Virat Kohli embarrassing record of scoring most runs in defeat: इंडियन प्रीमियर लीग म्हणजेच आयपीएलच्या इतिहासात सर्वाधिक धावा करणाऱ्या फलंदाजांच्या यादीत विराट कोहली अव्वल स्थानावर आहे, परंतु तुम्हाला हे जाणून आश्चर्य वाटेल की विराट कोहली हा पराभव झालेल्या सामन्यांत देखील सर्वाधिक धावा करणारा फलंदाज आहे. आयपीएल. कारण संघाचा पराभव झाला असताना ही विराट कोहलीने जवळपास ५० टक्के धावा केल्या आहेत. रॉयल चॅलेंजर्स बंगळुरू म्हणजेच आरसीबीच्या पराभवाचा इतिहास जुना आहे.
उजव्या हाताचा फलंदाज विराट कोहली २००८ पासून या आयपीएल संघाचा भाग आहे. तो प्रत्येक हंगामात संघासाठी खेळला आहे. अर्धा डझनहून अधिक हंगाम तो संघाचा कर्णधार राहिला आहे, पण आरसीबीला कधीही आयपीएल ट्रॉफी उचलता आलेली नाही. ही नक्कीच लाजिरवाणी गोष्ट आहे, पण आयपीएलच्या इतिहासात विराट कोहली हा एकमेव फलंदाज आहे, ज्याने पराभव झालेल्या सामन्यात ३१०० पेक्षा जास्त धावा केल्या आहेत. सोमवारी लखनऊविरुद्धच्या आणखी एक अर्धशतक व्यर्थ ठरले.
विराट कोहलीने आयपीएलच्या इतिहासात आतापर्यंत ६७८८ धावा केल्या आहेत, परंतु त्यापैकी ३१२२ धावा पराभव झालेल्या सामन्यांत आल्या आहेत. दुसऱ्या कोणत्याही खेळाडूने पराभवात इतक्या धावा केल्या नाहीत. यामध्ये शिखर धवन दुसऱ्या क्रमांकावर नक्कीच आहे, पण त्याच्या धावांची संख्या २५३८ आहे. तिसऱ्या क्रमांकावर ऑस्ट्रेलियाचा डेव्हिड वॉर्नर आहे, ज्याने पराभवात (लॉसिंग कॉजमध्ये) २५०३ धावा केल्या आहेत. या यादीत चौथे नाव आहे, ते निवृत्त झालेल्या रॉबिन उथप्पाचे. त्याने २३३८ आणि रोहित शर्माने २२९६ धावा केल्या आहेत.
हेही वाचा – IPL 2023 RCB vs LSG: लखनऊच्या विजयनानंतर आवेश खानला फटकारलं गेलं तर आरसीबीच्या कर्णधाराला १२ लाखांचा भुर्दंड
सोमवारी झालेल्या लखनऊ आणि बंगळुरु सामन्याबद्दल बोलायचे, तर या सामन्यात लखनऊने आरसीबीचा एका विकेटने पराभव करत सामना जिंकला. या विजयासह लखनौचा संघ गुणतालिकेत अव्वल स्थानावर पोहोचला आहे. प्रथम फलंदाजी करताना आरसीबीने २ बाद २१२ धावा केल्या. प्रत्युत्तरात लखनऊने ९ गडी गमावून २१३ धावा केल्या आणि सामना जिंकला.
या सामन्यात आरसीबीने प्रथम फलंदाजी करताना चमकदार कामगिरी केली. विराट कोहलीने ४४ चेंडूत ६१, ग्लेन मॅक्सवेलने २९ चेंडूत ५९ केल्या. कर्णधार फाफ डुप्लेसिसने ४६ चेंडूत नाबाद ७९ धावा केल्या. दरम्यान लखनकडून मार्क वुड आणि अमित मिश्राने प्रत्येकी एक विकेट घेतली.
