GT vs CSK Qualifier 1 Highlights: धोनीच्या सीएसकेने गुजरातला हरवून अंतिम फेरीत मारली धडक, गायकवाड-जडेजाचे शानदार प्रदर्शन

चेन्नई सुपर किंग्ज आणि गुजरात टायटन्स यांच्यातील सामन्यात चौकार आणि षटकारांचा पाऊस पाहायला मिळू शकतो. कारण ३० एप्रिल रोजी चेन्नई आणि पंजाब किंग्ज यांच्यात झाला होता. या सामन्यात चेन्नईने ४ गड्यांच्या मोबदल्यात २०० धावा केल्या होत्या. त्याचवेळी पंजाबने २०१ धावा केल्या होत्या.

ऋतुराज गायकवाड, डेव्हॉन कॉनवे, अजिंक्य रहाणे, अंबाती रायुडू, शिवम दुबे, मोईन अली, रवींद्र जडेजा, एमएस धोनी (कर्णधार), दीपक चहर, तुषार देशपांडे आणि महेश तिक्ष्णा

हार्दिक पंड्या (कर्णधार), शुभमन गिल, ऋद्धिमान साहा (यष्टीरक्षक), दासून शनाका, डेव्हिड मिलर, राहुल तेवाटिया, रशीद खान, दर्शन नळकांडे, मोहित शर्मा, नूर अहमद आणि मोहम्मद शमी

क्वालिफायर एक मध्ये गुजरात टायटन्सचा कर्णधार हार्दिक पंड्याने नाणेफेक जिंकून प्रथम गोलंदाजी करण्याचा निर्णय घेतला. त्यामुळे चेन्नईचा संघ प्रथम फलंदाजीसाठी उतरणार आहे.

चेपॉकमध्ये धोनीला प्रेक्षकांचा खूप पाठिंबा मिळतो. धोनीचा हा शेवटचा सीझन असू शकतो, अशीही शक्यता वर्तवली जात आहे. यामुळे देखील धोनीला चेन्नईच्या मैदानावर प्रेक्षकांचे भरभरून प्रेम मिळणार आहे.

चेपॉक येथे होणार्‍या सामन्याबद्दल बोलायचे झाल्यास, आयपीएल २०२३ मध्ये आतापर्यंत एकूण ७ सामने मैदानावर खेळले गेले आहेत. दुसऱ्या डावात दव आहे. अशा स्थितीत नाणेफेक जिंकणाऱ्या संघाला येथे लक्ष्याचा पाठलाग करायला आवडेल. ७ पैकी ४ सामन्यात लक्ष्याचा पाठलाग करणाऱ्या संघानेच विजय मिळवला आहे. आयपीएलमध्ये सीएसकेविरुद्ध गुजरात टायटन्सचा रेकॉर्ड उत्कृष्ट राहिला आहे. या दोघांमध्ये आतापर्यंत एकूण 3 सामने झाले असून ते सर्व टायटन्सने जिंकले आहेत. अशा स्थितीत हार्दिक पांड्याला आज विजयाचा चौकार मारायला आवडेल.

दिल्ली कॅपिटल्सविरुद्धच्या सामन्यानंतर रवींद्र जडेजा आणि महेंद्रसिंग धोनी यांच्यात तणावाचे वातावरण होते. या सामन्यानंतर रवींद्र जडेजानेही रहस्यमय ट्विट केले आहेत. आजच्या सामन्यात सीएसकेच्या सर्व चाहत्यांची नजर दोन्ही खेळाडूंवर असेल.

या हंगामात विजय शंकरने आपल्या खेळाने सर्वांना प्रभावित केले आहे. गुजरातसाठी विजय शंकरने या मोसमात सर्वाधिक स्ट्राइक रेटने धावा केल्या आहेत. त्यामुळे शंकर चेन्नई सुपर किंग्जविरुद्ध तिसऱ्या क्रमांकावर फलंदाजी करतानाही दिसू शकतो.

चेन्नईने या मोसमात घरच्या मैदानावर एकूण सात सामने खेळले आहेत. सातपैकी संघाने चार सामने जिंकले असले, तरी त्यांचा खेळ फारसा नेत्रदीपक झाला नाही. या मैदानावरील शेवटच्या सामन्यात त्यांना पराभवाचा सामना करावा लागला होता.

शुबमनने गेल्या सामन्यात नाबाद शतक झळकावून विराट कोहलीची शतकी खेळी व्यर्थ ठरवली. कारण आरसीबीचा संघ गुजरातकडून पराभूक होऊन प्लेऑफमधून बाहेर पडला. अशा परिस्थितीत चेन्नईविरुद्धच्या सामन्यात सर्वांच्या नजरा या युवा फलंदाजाकडे असतील. भारताच्या आजवरच्या सर्वोत्तम कर्णधारांपैकी एक असलेल्या धोनीकडे त्याच्यासाठी निश्चितच खास रणनीती असेल.

चेन्नई सुपर किंग्ज आणि गुजरात टायटन्स संघांतील पहिला क्वालिफायर सामना पावसामुळं रद्द झाला, तर गुणतालिकेत अव्वल स्थानावर असणारा संघ थेट फायनलमध्ये प्रवेश करेल. म्हणजेच गुजरात टायटन्सचा संघ फायनल खेळण्यासाठी पात्र ठरेल. कारण फक्त फायनल सामन्यासाठीच एक रिझर्व्ह डे ठेवण्यात आला आहे.

चेपॉकववर फिरकी गोलंदाजांचे वर्चस्व असले तरी मोसमाच्या सुरुवातीच्या सामन्यांमध्ये येथे २०० हून अधिक धावा झाल्या. गेल्या काही सामन्यांमध्ये स्कोअरिंग रेट निश्चितच कमी झाला आहे. अशा स्थितीत आजही फिरकी खेळपट्टी पाहायला मिळते. या खेळपट्टीवर नाणेफेक जिंकणारा संघ प्रथम गोलंदाजी करणे पसंत करतो. येथील मैदानावर धावांचा पाठलाग करताना संघ बऱ्यापैकी यशस्वी ठरला आहे. चेपॉक येथे या मोसमात एकूण सात सामने खेळले गेले. ज्यामध्ये चेन्नईने चार जिंकले आणि तीन हरले. यामध्ये प्रथम फलंदाजी करणाऱ्या संघाने तीन वेळा विजय मिळवला तर लक्ष्याचा पाठलाग करणाऱ्या संघाने चार वेळा विजय मिळवला.

दोन्ही संघांमध्ये आतापर्यंत एकूण तीन सामने झाले आहेत. गुजरातने तीनही वेळा विजय मिळवला. हे सामने ब्रेबॉर्न, वानखेडे आणि नरेंद्र मोदी स्टेडियमवर खेळवण्यात आले. त्याचवेळी चेपॉक स्टेडियमवर दोन्ही संघ प्रथमच आमनेसामने असतील.

वर्ष २००८ – अंतिम फेरीत पराभूत

वर्ष २००९ – उपांत्य फेरीत हरले

वर्ष २०१० – विजेतेपद पटकावले

वर्ष २०११ – विजेतेपद पटकावले

वर्ष २०१२ – अंतिम फेरीत पराभूत

वर्ष २०१३ – अंतिम फेरीत पराभूत

वर्ष २०१४ – क्वालिफायर-२ हरले

वर्ष २०१५ – अंतिम फेरीत पराभूत

वर्ष २०१६ – बंदीमुळे संघ खेळला नाही

वर्ष २०१७ – बंदीमुळे संघ खेळला नाही

वर्ष २०१८ – विजेतेपद पटकावले

वर्ष २०१९ – अंतिम फेरीत पराभूत

वर्ष २०२१ – विजेतेपद पटकावले

वर्ष २०२२ – प्लेऑफसाठी पात्र ठरले नाही

चेन्नई सुपर किंग्सने आतापर्यंत आयपीएल क्वालिफायरमध्ये ६ सामने खेळले आहेत, त्यापैकी ४ जिंकले आहेत. त्याचबरोबर २ सामन्यात पराभवाचा सामना करावा लागला आहे. दोन्ही वेळा मुंबई इंडियन्सने त्याना हरवले आहे. आयपीएल २०२३ च्या क्वालिफायर-१ मध्ये गुजरात टायटन्ससाठी माही सेनेचे आव्हान अजिबात सोपे असणार नाही.