Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

Written by badmin2

April 13, 2013 05:16 IST

दिल्लीकरांचे मतभेद कधीही लपले नाहीत. भर रस्त्यातही ते हमरातुमरीवर यायला कमी करत नाहीत. बंगळुरूच्या एम. चिन्नास्वामी स्टेडियमवर दोन दिल्लीकर हमरातुमरीवर आले आणि आयपीएलच्या सहाव्या मोसमाला पहिल्यांदाच वादाची किनार लाभली. ते दोन दिल्लीकर होते विराट कोहली आणि गौतम गंभीर. दोन्ही अनुक्रमे रॉयल चॅलेंजर्स बंगळुरू आणि कोलकाता नाइट रायडर्सचे कप्तान.
कोलकाताचे उद्दिष्ट गाठताना १०व्या षटकांत विराट कोहली ३५ धावांवर बाद झाल्यानंतर तंबूच्या दिशेने परतत होता. पण बंगळुरूच्या विजयाची पायाभरणी कोहलीने केल्यामुळे गंभीर रागाच्या भरात काही तरी बोलला. पण मान खाली घालून मैदानात निघून जाणारा तो संयमाचा महामेरू सचिन तेंडुलकर थोडीच होता. प्रतिस्पध्र्याला ‘ईट का जबाब पत्थर से’ देणारा कोहली मागे वळला. ‘क्या बोला, क्या बोला’ असे म्हणत तो गंभीरच्या अंगावर धावून आला. गंभीरही माघार घेणाऱ्यांपैकी नव्हता. दोघेही एकमेकांच्या अंगावर धावून जाणार आणि परिस्थिती हाताबाहेर गेल्याचे लक्षात आल्यानंतर आणखी एक दिल्लीकर रजत भाटिया मध्यस्थ म्हणून धावत आला. त्याने कोहलीला मैदानात पाठवले तर कोलकाताच्या अन्य क्षेत्ररक्षकांनी आणि मैदानावरील पंच अनिल चौधरी यांनी गंभीरला दुसऱ्या बाजूला ढकलले.
सध्या कोहली आणि गंभीरची कारकीर्द विरोधाभास अशीच आहे. गंभीरने भारताच्या कसोटी संघातील आपले स्थान गमावले असून कोहलीने गंभीरकडून उपकर्णधारपदाची धुरा सांभाळली आहे. गंभीरचे वाढते वय त्याच्या कामगिरीच्या आड येत असून फॉर्मात असलेल्या कोहलीकडे भारताचा कर्णधार म्हणून पाहिले जात आहे. योगायोगाची बाब म्हणजे, दोघेही दिल्ली आणि ओएनजीसी संघाचे प्रतिनिधित्व करत आहेत. गंभीरने वीरेंद्र सेहवागच्या साथीने भारताचा सलामीवीर म्हणून आपले स्थान निश्चित केले होते, त्यावेळी कोहलीने दिल्लीकडून पदार्पण केले होते.
सामना संपल्यानंतर दोन्ही कर्णधारांनी एकमेकांशी औपचारिक हस्तांदोलन केले, पण या दोघांमधील ‘ठस्सन’ संपलेली नाही, असेच त्यावेळी जाणवत होते. मात्र ‘मैदानावरील भांडण मैदानावरच राहू द्या,’ असाच दोघांचा अविर्भाव होता.

कोहली, गंभीरला ताकीद
बंगळुरू : चिन्नास्वामी स्टेडियमवर गुरुवारी झालेल्या सामन्यादरम्यान एकमेकांविरुद्ध अपशब्द वापरल्याबद्दल रॉयल चॅलेंजर्स बंगळुरूचा कर्णधार विराट कोहली आणि कोलकाता नाइट रायडर्सचा कर्णधार गौतम गंभीर यांना अधिकृत इशारा आणि ताकीद देण्यात आली आहे. कलम १ अन्वये आयपीएलच्या आचारसंहितेचे उल्लंघन केल्याप्रकरणी या दोघांनाही ताकीद देण्यात आली आहे. गंभीर आणि कोहलीने आपली चूक मान्य केली आहे.

आणखी वाचा

Eknath Shinde : मुख्यमंत्री शिंदेंचा हिना गावितांना अप्रत्यक्ष इशारा; म्हणाले, “बंडखोरी…”

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

मुंबईत खरंच माणुसकी आहे! रिक्षाचालकाने हरवलेला फोन परत आणून दिला, नेटकरी म्हणाले, “मुंबईचे लोक खूप प्रामाणिक आहे…”

Arshdeep Singh Becomes India Most Successful T20I Fast Bowler Surpasses Jasprit Bumrah and Bhuvneshwar Kumar with 92 Wickets IND vs SA

IND vs SA: अर्शदीप सिंगने बुमराह-भुवनेश्वरला मागे टाकत घडवला इतिहास, ‘ही’ कामगिरी करणारा ठरला भारताचा पहिला वेगवान गोलंदाज

Tilak Varma Statement on Maiden T20I Century Flying Kiss Celebration He Said It is For Suryakumar Yadav Gives credit to him IND vs SA

IND vs SA: तिलक वर्माने शतकानंतर कोणाला फ्लाईंग किस दिला? सामन्यानंतर स्वत:च सांगितलं…

Hardik Pandya Trolled For His Behavior and Showing Attitude to Arshdeep Singh in IND vs SA 2nd T20I

IND vs SA: “आता उभा राहून मजा बघ…”, हार्दिक पंड्याला मोठेपणा करणं पडलं भारी, अर्शदीपला बोललेल्या वाक्यानंतर होतोय ट्रोल

Suryakumar Yadav and Sanju Samson fight with Marco Jansen video viral in IND vs SA 1st T20I

Suryakumar Yadav : संजू सॅमसनला नडणाऱ्या मार्को यान्सनशी भिडला सूर्या, लाइव्ह सामन्यातील वादावादीचा VIDEO व्हायरल

Ruturaj Gaikwad Speaks About Controversial Decision of Ankit Bawne Catch Out in the Ranji Trophy Game Between Services and Maharashtra

Ruturaj Gaikwad: “अपील करायला लाज वाटली पाहिजे…”, ऑस्ट्रेलियातून महाराष्ट्रासाठी धावून आला ऋतुराज गायकवाड, रणजीमधील कॅचचा व्हीडिओ केला शेअर

sports, cricket, ipl

First published on: 13-04-2013 at 05:16 IST

Web Title: Fight between perfidious

दिल्लीकर.. राडेबाज रे!