Sunil Gavaskar on Extra Runs: जेव्हा एखादा गोलंदाज सामन्यात नो-बॉल टाकतो, तेव्हा क्षेत्ररक्षण करणाऱ्या संघाच्या हृदयाचे ठोके आधीच वाढतात कारण त्याचा पुढचा चेंडू फलंदाजासाठी फ्री-हिट असतो, ज्यावर तो बाद होऊ शकत नाही आणि निर्भयपणे कुठलाही शॉट खेळण्यास त्याला परवानगी असते. पण आता भारताचे माजी कर्णधार आणि महान फलंदाज सुनील गावसकर यांना फ्री हिटचा नियम फक्त नो बॉलपुरता मर्यादित ठेवू नये, असे वाटते. हे वाईड बॉलवर देखील लागू झाले पाहिजे. गावसकर म्हणाले की, “मी असे सुचवतो की जेव्हा जेव्हा गोलंदाज सलग दोन वाईड चेंडू टाकतो तेव्हा फलंदाजी करणाऱ्या संघाला त्याच्या पुढच्या चेंडूवर फ्री हिट मिळायला हवी.”
आयपीएलमध्ये सोमवारी चेन्नई सुपर किंग्ज आणि लखनऊ सुपर जायंट्स यांच्यात सामना झाला. या सामन्यात चेन्नई संघाने लखनऊचा पराभव केला. मात्र, या विजयानंतरही सीएसकेचा कर्णधार महेंद्रसिंग धोनी आपल्या गोलंदाजांवर नाराज दिसत होता. वास्तविक, धोनीने १३ वाइड्स आणि ३ नो-बॉल टाकल्यानंतर त्याच्या गोलंदाजांनी राग काढला होता. ‘कॅप्टन कूल’चा राग एवढा वाढला होता की त्याने कर्णधारपद सोडण्याचा इशारा दिला होता. त्याचवेळी, भारताचे दिग्गज क्रिकेटपटू सुनील गावसकर यांनी अतिरिक्त धावा रोखण्यासाठी एक उत्तम फॉर्म्युला सांगितला आहे. गावसकर म्हणाले की, “गोलंदाजाने सलग दोन वाइड्स दिल्यास फ्री हिट द्यायला हवी होती.”
सुनील गावसकरांनी नो आणि वाईड बॉलवर सांगितलं जालीम उपाय
माजी भारतीय फलंदाज सुनील गावसकर यांनी अतिरिक्त धावा आणि विशेषत: वाईड बॉल आणि नो बॉल कसे कमी होतील यावर एक उत्तम कल्पना मांडली आहे. गावसकर म्हणाले की, “गोलंदाजाने सलग दोन वाईड चेंडू टाकले तर पुढच्या चेंडूला फ्री हिट म्हणायला हवे. गावसकर यांनी केलेल्या युक्तिवादामुळे गोलंदाज त्यांच्या रेषेवर लक्ष केंद्रित करतील आणि सामन्यादरम्यान वाईड चेंडू पुन्हा पुन्हा टाकताना दिसणार नाहीत. चेन्नई विरुद्ध लखनऊ सामन्यादरम्यान समालोचन करताना गावसकर यांनी ही भन्नाट कल्पना दिली.”
तथापि, समालोचन पॅनेलमध्ये समाविष्ट असलेले सायमन डोल आणि इयम बिशप हे गावसकर यांच्या कल्पनेशी सहमत असल्याचे दिसत नाही. “हा मूर्खपणाचा विचार असल्याचे त्यांनी सांगितले. कोणताही गोलंदाज जाणूनबुजून वाईड टाकू इच्छित नाही. त्याची लय खराब असते तरच अशा चुका होतात. यावर लगेच इतका टोकाचा निर्णय घेण्याची गरज नाही.” असे इयन बिशप यांनी आपले मत व्यक्त केले.
दीपक चहरने डेथ ओव्हर्समध्ये डावाच्या १७व्या षटकात सलग ३ वाईड टाकले. यादरम्यान, ग्रेट गावस्करने वाईड बॉलवर फ्री हिटची ही कल्पना ठेवली तेव्हा कॉमेंट्री बॉक्समध्ये सायमन डल आणि इयान बिशप त्यांच्यासोबत होते. प्रत्युत्तरादाखल सायमन डल म्हणाला की, जर आपण गोलंदाजांसमोर असे बोललो तर त्यांच्यासमोर मूर्खपणा होईल.
गावसकर पुढे म्हणाले की, “फ्री हिटच्या या नियमाने, गोलंदाज त्यांच्या लाईन लेंथवर अधिक लक्ष केंद्रित करतील, ज्यामुळे खेळात अधिक शिस्त येईल.” आम्ही तुम्हाला सांगतो की ७३ वर्षीय सुनील गावसकर खेळातील सर्वोत्कृष्ट गोष्टींसाठी क्रिकेट तज्ज्ञ म्हणून त्यांचे विचार मांडत आहेत. वाईड बॉलवर फ्री हिटचा नियम आज जरी विचित्र वाटत असला तरी आयसीसी हा नियम कधी मान्य करेल कुणास ठाऊक.
