Cameron Green’s century breaks record: आयपीएल २०२३ मध्ये ६९ साखली सामने पूर्ण झाले आहेत आणि आता शेवटचा सामना आरसीबी आणि गुजरात टायटन्समध्ये सुरू आहे. या मोसमात सर्व विक्रम मोडीत निघताना दिसत आहेत. अनेक अर्थांनी हा मोसम आतापर्यंत ऐतिहासिक ठरला आहे. ऑस्ट्रेलियन अष्टपैलू कॅमेरून ग्रीनने ४७ चेंडूत नाबाद १०० धावा केल्यामुळे मुंबईने त्यांच्या शेवटच्या साखळी सामन्यात हैदराबादचा ८गडी राखून पराभव केला. या मोसमातील हे ९वे शतक होते, यापूर्वी या मोसमात आठ खेळाडूंनी शतक झळकावले होते.
जर आपण एका मोसमात जास्तीत जास्त शतके करण्याबद्दल बोललो, तर आयपीएलचा चालू हंगाम अव्वल स्थानावर पोहोचला आहे. आयपीएल २०२२ म्हणजे गेल्या मोसमात ८ शतके झळकावली. पण या हंगामात पाच सामने (चार प्लेऑफ) शिल्लक असताना सर्व मोसमातील विक्रम मोडले आहेत. या मोसमात ९ शतके झाली आहेत. या प्रकरणात, हा हंगाम शीर्षस्थानी आहे.
आयपीएल २०२३ मध्ये शतक झळकावणाऱ्या खेळाडूंची यादी –
१. हॅरी ब्रूक २.व्यंकटेश अय्यर ३.यशस्वी जैस्वाल ४.सूर्यकुमार यादव ५.प्रभसिमरण सिंग ६.शुबमन गिल ७.हेनरिक क्लासेन ८.विराट कोहली ९.कॅमेरुन ग्रीन
हेही वाचा – MI vs SRH: वानखेडे मैदानात कॅमरून ग्रीनचं वादळी शतक, हैदराबादचा पराभव करून मुंबईने फडकवला विजयाचा झेंडा
आयपीएलच्या कोणत्या मोसमात सर्वाधिक शतके झळकावली?
आयपीएल २०२३ – ९ शतके (५ सामने बाकी)
आयपीएल २०२२ – ८ शतके
आयपीएल २०१६ – ७ शतके
आयपीएल २००८, २०११, २०१२ आणि २०१९ – ६ शतके
आयपीएल २०१७, २०१८ आणि २०२० – ५ शतके
आयपीएल २०१०, २०१३, २०१५ आणि २०२१ – ४ शतके
आयपीएल २०१४ – ३ शतके
आयपीएल २००९ – २ शतके
आता या मोसमातील शेवटचा साखळी सामना सुरू असून त्यानंतर प्लेऑफसाठी चार सामने खेळवले जाणार आहेत. या हंगामात बरेच काही घडले ज्याने सर्व विक्रम मोडीत काढले. जर आपण जास्तीत जास्त २०० पेक्षा जास्त धावा करण्याबद्दल बोललो, षटकारांच्या आकड्यांबद्दल बोललो, शेवटच्या षटकातील विजयाबद्दल बोललो, तर हे सर्व असे विक्रम आहेत, जिथे या मोसमाने मागील सर्व हंगामांना मागे टाकसे आहे. आयपीएल २०२३ चा अंतिम सामना २८ मे रोजी होणार आहे. त्याआधी, २३ मे रोजी क्वालिफायर १, २४ मे रोजी एलिमिनेटर आणि २६ मे रोजी क्वालिफायर २ खेळला जाईल.
