GT vs CSK : गिल-सुदर्शनच्या शतकांसह गुजरातचा चेन्नईवर विजय; प्लेऑफची शर्यत रंगतदार वळणावर Gujarat Titans beat Chennai Super Kings by 35 runs Shubman Gill and Sai Sudarshan scored Centuries

GT vs CSK Match Updates : आयपीएल २०२४ मधील ५९व्या सामन्यात गुजरात टायटन्सने चेन्नई सुपर किंग्जचा ३५ धावांनी पराभव करून प्लेऑफच्या आशा जिवंत ठेवल्या. साई सुदर्शन आणि शुभमन गिल यांनी अप्रतिम शतकीय खेळी साकारली .

Shubman Gill scored the fourth while Sai Sudarshan scored his first IPL century

शुबमन गिल, साई सुदर्शनने झळकावली वेगवान शतकं (फोटो-आयपीएल एक्स)

Gujarat Titans beat Chennai Super Kings by 35 runs : अहमदाबादच्या नरेंद्र मोदी स्टेडियमवर गुजरात टायटन्सने चेन्नई सुपर किंग्जचा ३५ धावांनी पराभव केला आहे. या विजयासह गुजरातने प्लेऑफच्या आशा जिवंत ठेवल्या आहेत. त्याचवेळी चेन्नईच्या पराभवामुळे प्लेऑफची शर्यत रोमांचक बनली आहे. गुजरातच्या या विजयाने आरसीबीला प्लेऑफमध्येही जिवंत ठेवले आहे. प्रथम खेळताना गुजरात टायटन्सने २० षटकांत ३ बाद २३१ धावा केल्या होत्या. प्रत्युत्तरात चेन्नईचा संघ केवळ ८ बाद १९६ धावा करू शकला. गुजरातकडून शुभमन गिल आणि साई सुदर्शन यांनी शतके झळकावली आणि त्यानंतर मोहित शर्मा आणि राशिद खान यांनी गोलंदाजीत कमाल केली. मोहितने ३ तर राशिदने २ बळी घेतले.

लक्ष्याचा पाठलाग करताना चेन्नईची सुरुवात खूपच खराब झाली. कारण सीएसकेने पॉवरप्लेच्या षटकात ३ गडी गमावून ४३ धावा केल्या होत्या. येथून डॅरिल मिशेल आणि मोईन अली यांच्यात १०९ धावांची उत्कृष्ट भागीदारी झाली. पुढच्या ६ षटकांत दोघांनी ७६ धावा जोडल्या. त्यामुळे १२ षटकांनंतर संघाची धावसंख्या ३ गड्यांच्या मोबदल्यात ११९ धावा झाली. दरम्यान, १३व्या षटकाच्या दुसऱ्या चेंडूवर मिशेल मोठा फटका खेळण्याच्या प्रयत्नात ६३ धावा करून बाद झाला. मिशेलने ३४ चेंडूत सामना करताना ७ चौकार आणि ३ षटकार मारले. यानंतर १५व्या षटकात मोईन अलीही ५६ धावा काढून पॅव्हेलियनमध्ये परतला. त्याने ३६ चेंडूत ४ चौकार आणि ४ षटकार मारले. अशा प्रकारे सीएसकेने १५ षटकात १४३ धावा केल्या होत्या आणि संघाला विजयासाठी शेवटच्या ५ षटकात ८९ धावांची गरज होती.

आणखी वाचा

India Scored 2nd Highest T20 Total of 283 Runs Tilak Varma and Sanju Samson Scored Individual Centuries with Record Breaking Partnership IND vs SA

IND vs SA: टीम इंडियाचा धावांचा पर्वत, संजू-तिलकची शतकं आणि विक्रमी भागीदारी

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

India vs South Africa 4th T20 Live Updates in Marathi

IND vs SA: भारताचा दक्षिण आफ्रिकेवर विक्रमी १३५ धावांनी मोठा विजय, मालिकाही जिंकली

IND vs SA 3rd T20 Match Timing Changes India vs South Africa centurion

IND vs SA: भारत-दक्षिण आफ्रिका तिसरा टी-२० सामना दुसऱ्या सामन्यापेक्षा उशिराने सुरू होणार, जाणून घ्या काय आहे नेमकी वेळ?

Afghanistan Batter Rahmanullah Gurbaj Surpasses Virat Kohli in Youngest to 8 Hundreds in Mens ODI Equals Sachin Tendulkar Record

AFG vs BAN: अफगाणिस्तानच्या फलंदाजाची ऐतिहासिक कामगिरी, विराट कोहलीला मागे टाकलं तर सचिन तेंडुलकरच्या विक्रमाची केली बरोबरी

Suryakumar Yadav video with Pakistani fan goes viral :

Suryakumar Yadav : तुम्ही चॅम्पियन्स ट्रॉफीसाठी पाकिस्तानात का येत नाही? चाहत्याच्या प्रश्नावर सूर्या म्हणाला, ‘हे आमच्या…’

AUS vs PAK Pakistan won the ODI series in Australia after 22 years

AUS vs PAK : पाकिस्तानने २२ वर्षांनी नोंदवला ऐतिहासिक विजय, भारताला मागे टाकत ‘हा’ खास पराक्रम करणारा ठरला पहिला आशियाई संघ

IND vs SA Ryan Rickelton's 104 Metre Six man ran away with ball video viral

IND vs SA सामन्यात रायन रिकेल्टनने हार्दिक पंड्याला षटकार मारताच प्रेक्षकाने केलं असं काही की… VIDEO होतोय व्हायरल

For his excellent ? and leading from the front, Shubman Gill wins the Player of the Match Award ?

Scorecard ▶️ https://t.co/PBZfdYswwj#TATAIPL | #GTvCSK pic.twitter.com/DI3iPp8awE
— IndianPremierLeague (@IPL) May 10, 2024

हेही वाचा – GT vs CSK : साई सुदर्शनने सचिन तेंडुलकरचा विक्रम मोडत रचला इतिहास, ‘हा’ खास पराक्रम करणारा ठरला पहिला भारतीय

१७व्या षटकात २१ धावा काढून शिवम दुबेही बाद झाला, पण रवींद्र जडेजा आज गोलंदाजांना चितपट करण्याच्या मूडमध्ये होता. दरम्यान, राशिद खानने १८व्या षटकात २ बळी घेत गुजरातचा विजय जवळपास निश्चित केला होता. परिस्थिती अशी होती की चेन्नईला विजयासाठी शेवटच्या षटकात ५२ धावा करायच्या होत्या. अखेरीस, धोनीने ११ चेंडूत २६ धावांची शानदार खेळी खेळली, परंतु बरेच प्रयत्न करूनही सीएसकेला ८ विकेट गमावून १९६ धावाच करता आल्या. या सामन्यात चेन्नईला ३५ धावांनी पराभव स्वीकारावा लागला.

हेही वाचा – IPL 2024 : “पार्ट्यांवर नव्हे तर क्रिकेटवर लक्ष द्यावे”, वसीम अक्रमचा भारताच्या ‘या’ युवा खेळाडूला महत्त्वाचा सल्ला

राशिद खानचे षटक ठरले सामन्याचे टर्निंग पॉइंट –

शेवटच्या ३ षटकात चेन्नई सुपर किंग्जला विजयासाठी ६४ धावांची गरज होती. राशिद खान १८व्या षटकात गोलंदाजी करायला आला. त्याने आपल्या षटकाच्या तिसऱ्या चेंडूवर रवींद्र जडेजाला डेव्हिड मिलरकडे झेलबाद केले. जडेजाने १० चेंडूत १८ धावा केल्या. मिचेल सँटनरही षटकाच्या ५व्या चेंडूवर शून्य धावांवर बाद झाला. यावेळी धोनी क्रीजवर असला तरी २ षटकात ६२ धावा करणे जवळपास अशक्य होते. या २ विकेट्ससह राशिद खानने जीटीचा विजय जवळपास निश्चित केला होता.

हेही वाचा – GT vs CSK : आयपीएलमध्ये ‘शतक शंभरी’; शुबमन गिल, साई सुदर्शनने झळकावली वेगवान शतकं

शुबमन गिल आणि साई सुदर्शनने लावली विक्रमांची रांग –

गुजरात टायटन्ससाठी शुबमन गिल आणि साई सुदर्शन या दोन्ही सलामीवीरांनी शतकी खेळी खेळली. गिलने ५५ चेंडूत १०४ धावा केल्या, ज्यात त्याने ९ चौकार आणि ६ षटकार मारले. दुसरीकडे, सुदर्शनने ५१ चेंडूत १०३ धावांची खेळी केली. यामध्ये त्याच्या बॅटमधून ५ चौकार आणि ७ षटकार आले. गिल-सुदर्शन ही आयपीएलच्या इतिहासात सामन्याच्या एका डावात शतके झळकावणारी तिसरी जोडी ठरली आहे. याशिवाय गिल आणि सुदर्शन यांनी आयपीएलच्या इतिहासात पहिल्या विकेटसाठी सर्वात मोठी भागीदारी करण्याचा विक्रम केला. गिल आणि सुदर्शन यांनी पहिल्या विकेटसाठी २१० धावांची भागीदारी केली. त्याच्या आधी २०२२ मध्ये क्विंटन डी कॉक आणि केएल राहुल यांनी पहिल्या विकेटसाठी २१० धावांची भागीदारी केली होती.

First published on: 10-05-2024 at 23:42 IST

Web Title: Gujarat titans beat chennai super kings by 35 runs shubman gill and sai sudarshan scored centuries vbm