राजस्थान रॉयल्सचा सहा विकेट्स राखून दणदणीत विजय, पराभवामुळे पंजाबसाठी पुढची लढाई अवघड

हेही वाचा >>>> IPL 2022, LSG vs KKR : लखनऊचे खेळाडू दिसणार नव्या रुपात! ‘मदर्स डे’च्या निमित्ताने परिधान करणार खास जर्सी

पंजाबने विजयासाठी दिलेल्या १९० धावांचे लक्ष्य गाठताना राजस्थान रॉयल्सने सुरुवातीपासून आक्रमक फलंदाजी केली. सलामीला आलेल्या यशस्वी जैसवाल आणि जोस बटरलया जोडीने ४६ धावांची भागिदारी केली. जैसवालने ४१ चेंडूंमध्ये ६८ धावांची अर्धशतकी खेळी केली. तर जोस बटलरने ३० धावा करत राजस्थानला विजय सोपा करुन दिला. सलामीला आलेली ही जोडी बाद झाल्यानंतर संजू सॅमसन (२३), देवदत्त पडिक्कल (३१) आणि शिमरॉन हेटमायर (३१, नाबाद) या त्रिकुटाने राजस्थानला विजय मिळवून दिला.

हेही वाचा >>>>  IPL 2022 च्या पुढील सामन्यात रॉयल चॅलेंजर्स बंगळुरू संघ हिरव्या जर्सीत उतरणार, जाणून घ्या कारण

तर याआधी नाणेफेक जिंकून पंजाबने फलंदाजी करण्याचा निर्णय घेतला. पंजाबनेही सुरुवातीपासूनच आक्रमक फलंदाजी करत राजस्थानसमोर १८९ धावांचा डोंगर उभा केला. पंजाबच्या जॉनी बेअरस्टोने ४० चेंडूंमध्ये ५६ धावा केल्या. बेअरस्टोनंतर जितेश शर्मा वगळता अन्य एकही फलंदाजाला धावा करता आल्या नाही. धवनला फक्त १२ धावा करता आल्या. अश्विनच्या चेंडूवर तो झेलबाद झाला. तर भानुका राजपक्षेदेखील २७ धावांवर असताना युझवेंद्र चहलच्या चेंडूवर त्रिफळाचित झाला. तिसऱ्या विकेटसाठी फलंदाजीसाठी आलेला मयंक अग्रावालही फक्त १५ धावा करु शकला. जितेश शर्मा (३८), लियाम लिव्हिंगस्टोन (२२), ऋषी धवन यांनी समाधानकारक कामगिरी केली. मात्र मोठी धावसंख्या उभारुनही पंजाबला पराभवाचा सामना करावा लागला.

हेही वाचा >>>> युझवेंद्र चहलने करुन दाखवलं! तीन विकेट्स घेत रचला अनोखा विक्रम, लसिथ मलिंगालाही टाकलं मागे

गोलंदाजी विभागात राजस्थानच्या युझवेंद्र चहलने नेहमीप्रमाणे चांगली गोलंदाजी करत तीन फलंदाजांना बाद केलं. तर रविचंद्रन अश्विन आणि प्रसिध कृष्णा या जोडीने प्रत्येकी एक बळी घेत चहलला साथ दिली. तर दुसरीकडे पंजाबचे गोलंदाज राजस्थानच्या फलंदाजांना रोखू शकले नाहीत. पंजाबला राजस्थानचे फक्त चार फलंदाज बाद करता आले. अर्षदीप सिंगने दोन तर कसिगो रबाडा आणि ऋषी धवन या जोडीने एक बळी घेतला.