गुजरातचा संघ जिंकला असता, पण शेवटच्या क्षणी आशिष नेहरा बनला व्हिलन, कसं ते जाणून घ्या

चाहत्यांना नेहराचा आला राग

नेहराने दिलेला सल्ला गुजरात टायटन्सच्या कामी आला नाही आणि दोन चेंडूवर जडेजाने १० धावा करून चेन्नईला विजय मिळवून दिला. अशातच सोशल मीडियावर गुजरातच्या चाहत्यांनी नेहराला धारेवर धरलं. चाहते म्हणाले की, जेव्हा मोहित योग्य गोलंदाजी करत होता, तर त्याला शेवटचे दोन चेंडू करण्याआधी का रोखण्यात आलं आणि त्याला सल्ला का देण्यात आला? नेहराने त्यावेळी मोहितला मार्गदर्शन करण्याची गरज नव्हती. त्यावेळी असं काही घडलं नसंत, तर मोहितने त्याच अंदाजात गोलंदाजी केली असती आणि अचूक टप्प्यावर मारा करून जडेजाला धावा काढण्यापासून रोखलं असतं. परंतु, असं झालं नाही.

नक्की वाचा – गुरु-शिष्याच्या लढाईत अखेर गुरुनेच मारली बाजी, पांड्याची बायको नताशानेही चॅम्पियन धोनीला अनोख्या अंदाजात दिल्या शुभेच्छा, पाहा Video

अहमदाबादच्या नरेंद्र मोदी स्टेडियममध्ये सोमवारी आयपीएल २०२३ चा फायनल सामना चेन्नई सुपर किंग्ज आणि गुजरात टायटन्स यांच्यात रंगला. गुजरातने २० षटकात २१४ धावांपर्यंत मजल मारली होती. त्यानंतर पु्न्हा एकदा मैदानात पावसाच्या सरी कोसळल्याने सामना डकवर्थ लुईसनियमानुसार चेन्नईला १५ षटकांत १७० धावांचं लक्ष्य गाठायचं होतं. हा सामना शेवटच्या षटकापर्यंत अटीतटीचा झाला. ऋतुराज गायकवाड, डेवॉन कॉनवे, अजिंक्य रहाणे, शिवम दुबे, अंबाती रायुडू यांनी अप्रतिम फलंदाजी करून चेन्नईला विजयाच्या दिशेनं नेलं. परंतु, सामन्यात खरा रोमांचा पाहायला मिळाला तो म्हणजे मोहित शर्माच्या शेवटच्या षटकात. कारण शेवटच्या दोन चेंडूवर चेन्नईला १० धावांची गरज असताना रविंद्र जडेजाने चौकार-षटकार ठोकला आणि चेन्नईनं आयपीएलचा पाचवा किताब जिंकला.