IPL 2020 : मराठमोळ्या ऋतुराज गायकवाडचा विक्रम, सलग तिसऱ्या सामन्यात झळकावलं अर्धशतक

पंजाबविरुद्ध सामन्यात अर्धशतक झळकावल्यानंतर ऋतुराज चेन्नईकडून सलग तीन सामन्यांत अर्धशतक झळकावणारा पहिला खेळाडू ठरला आहे. RCB, KKR आणि पंजाब अशा तीन संघांविरोधात ऋतुराजने अर्धशतक झळकावत स्वतःचा फॉर्म सिद्ध केला आहे.

आयपीएलचा तेरावा हंगाम ऋतुराजसाठी नक्कीच सोपा नव्हता. सुरेश रैनाच्या अनुपस्थितीत ऋतुराजकडे तिसऱ्या क्रमांकाचा फलंदाज म्हणून पाहण्यात आलं. परंतू सलामीच्या सामन्याआधीच ऋतुराजला करोनाची लागण झाल्यामुळे तो सुरुवातीचे काही सामने खेळू शकला नाही. ज्या सामन्यांत ऋतुराजला संधी मिळाली तिकडे त्याला मधल्या फळीत संधी मिळाली. दुर्दैवाने ऋतुराज या सामन्यांत अपयशी ठरला. पहिल्या ३ सामन्यांमध्ये दोनवेळा शून्यावर बाद होऊन एका सामन्यात ५ धावा करणाऱ्या ऋतुराजने नंतरच्या ३ सामन्यांमध्ये अर्धशतकी खेळी करत स्वतःला सिद्ध केलं आहे.