुण नायर, केएल राहुल (विकेटकिपर), अक्षर पटेल (कर्णधार), ट्रिस्टन स्टब्स, विपराज निगम, मिचेल स्टार्क, दुष्मंथा चमीरा, कुलदीप यादव, मुकेश कुमार

दिल्ली कॅपिटल्स वि. रॉयल चॅलेंजर्स बंगळुरू सामन्याची नाणेफेक आरसीबीने जिंकली असून प्रथम गोलंदाजी करण्याचा निर्णय घेतला आहे. फिल सॉल्ट आजारी असल्याने त्याच्या जागी जेकब बेथल खेळताना दिसणार आहे.

रजत पाटीदार (कर्णधार), विराट कोहली, यश दयाल, लियाम लिव्हिंगस्टोन, फिल सॉल्ट, जितेश शर्मा, जोश हेझलवूड, रसिक सलाम दार, सुयश शर्मा, कृणाल पंड्या, भुवनेश्वर कुमार, स्वप्नील सिंग, टीम डेव्हिड, नुवान तुषारा, जेकब बॅथेल, मनोज भंडागे, देवदत्त पडिक्कल, स्वास्तिक चिकारा,लुंगी एनगिडी, अभिनंदन सिंग, मोहित राठी, रोमारियो शेफर्ड